༄༅། །དངོས་བྱུང་གཏམ་རྒྱུད་ཅིག།(སྒྱུར་རྩོམ།)

པར་རིས་འདིར་བལྟས་རྗེས་ཁྱོད་ཀྱི་སེམས་ནང་དུ་བསམ་བློ་ཡག་བཙོག་སྣ་ཚོགས་པ་ཞིག་འཁོར་སྲིད་མོད། རེད་དེ་པར་རིས་འདིའི་ནང་དོན་ངོ་མ་དེ་རྟོགས་ཚེ་ཁྱོད་ཀྱི་མིག་ནང་ནས་མིག་ཆུའི་ཐིགས་པ་རེ་གཉིས་དབང་མེད་དུའང་འཆོར་སྲིད།
ཡོ་རོབ་ཀྱི་རྒྱལ་ཁབ་ག་གེ་མོ་ཞིག་གི་ནང་མི་རྒན་ཞིག་ལྟོགས་གསོད་ཀྱི་ཁྲིམས་ཆད་ཕོག་སྟབས་བཙོན་ཁང་ཞིག་ཏུ་བཅུག་པ་རེད། ཁྲིམས་ཚད་དེ་ནི་བཙོན་ཁང་དུ་བཅུག་ནས་ལྟོ་མི་སྟེར་བར་ལྟོགས་ཤི་ཐེབས་འཇུག་རྒྱུ་དེ་རེད།
ཁོའི་བུ་མོས་སྲིད་གཞུང་ལ་ཕ་རྒན་ཁོང་མ་ཤིའི་བར་ཉིན་ལྟར་ཐུག་འཕྲད་བྱེད་ཆོག་པའི་རེ་བ་བཏོན་པ་ལྟར་བཀའ་འཁྲོལ་ཐོབ། རེད་དེ་བཙོན་ཁང་དེའི་སྒོ་སྲུང་བ་ཚོས་བསྔོག་བཤེར་ནན་པོ་བྱས་པའི་དབང་གིས་ཟས་རིགས་གང་ཡང་ནང་དུ་འཁུར་ཐུབ་ཐབས་བྲལ།
ཁོ་མོས་ཕ་རྒན་གྱི་ཉམ་ཐག་པའི་གནས་སྟངས་དེ་མཐོང་བས་མ་བཟོད་པར་ཁོང་གསོན་པོར་གནས་ཆེད་བྱམས་ལྡན་མ་ལོའི་སྤྱན་གྱིས་གཟིགས་ནས་ཉིན་ལྟར་ཨ་ཕར་ནུ་མ་བསྣུན་ནས་འཚོ་ཐབས་བྱས།

དེ་ལྟར་ཉིན་གྲངས་མང་པོ་ཕྱིན་ཀྱང་མི་རྒན་ཁོང་མ་ཤི་སྟབས་བཙོན་ཁང་དེའི་སྒོ་སྲུང་བ་ཚོས་གནད་དོན་དེར་དོགས་པ་བྱེད་དགོས་པའི་གནས་སུ་གྱུར།
མཇུག་མཐར་མོས་ཕ་རྒན་ལ་ནུ་མ་བསྣུན་པའི་གནས་ཚུལ་དེ་ཁོ་ཚོས་ཤེས་རྟོགས་བྱུང་ནས་ཁྲིམས་ལ་བཏུག་ཀྱང་། མོའི་རང་དོན་བློས་གཏོང་གི་རང་གཤིས་བཟང་པོ་དེར་བཙོན་ཁང་གི་དོ་དམ་པ་སེམས་འགུལ་ཐེབས་ནས་ཁོ་མོའི་ཕ་རྒན་ཡང་བཙོན་གྲོལ་བཏང་བ་བཅས་དངོས་བྱུང་གི་ལོ་རྒྱུས་ཤིག་ཏུ་གྱུར།
ཚོན་བྲིས་རི་མོ་འདི་ནི་ད་ཆ་ཡོ་རོབ་རྒྱལ་ཁབ་ནང་གི་ཚོན་བྲིས་རི་མོ་རིན་གོང་ཆེ་གྲས་ཤིག་ཡིན་པར་གྲགས།

ང་རི་མོ་བ་ཞིག་ཡིན་ན།
​
​

ལོ་རྒྱུས་པས་ཇི་ལྟར་འབྲི་དགོས་མིན་དཔྱད་པའི་གནས་ཡིན་མོད། གང་ལྟར་མཛེས་སྡུག་ཅིག་བྲི་བཞིན་འདུག ཉན་ན་རྣ་ལ་སྙན་ཞིང་བསྒོམ་ན་དྭངས་ཤིང་གཙང་བ་ཞིག་བྲི་བཞིན་འདུག བཞུགས་གནས་དང་གྱོན་ཆས། འགྲོ་འདུག་དང་བཟོ་བལྟ། དཔེ་ལྟ་དང་རྩོད་སྟངས། དབུ་ཞྭ་དང་ཆོས་འཆད་མཐའ་དག་གཙང་མ་ཞིག་བྲི་བཞིན་འདུག ལྷ་སྐུ་ཡོད་ཚད་དེ་ལྟར་བྲིས་ཤིང་བཞེངས། གོང་སྣེ་དྲེག་པ་ཅན་གྱི་ཞི་བ་འཚོ་ཞིག་ཡོད་མི་སྲིད་ལ་ཞབས་ལ་སག་རི་འགོ་བའི་དཔལ་མགོན་ཀླུ་སྒྲུབ་ཅིག་ཀྱང་ཡོད་མི་སྲིད། གསོལ་ཕོར་དྲེག་པས་གོས་པའིཕྱོགས་ཀྱི་གླང་པོ་ཞིག་ཡོད་མི་དར་ལ་སེན་མོ་རྡུལ་གྱིས་སྦག་པའི་སློབ་དཔོན་དབྱིག་གཉེན་ཞིག་ཀྱང་ཡོད་མི་ཁྲིམས། དེ་ནི་ང་ཚོས་བྲིས་ཤིང་བྲི་བཞིན་པའི་རི་མོའི་སྒྱུ་རྩལ་དག་གོ། གལ་སྲིད་ང་རི་མོ་བ་ཞིག་ཡིན་ན། དབུ་ལྟག་པར་དགྱེ་བཞིན་ཧབ་ཆ་གཏོང་བའི་ཆོས་ཀྱི་གྲགས་པ་ཞིག་བྲིས་ཡོད་ལ་གློ་ས་ལ་ཕབས་ཏེ་བ་འོ་འཐུང་བཞིན་པའི་ཞི་བ་འཚོ་ཞིག་ཀྱང་བྲིས་ཡོད། གཟན་པང་དུ་བཞག་ནས་མཉམ་བཞག་བྱས་ཡོད་པའི་འཕགས་པ་ཀླུ་སྒྲུབ་ཅིག་བྲིས་ཡོད་ལ་ཞབས་གཉིས་ཀ་བསྐྱངས་ནས་གནའ་གཏམ་གསུང་བཞིན་པའི་སློབ་དཔོན་ཐོགས་མེད་ཅིག་ཀྱང་བྲིས་ཡོད།

​
​

རང་ཤག་ནས་ཐད་ཀར་བྲིས།

࿑གཞན་གྱི་གསུང་སྒྲོས་གྲགས་པ་ཅན་དཔེར་ན། “行动决定本质”ཟེར་མི་ཤེས་ལ། “他人就是地狱”ཀྱང་ཟེར་མ་ཤེས་མོད། རང་གི་བློས་འཆུན་པའི་བསམ་གཞིག་ཕྲན་བུ་རེ་ནམ་ཡང་འདོར་མེད་དུ་སྐྱོང་བ་དང་། རང་གི་འཚོ་བ་དང་འཚམས་པའི་བླང་དོར་ཕྲ་མོ་རེའང་ཆུ་ཡི་ཐིགས་པ་བཞིན་གསོག་ན། ནམ་ཞིག་སེམས་པ་འདི་བློང་བློང་པོ་དང་སྟོང་ཧང་ཧང་ཞིག་ཏུ་འགྱུར་མི་སྲིད་པ་ནི། ཐག་གིས་ཆོད་དོ། །ཐེ་ཚོམ་མེད་དོ། །