གུས་པ་སེ་རར་བསླེབ་ཐེངས་རེར། ཆོས་རའི་ཙད་ཙག་གི་ཀློང་ན་འདི་ལྟར་རྩོད་པའི་སྐད་སྒྲས་ཁྱབ་ཀྱིན་གདའ། ཁོང་ཅག་གི་ཐོས་བསམ་ལ་ཐང་ལྷོད་མེད་པའི་སྣང་བརྙན་འདིས་ཡིད་ཀྱི་བརྟན་པ་འཕྲོག་པར་བྱེད་ལ། སློབ་སྦྱོང་གི་སྙིང་སྟོབས་ལ་ངེས་ཤེས་གསར་བ་རེའང་འདྲོངས། ཁོང་ཅག་གི་མཐའ་རུ་འདི་ལྟར་སྡོད་པ་ནི། ང་རང་གནས་འདིའི་ལྷ་རྟེན་ཆོས་གསུམ་ལ་མཇལ་བ་ལས་ཀྱང་སྤྲོ་ཨང་།[鲜花][鲜花][鲜花]

ཆོས་རྗེ་ཡིད་བཞིན་ནོར་བུའི་ཞལ་ནས།
རྫོགས་པ་ཆེན་པོ་ལ་བག་ཆགས་རེ་ཞོག ཨེ་གོ་ལྟོས་དང་ཁྱེད་རྣམ་པས་མི་གོ་བ་མ་རེད། གོ་ནའང་ད་དུང་ཡིད་མི་ཆེས་པའམ། གལ་ཏེ་ཡིད་ཆེས་ན་ཡང་ཉམས་ལེན་མ་ཐུབ་པ་ཡིན་པས། ཉམས་ལེན་ལ་འབད་བརྩོན་གྱིས་དང་། རབ་ན་ཚེ་འདིར་ཆོས་སྐུའི་རྒྱལ་སྲིད་ཟིན་པ་དང་། མིན་ཡང་ཆོས་ཉིད་བར་དོའམ་རང་བཞིན་སྤྲུལ་སྐུའི་ཞིང་དུ་གྲོལ་བར་འགྱུར་བ་ལ་ཐེ་ཚོམ་གང་ཡང་མེད། ནམ་རྒྱུན་ཆུ་ཚོད་ཕྱེད་ཙམ་ལ་ཐུན་གཅད་རྒྱུ་གྱིས། དོན་དག་ཤིན་ཏུ་གལ་ཆེ་བ་གཏན་ནས་མི་ཁོམ་པའི་དུས་ཚོད་ཅིག་བྱུང་ན་སྐར་མ་བཅོ་ལྔ་རེ་གྱིས། དེ་ཙམ་ལའང་ཐུན་གཅད་མི་ཁོམ་རྒྱུ་ཞིག་ཡོད་པ་མ་རེད། གལ་ཏེ་དེ་རིང་གཏན་ནས་མ་ཐུབ་ན་སང་ཉིན་དེའི་ཚབ་ཏུ་ཐུན་བཅད་ནས་མི་ཚེ་གང་བོར་ཆད་དུ་མ་འཇུག་དང་།
རྫོགས་པ་ཆེན་པོ་ལ་ལས་འཕྲོ་བཟང་པོ་ཞིག་བཞག་པས་ལམ་སྣེ་བཟང་པོ་ཞིག་ཟིན་ཡོང་བ་ལ་ཐེ་ཚོམ་མེད། དེས་ན་རྫོགས་པ་ཆེན་པོའི་གདམས་ངག་མཁའ་འགྲོ་སྟོང་གི་སྙིང་ཁྲག་འདི་དགའ་ངོ་མཐུན་ངོ་བྱས་ཏེ་སྦྱིན་རྒྱུ་གཏན་ནས་མ་རེད། ཆ་རྐྱེན་ཚང་ནས་བཟུང་སུ་ལའང་སྦྱིན་རྒྱུ་རེད། ཆ་རྐྱེན་གང་ཡིན་ན་སྤྱིར་བླ་མ་ལ་དད་པ་ཡོད་པ། ཆོས་ལ་མོས་པ་ཡོད་པ། སེམས་ཅན་ལ་སྙིང་རྗེ་ཡོད་པ་སྟེ་ཆ་རྐྱེན་གསུམ་པོ་འཛོམ་དགོས་པ་རེད། ཅེས་གསུངས།

མྱོང་ཚོར།

ཚོར་བའི་ཁ་དོག་དང་།
རྟོག་འགྱུ་ལ་འགྲེལ་བཤད་སྣ་ཚོགས་མི་བྱེད།
གླེང་མོ་དང་བྱ་བཞག་གི་བར་ནས།
ཆད་བསྟོད་ཀྱི་ངང་ཚུལ་དེ་རང་ཚུགས་ཞིག་མིན།
གལ་ཏེ།
ལྷ་ལས་ལྷག་པའི་འཛིན་སྟངས་དེ་དག
དོན་དངོས་ཀྱི་ལྗོན་དབང་ཞིག་ཡིན་ཚེ།
རང་བཞིན་གྱིས་བར་སྟོང་མཛེས་སྡུག་ལྡན་པ་ཞིག་ཡོད་སྲིད།

༣-༡༠