#香港金像奖##香港金像奖颁奖典礼#
今年係第42屆金像獎

嘉玲姐件衫令我諗起Deanie姐件名貴戰衣

Angela真係好pure

大佬同二佬望住台上嘅三佬
但係唔知道三佬真正身份竟然係...

萍姐獲獎感言原來係要多謝全世界
同埋祝大家恭喜發財身體健康
最重要係
同徐克導演一齊祝香港電影發展越來越好

明禎bb同Stephy都好有默契
搞到子華都有啲怕丑哈哈

積肥佢兩個玩光劍 仲跳cha cha
即時就諗起逃學威龍2啦
不过佢唔笑 個樣其實先係最搞笑

大鵬頒獎最佳女配角講成最佳女主角
為咗補鑊 即時加咗句
「她們都是未來的最佳女主角」
而我個人 未來就特別睇好Renci同Fish咯

唔知點解 馮德倫同ab一齊出場
我竟然會聯想到蝙蝠俠同埋貓女

千王初戀林熙蕾仲係咁索

我留意到李尚正嘅反應 先至再次明白
點解周生以前會話李其實好搞笑

姜大衛得獎 正當佢搵緊古老闆蹤影嘅時候
屏幕就出現咗古老闆拍緊手掌嘅畫面
當畫面切到爾導
爾導就即刻熱情揮手同自己哥哥打招呼

可能係因為姜大衛得獎嘅時候
大家都企晒起身鼓掌
之後佢就同大家講 請坐
所以當大哥大洪金寶面對同一情況
佢就學咗講聲 大家坐低
場面氣氛即時變得好笑

最sweet嘅莫過於張繼聰同Kay媽放閃啦
除咗眼神在內 每個動作都係戲

填詞L電影音樂幾好聽

Aaron梅藍天上身好搞笑

余香凝得獎第一句都係多謝天主
上年Sammi好似都係

而令古老闆都搞唔明白嘅係
唔知自己點解變咗劉青雲
佢話自己仲以為拍緊天蠶變

至於成晚最遺憾嘅就係
影帝仍然係Tony 唔係Bowie

而子華等咗成晚 團隊到最後先至得到一個獎
頒影帝前仲俾古天樂飾演嘅劉青雲cue到
不如整個攞唔到獎之後嘅表情/反應啦
搞到後面講獲獎感言都幾乎講到眼濕濕
把聲都想喊想喊
可能都係因為反差太大
成場食白果 最想要嘅又得唔到
點知最後嚟個屈尾十 所以佢成個人就有啲激動

而成晚嘅大贏家就係「金手指」
不過Tony嘅演技又確實犀利
嘉玲姐話 睇到佢背後付出嘅
係500％甚至係1000%嘅努力
仲大讚佢係一個偉大嘅演員
Tony即時被嚇窒 隨後佢又即刻反駁
真係甜到漏油

但係講真 今屆最佳電影獎同影帝獎 真係好難捉摸

而且今年仲多咗一份匆忙
最佳新晉導演卓亦謙發表獲獎感言時
爾導就開始撩佢 提示佢要講快啲
輪到Tony發表感言
後面明明仲未講完嘢 畫面就無聲了

點講 希望子華拍完「破地獄」會有好結果啦
今屆Bowie同佢都係差咗啲運 唉
希望Bowie能夠再接到啲可以提名嘅角色
最後就係
希望香港電影越來越好越來越多人關注咯
明年再見啦 金像獎

p.s.以下圖片文字純粹我個人亂砌 唔一定代表artist本人真實諗法同講過嘅嘢 敬請家長留意

#日本##櫻花#
用live先可以體現川流不息，和煦微風的感覺了。
腳踏青青嫩草，望住櫻吹雪。
好想我媽挪住個存摺同我講：「女，我知道你好難過，我都唔忍心見到你咁，我提早交呢本存摺比你，你睇自己鍾意去邊定居就去邊了。呢筆錢，係你親生父母補償俾你的，佢哋生你落來個時好窮，無力養你，就交了你比我，呢家佢哋發左達，唔好意思認你，叫我將呢2000萬交俾你，補償你含辛茹苦咁自己長大。」

其实一开始係想去国家博物馆嘅，但係唔记得教抢预约嘅闹钟，抢咗一个星期都冇抢到……无意中刷到原来天安门城楼係可以上去个窝！！我真係大乡里！一直以为只能係广场睇升旗[笑cry]去小程序下，见到有票就随手买了，仲奇怪难道冇乜人知道可以上去嘅，抢嘅人唔多？结果发现原来係我太（gou）天（shi）真（yun）！后嚟查预约记录发现，我个日买到係好彩，后面基本冇票，个日可能係咁啱撞正放票时间[春游家族]！

对上一次去北京，仲係阿妈话，人生第一次自己出省旅游，应该去首都。跟团走马观花咁咯，但係第一次自己去玩，乜都新鲜～唔会好似而家咁有目的嘅，样样见到都开心到扎扎跳，甚至俾地陪放咗我哋半日假都傻更更觉得好自由，即刻揾当时係北京读紧书嘅老友鬼鬼带住自由行！笑死！俾着而家，投诉死个地陪同旅行社啦[doge]
个半日自由行，见识到北京高峰期公交几正，见识到地铁一号线风扇几正，见识到北京又平又甜嘅樱桃几正（係坚正个只），自由出入清华北大，仲专登去揾未名湖，玩到甚至唔想跟翻团了[笑cry]

其实北京有好多好多地方都想去，之所以搜游玩攻略，係因为实在冇咁多时间，故宫、图书管理员纪念馆、颐和园、长城甚至清华北大（唔知而家有无得预约入，定係唔俾外来人员入了）哩啲去过嘅地方，想去多次；国博、环球哩啲未去过嘅，更加感兴趣，但係佢哋是但一个都唔係是但一个钟就可以行完玩完，都唔讲行玩了，就係排队都排到怀疑人生……求其一个拉埋附近嘅都可以玩半日到一日[允悲]所以唯有一个都唔拣……好似故宫咁，係门口到此一游就上天安门城楼去了[开学季]——因为城楼有时间规定，而且确实游览嘅地方唔多，逗留唔耐。

屋企两件蛋散，应该都嚟唔到北京睇噶啦，我就拍咗个上城楼嘅视频俾佢哋云体验一下，係纪录片同电视剧里面，当年图书管理员举行开国大典嘅视野同感受！望出去真係好开阔，特别而家睇住长安大街车来车往熙熙攘攘，远处五星红旗猎猎作响，当年佢老人家就係抱住咁样嘅祈愿落行动决心，希望人民都可以食饱训好唔再过个啲为战争担惊受怕嘅日子吧。
特别係而家外面鸡飞狗跳嘅世界，再一次感受到个句：我哋唔係生係一个和平嘅年代，而係好彩生係一个和平嘅国家。

阿妈讲得啱：人生第一次自己出省游玩，一定要去祖国首都。

P13，买嘅盖章簿，因为要赶上城楼，小姐姐帮我盖好晒啦～
P14，好多人去影嘅红墙？我都唔执输，行过路过唔好错过[嘻嘻]
P15，住家买嘢嘅店铺仔，买咗支娃哈哈矿泉水支持下～