࿐དྲིན་གྱི་སྐྱོང་མཁན་གྱི་མ་ལོ་ལགས་དང་ཚེ་གཅིག་ལས་ལ་བཀོད་པའི་གཅེས་པའི་ལྕམ། དེ་མིན་ལམ་གྱི་ཉག་ཕྲན་སོ་སོ་ནས་འཕྲད་པའི་གྲོགས་དང་ནམ་ཞར་སེམས་ཁྲལ་དང་ཐུགས་ཁུར་གནང་མཁན་གྱི་གཉེན། ལམ་སྣ་རེ་ལས་འཇལ་བའི་བརྩེ་བའི་དགེན་དག ལས་ལ་བཀོད་པའི་འཇལ་འཛོམས་ཀྱི་ལོ་ཟླ་དག་སྙེམས་པའི་རི་མོ་ལྟར་གསལ་ལ་སེམས་ཀྱི་སྤང་ས་དེ་ནས་ངང་གིས་བཞད། ནམ་རྒྱུན་དྲན་པ་མནོག་མོ་དེ་ཁྱེད་ཅག་གི་ཕྱོགས་སུ་ངང་གིས་ཕྱིན་ལ་ཕྱིར་དྲན་རེ་ཞིག་དྲན་པའི་སྒོ་ངོས་སུ་ལྷང་ངེར་འཆར། དུས་དང་ལས་ལ་སྐལ་རེ་ཡོད་ཚེ་ངའི་ཁྱེད་ཅག་གི་བདེ་བར་སྨོན་ལམ་དང་སྔ་ནས་མཉམ་འཛོམས་བྱུང་བར་གསོལ་འདེབས་བྱེད། ཚེ་གཅིག་ལས་ཀྱི་འཕྲད་པ་འདི་ལ་དགའ་བ་དང་སྐྱིད་པའི་ཁེངས་ལ། ལྗན་ལྗིན་མ་འགོས་བར་བརྩེ་བ་བསྩོལ་རོགས།

དགྲ་བླ་འབོད་པའི་གད་རྒྱངས་བཞུགས་སོ།
࿐ ཀྭའི་ཀྭའི་ཀྭའི།  
ཀི་གཅིག་ཀི་གཉིས་ཀི་སྒྲ་གསུམ།། 
དཔའ་དགྲ་བླ་འབོད་པའི་གད་རྒྱང་ཡིན།།    
ཀི་དང་པོ་རྒྱལ་ཀུན་འདུས་པའི་སྐུ།།    
རྗེ་འགྲན་མེད་སང་ཆེན་རྒྱལ་པོ་འབོད།།    
དཔལ་དོན་རྒྱུད་རྟོགས་པའི་ཕ་ཕོག་དེ།།    
བདག་སྐལ་ལྡན་སེམས་ཀྱི་དཔྱིད་དུ་སྩོལ།།    
ཀི་གཉིས་པས་ཕ་ཇོ་འདན་མ་འབོད།།    
བུ་དམ་ཚིག་འགྱུར་མེད་ཁོ་བོ་ལ།།    
ཚར་གཅོད་དང་རྗེས་སུ་འཛིན་པ་ཡི།།   
དཔའ་དགྲ་བླ་འབུམ་གྱི་ནུས་མཐུ་སྩོལ།།    
ཀི་གསུམ་པས་གཏན་གྲོགས་ནེའུ་ཆུང་འབོད།།    
གནས་ཉེར་བཞིའི་དཔའ་བོ་མཁའ་འགྲོའི་ཚོགས།།    
དུས་མཉམ་དུ་རོལ་བའི་བདེ་སྟོང་ལམ།།    
ཆོས་ཟག་མེད་དགའ་སྟོན་འགྱེད་དུ་གསོལ།།    
ཕར་ལྟོས་དང་ངོ་མཚར་ཆེ་ལུགས་ལ།།    
འོད་ཆེན་པོས་ནམ་མཁའ་གང་ནས་འདུག།    
འདི་འདྲ་བ་ད་སྔོན་མཐོང་མ་མྱོང་།།    
སེམས་འོད་གསལ་རིག་པའི་སྣང་ཆ་ལ།།    
ཡང་བལྟས་ཚེ་མི་དཀར་རྟ་དམར་ཅན།།    
ཞལ་དཀར་པོ་བཅོ་ལྔའི་ཟླ་གཞོན་ལ།།    
མཚལ་ལི་ཁྲིས་ཐིག་ལེ་བྱས་པ་འདྲ།།    
མིག་གང་ལ་གཏད་ཀྱང་ཁྱོད་ལ་འཁོར།།    
སེམས་གཡོ་མེད་ཁྱོད་ཀྱི་དམ་པོར་བསྡམས།།     
སྐུ་བརྗིད་པ་རི་ཡི་དབང་པོ་འདྲ།།    
རྩལ་གློག་ཞགས་འཁྱུགས་པའི་གར་ལ་འགྲན།།    
སྟོབས་ཆེ་བས་གནམ་ས་ཡོམ་ཡོམ་བྱེད།།    
འདི་འཛམ་གླིང་སང་ཆེན་ཡིན་ངེས་འདྲ།།    
རྗེ་དེ་ཡི་སྟེང་འོག་ཕྱོགས་མཚམས་ན།།    
སྟེང་ལྷ་དམགས་སྤྲིན་དཀར་བྱིན་རེ་ཆགས།།    
བར་གཉན་དམག་རླུང་དམར་དྲག་ཏུ་འཚུབ།།    
འོག་ཀླུ་དམག་རྒྱ་མཚོ་མེ་རེ་རེ།།    
སྨན་ན་ཆུང་གླུ་དབྱངས་ཤ་ར་ར།།    
འཁོར་དཔའ་རྟུལ་སྟོང་དང་དགུ་བརྒྱ་དང་།།    
དེའི་ཡང་འཁོར་འབུམ་ཁྲི་འབུམ་སྟོང་རྣམས།།    
དམག་ལྟ་བ་མིག་གི་མི་བཟོད་ཅིང་།།    
གྲངས་གཞལ་བ་སེམས་ཀྱིས་མི་ཆུམ་མོ།།    
དཔུང་འདི་འདྲ་གང་དུ་བསྐྱོད་རྒྱུ་ཡིན།།    
བུ་སྐལ་ལྡན་རྗེས་སུ་འཛིན་འདོད་ན།།    
སྐུ་གཞན་དུ་མ་བསྐྱོད་འདི་རུ་བཞུགས།།    
མགོན་ཤཱཀྱ་སེང་གེའི་བསྟན་པ་ལ།།    
ཁ་ཙམ་མིན་སྙིང་ནས་གུས་པ་ཡི།།    
ངེད་བུ་སློབ་སྐལ་ལྡན་འབུམ་ཕྲག་རྣམས།།    
རྗེ་ཁྱེད་ཀྱི་བྲན་དུ་སྙིང་ནས་མཆི།།    
གནས་ལོང་སྤྱོད་ལྟོས་པ་མེད་པར་འབུལ།།    
ལས་སྐྱིད་སྡུག་ཅི་མཛད་ཁྱེད་རང་མཁྱེན།།    
སྡང་དགྲ་བོ་ཆམ་ལ་འབེབས་འདོད་ན།།    
སྤྱིར་བསྟན་དང་འགྲོ་བ་ཡོངས་ལ་འཚེ།།    
སྒོས་ལྷ་འབངས་སྐལ་ལྡན་བདག་ཅག་ལ།།    
བསམ་ངན་དང་སྦྱོར་རྩུབ་འཆང་བ་ཡི།།     
དགྲ་བྱེ་བ་འབུམ་གྱི་ཤ་ཁྲག་ཀུན།།    
གླིང་དཔའ་བོའི་རྔམ་སྟོན་ཟས་སུ་འབུལ།།    
ཐུགས་དགྱེས་པར་མཛོད་ལ་བཞེས་སུ་གསོལ།།    
ངེད་འདིར་ཚོགས་སྐལ་ལྡན་ཕོ་མོ་ཡི།།    
ལུས་འདི་ལ་དགྲ་བླའི་དཔའ་རྫོང་ཆོས།།    
ངག་མི་འགྱུར་བདེན་ཚིག་ནུས་པ་རྩོལ།།    
སེམས་ཆོས་སྐུའི་རང་ཞལ་མངོན་སུམ་སྟོན།།    
རྗེ་ཁྱེད་དང་དབྱེར་མེད་བྱིན་གྱི་རློབས།།    
ཨེ་ཨ་ཏི་མི་བུ་ལྷ་རྒྱལ་ལོ།།   
ཞེས་རབ་བྱུང་བཅུ་བདུན་པའི་ས་སྦྲུལ་ཧོར་ཟླ་༡༡་ཚེས་༡༡་ཀྱི་སྔ་དྲོར་དག་པའི་སྣང་བ་འདི་འདྲ་ཞིག་ཤར་ཚེ། ཁ་ནས་གང་བྱུང་བཅོས་བསྒྱུར་མེད་པར་སྨྲས་པ་བཞིན་ཚ་བོ་དཔལ་མཛོད་ཀྱིས་ཡི་གེའི་གཟུགས་སུ་ཤར་མར་སྤེལ་བ་འདི། སུས་བཏོན་ཀྱང་བྱིན་རླབས་ཀྱི་ཚན་ཁ་གཞན་ལས་ཆེ་བ་ཞིག་ཡིན་པར་རློམ་མོ། ། ཨ་བྷྱ་ལཀྵཾ་ཀ་རས་སོ།།

࿐དྲིན་ཆེན་རྩ་བའི་བླ་མ་ཁྱེད་ཀྱི་སྐུ་གསུང་ཐུགས་ཀྱི་ཡོན་ཏན་མཐའ་དག་བདག་གི་རྒྱུད་ལ་འཕོས་ནས་བསྟན་པ་དང་སེམས་ཅན་གྱི་དོན་རྒྱ་ཆེན་པོ་འགྲུབ་པར་བྱིན་གྱིས་བརླབ་ཏུ་གསོལ།
所有善根回向十方法界如母有情，愿诸有情速离轮回，得究竟乐。དཔལ་ལྡན་རྩ་བའི་བླ་མ་རིན་པོ་ཆེ། །
བདག་སོགས་སྙིང་གར་པདྨའི་གདན་བཞུགས་ལ།།
具德根本上师宝
请住我心莲座上
བཀའ་དྲིན་ཆེན་པོའི་སྒོ་ནས་རྗེས་བཟུང་སྟེ། །
སྐུ་གསུང་ཐུགས་ཀྱི་དངོས་གྲུབ་སྩལ་དུ་གསོལ།།
以大恩德摄受我
赐予身语意悉地
དཔལ་ལྡན་བླ་མའི་རྣམ་པར་ཐར་པ་ལ། །
སྐད་ཅིག་ཙམ་ཡང་ལོག་ལྟ་མི་སྐྱེ་ཞིང་།།
具德上师诸事迹
刹那亦不生邪见
ཅི་མཛད་ལེགས་པར་མཐོང་བའི་མོས་གུས་ཀྱིས། །
བླ་མའི་བྱིན་རླབས་སེམས་ལ་འཇུག་པར་ཤོག།
所作观善敬信故
上师加持愿入心