࿑རང་ཅག་གིས་ཅིས་ཀྱང་ཕ་སྐད་བསླབ་སྦྱང་ལ་འབད་དགོས། དེ་ཡང་གོ་ཆོད་མི་ཆོད་ཀྱི་རྒྱུ་མཚན་ཙམ་ལ་བལྟོས་པ་མེད་པར། ཕ་སྐད་ནི་རང་རེ་རྣམས་ཀྱི་གོ་བབ་(身份)ཀྱི་ཆ་གཅིག་ཡིན་ལ། རང་ཅག་གི་ཕ་ཡུལ་ཡང་ཡིན་ནོ། ། —རྒྱ་ཡིག་གི་གསར་ཤོག《འཛམ་གླིང་གི་དུས་བབ》ནས་བཏུས་ཏེ་བསྒྱུར།

࿑ ལུགས་ཀྱི་བསྟན་བཅོས་ལས།

བླུན་པོས་བདེ་དང་སྡུག་བསྔལ་ཀུན། །
གཞན་གྱི་རྐྱེན་ལས་བྱུང་སྙམ་དུ། །
རྟག་ཏུ་ཡུལ་ལ་འདོར་ལེན་གྱི། །
ཆགས་སྡང་རྣམ་རྟོག་རྦ་ལ་གཡེངས། །

མཁས་པས་བདེ་དང་སྡུག་བསྔལ་ཀུན། །
བདག་ལ་རག་ལས་ཤེས་བྱས་ནས། །
རྟག་པར་ནང་དུ་བློ་ཕྱོགས་ཏེ། །
བདག་ལ་རྟོག་ཅིང་བག་ཡོད་གནས། །

____/ ཞེས་ཀུན་མཁྱེན་མི་ཕམ་པས་སོ། །

࿑རྟེན་ཅིང་འབྲེལ་པར་འབྱུང་བ་ཡི།།
ཚིག་གི་ཆ་ཤས་རྟེན་ཞེས་པས།།
དངོས་རྣམས་རྒྱུ་མེད་རྐྱེན་མེད་ལས།
བྱུང་བ་མ་ཡིན་རྒྱུ་རྐྱེན་ལ།།
བརྟེན་ནས་འབྱུང་བ་ཡིན་པ་དང་།།
འབྲེལ་ཞེས་མཐུན་པའི་རྒྱུ་ལས་བྱུང་།།
འབྲེལ་བ་ཡོད་པའི་རྒྱུ་ཞིག་ལས།།
བྱུང་བ་ཡིན་ཞིང་མི་མཐུན་པའི།།
རྒྱུ་ལས་བྱུང་བ་མིན་བསྟན་པས།
རྒྱུ་མེད་པ་དང་མི་མཐུན་པའི།།
རྒྱུ་ལས་བྱུང་བ་ཡང་མིན་པ།།
གོ་ནུས་སྤེལ་མར་བསྟོད་པ་ལས།།
རྟེན་ཞེས་ཆོས་ཉིད་མི་འདོར་ལ།།
འབྱུང་ཞེས་འཇིག་རྟེན་ཚུལ་ཡང་སྟོན།།
རིགས་ཚུལ་ཀུན་ལས་རྒྱལ་པོ་བཞིན།།
རྟེན་ཅིང་འབྲེལ་འབྱུང་ཚད་མའི་བཀའ།།
ཞེས་གསུངས་རྟེན་ཅིང་འབྲེལ་ཞེས་པས།།
མཐའ་གཉིས་སེལ་བར་བསྟན་པའང་གསུངས།།
གཞན་ལས་བཤུས། https://t.cn/z8Ac3wc