“སྐྱིད་ན་སྐྱིད་ཚུགས་འཛིན་པའི་སྐྱིད་གྲོགས་ཡ

首页发布

“སྐྱིད་ན་སྐྱིད་ཚུགས་འཛིན་པའི་སྐྱིད་གྲོགས་ཡིན། །
སྡུག་ན་སེམས་གསོ་བྱེད་པའི་སྐྱོ་རོགས་ཡིན། །
རྒྱུན་དུ་བློ་འདྲི་བྱ་སའི་སྙིང་གྲོགས་ཡིན། །
གྲོགས་མཆོག་དམ་པ་བཀའ་བརྒྱུད་གསུང་ཁོ་ན། །”

དེ་རིང་གི་མགུར་མ།

ལྟོས་དང་ནུབ་རིའི་རྩེ་ནས།།
ཉི་མ་ཕྱིར་ལ་འགྲིབ་བྱུང་།།
རྒྱུད་དྲུག་སེམས་ཀྱི་པི་ཝང་།།
ལྷོད་ཀྱིས་དཀྲོལ་ནས་སྡོད་དང་།།

རླུང་བུ་བྱང་ནས་ལྡང་གི།
སྤྲིན་པ་ལྷོ་རུ་བཞུད་སོང་།།
ཤར་ཕྱོགས་ལ་ཁའི་རྩེ་ནས།།
ཟླ་བ་མཁའ་རུ་ཕེབས་བྱུང་།།

འདས་ཟིན་ཆུ་འཛིན་སྤྲིན་ནག།
ཡིད་ཀྱི་མཁའ་རུ་འཛོམས་པས།།
འདས་སོང་མི་ཚེའི་གཏམ་རྒྱུད།།
ཆར་བ་བཞིན་དུ་རྡུལ་བྱུང་།།

འདི་ནས་ཡར་སྔོན་བརྩི་དུས།།
ལོ་ངོ་བཅོ་བརྒྱད་ནང་གི།
འདས་པའི་རྨི་ལམ་རིང་མོའི།།
འཁྲབ་སྟོན་ཡིད་ལ་ཤར་བྱུང་།།

སྐབས་རེར་ངེས་འབྱུང་ལམ་ནས།།
ཅི་ཡང་མི་རྟག་ཟེར་མྱོང་།།
ལན་རེར་གུ་ཡངས་ངང་ནས།།
ཆགས་གཏམ་འགའ་ཡང་སྤེལ་མྱོང་།།

གཏམ་རྒྱུད་དལ་གྱི་ཆུ་ལ།།
སྙན་ཚིག་ཕབ་ཀྱིས་བསྙལ་ཞིང་།།
ཤོག་དཀར་ངོས་སུ་བཀོད་ནས།།
འཕྲིན་པ་ལམ་ལ་མངགས་ཡོད།།

—ཞོགས་ཆུ་ནས།

ཨེ་མ་ཧོ༔
ཚེ་དཔག་མེད་པའི་བྱིན་རླབས་དང་༔
བསྙེན་སྒྲུབ་མཐར་ཕྱིན་འདི་ཡི་མཐུས༔
བཞི་བརྒྱ་རྩ་བཞིའི་ནད་རྣམས་དང་༔
སྟོང་ཕྲག་བརྒྱད་ཅུའི་བགེགས་རྣམས་དང་༔
གློ་བུར་དགུ་བཅུ་རྩ་གཅིག་དང༔
དུས་མིན་འཆི་བ་རྣམ་བརྒྱད་སོཊ༔
མི་མཐུན་ཚེ་ཡི་བར་ཆད་རྣམས༔
མ་ལུས་ཞི་ཞིང་བཟློག་པར་ཤོག༔

[合十]