ལོ་གསར་པའི་ལོ་མགོ་ནས་ཨ་རིའི་མ་སི་ཁི་ཡིས་འགྲོ་བ་མི་ཡི་བསམ་གཞིག་གི་དབང་པོ་ཀླད་རྩ་དང་གློག་འཕྲུལ་གཉིས་སྦྲེལ་མཐུད་ལེགས་འགྲུབ་བྱུང་བའི་གསར་འགྱུར་ཞིག་གིས་འཛམ་གླིང་ཡོམ་ཡོམ་སྒུལ་མོད། ང་ཚོའི་སྤྱི་ཚོགས་ནང་དེར་དོ་སྣང་བྱེད་མཁན་འགའ་ཟུང་ཙམ་རེད།

ཉེ་སྔོན་བྱིས་པ་ཞིག་གིས་ངས་ཀྲུང་གོའི་བྱང་ཤར་གྱི་གནམ་གཤིས་དྲོ་རུ་གཏོང་གི་ཡིན། དེ་ལྟར་བྱས་ན་བྱང་ཤར་གྱི་མི་ཚོས་པགས་རིགས་གྱོན་མི་དགོས་ལ་དེས་སྲོག་ཆགས་མང་པོར་ཕན་ཐོགས་ཐུབ་ཅེས་པའི་གཏམ་དེར་ཧ་ལས་ཤིང་ཡ་མཚན་མཁན་དང་ཡི་རང་མཁན་ཆེས་མང་བར་སྣང་།

རྒན་པདྨ་ཚེ་བརྟན་ལགས་ཀྱིས་མི་ཡུལ་དུ་བཞག་པའི་བརྩམས་ཆོས་ཐ་མ་གློག་བརྙན་༼ གསའ་༽ ལ་བལྟས་ཟིན། གངས་ཆུ་དྭངས་མས་གསོས་ཤིང་གངས་རིའི་ཁྲག་རྒྱུན་འཚོ་བའི་དམ་པ་ཁོང་ལ་མྱ་ངན་དང་གུས་འདུད་ཞུ།

སྟོན་ཟླ་དང་ལོ་མ་སེར་པོ།

རྩོམ་པ་པོ། སྦྲ་ཐག/ཁམས་ཕྱོགས།

ལྕང་ལོ་ཡིས་ལག་བརྡ་སྟོན་བཞིན་རི་བོའི་རྒྱབ་དུ་ཕྱིན་པའི་དུས་དེར་མེ་ཏོག་གིས་ཉིན་ཞག་བརྩི་བཞིན་རྒྱ་མཚོའི་མཐའ་དུ་འགྲོ
ལྕང་ལོ་སེར་པོ། ལོ་མ་དམར་ནག མེ་ཏོག་སྐམ་པོ། མཚོན་མདོག་ནག་པོ།
བེའུ་ལུག་གིས་ཨ་མ་འབོད་བཞིན་ཤ་ཤད་རྒྱས་པའི་དུས་དེར་བྱིས་པ་ཚོ་ཀ་ཁ་དབྱངས་བཞིན་གཡང་ཁྱིམ་དུ་འཁོར།
བེའུ་ཁྲ་ཁྲ། ལུག་གུ་དཀའ་པོ། བྱིས་པའི་དགའ་སྤྲོ། རྒན་པའི་ངལ་གསོ།
ལོ་ཐོག་གི་འབྲས་བུ་བསྡུ་ནས་མི་སེར་རྣམས་ལྷོད་ལ་བབ་པའི་དུས་དེར་གླེགས་བམ་གྱི་དབྱངས་སྒྲ་བསྒྲོགས་བཞིན་གྲྭ་བཙུན་རྣམས་གྲོང་དུ་ཉུལ།
ལོ་ཐོག་སེར་སྐྱ། འབྲས་བུ་རིལ་རིལ། སེམས་པ་ལྗང་ནག གྲྭ་བཙུན་དམར་སེར། དབྱངས་སྐུད་དཀར་པོ།
སྐབས་སུ། འབྲུ་ཆར་འབབ་བཞིན་སེ་རས་མི་མགོ་རྡུང་། གྲོང་དྲོད་ཀྱིས་རྡོག་བྲོ་འཁྲབ། རླུང་དམར་དང་བུ་ཡུག་འཚུབ། ཁ་བ་དང་བསིལ་རེག་འོང་།
དུས་དེར་དབྱར་ཟླ་མིན་ལ་སྟོན་ཟླ་ཡིན།
དུས་དེར་དཔྱིད་ཟླ་མིན་ལ་དགུ་ཟླ་ཡིན།