ལྟོ་བ་འགྲངས་ཀྱང་སེམས་ལ་ཚིམ་དུས་མེད།།
གཟུགས་པོ་དྲོ་ཡང་ནང་ལ་འཁྱག་སྣང་འཆར་།།
མཁོ་དགུ་ཚང་ཡང་དགོས་རྒྱུ་ཕྱི་ཕྱིར་མང་།།
བདེ་སྐྱིད་ཟེར་བའི་གཏམ་ལ་ཆ་འཇོག་མེད།།
__ཤེས་རབ་མེ་ལྕེ་ནས་༢༠༢༤-༣-༥-ཉིན

མ་མོ་མཁའ་འགྲོ་ཀུན་གྱི་གཙོ་མོ་སྟེ།བར་ཆད་སེལ་མཛད་རྡོ་རྗེ་ཕག་མོ་ཡུམ།
རིག་ཀྱི་ལྷ་མོ་གསང་བ་ཡེ་ཤེས་དབྱིངས།མ་སྲིང་མཁའ་འགྲོའི་ཚོགས་ལ་ཕྱག་འཚལ་ལོ།
今天是1月藏历25日空行母的节日

པདྨའི་རིང་ལུགས་སྔ་འགྱུར་རྫོགས་པ་ཆེ།།
莲师传承初始大圆满
ངེས་དོན་སྙིང་པོའི་ཤིང་རྟ་བདུད་འཇོམས་གླིང་།།
敦珠林巴驾驭真实义
གང་གི་ཟབ་གཏེར་བསྟན་པ་སྲིད་མཐའི་བར།།
教理常存直至轮回尽
མི་ནུབ་བཤད་དང་སྒྲུབ་པས་འཛིན་འགྱུར་ཅིག།།
修学珍宝伏藏永长传

#རྗེ་འབངས་ཉེར་ལྔ།# ༡༦༽ ལོ་ཆེན་སྐ་བ་དཔལ་བརྩེགས།
སྐ་ཅོག་ཞང་གསུམ་དུ་གྲགས་པའི་ནང་ཚན་ཏེ། དབུ་རུ་འཕན་ཡུལ་སྐ་བ་ཞེས་པའི་སར་ཡབ་སྐ་བ་བློ་ལྡན་དང༌། ཡུམ་འབྲོ་བཟའ་མཛེས་མ་གཉིས་ཀྱི་སྲས་སུ་འཁྲུངས། སློབ་དཔོན་ཆེན་པོས་སྤྲུལ་པའི་ལོ་ཙཱར་ལུང་བསྟན་པ་བཞིན་སྒྲ་སྐད་ལོ་ཙཱ་ལ་མཁས་པའི་ཕུལ་དུ་ཕྱིན། མཁན་པོ་བོ་དྷི་སཏྭ་ལས་རབ་ཏུ་བྱུང་སྟེ་སད་མི་མི་བདུན་གྱི་ནང་ཚན་ཡིན། སློབ་དཔོན་རིན་པོ་ཆེ་ལས་གསང་སྔགས་ཀྱི་ཆོས་ཞུས་པས། མངོན་པར་ཤེས་པ་ཕྱོགས་མེད་དུ་ཤར་ཏེ་གཞན་སེམས་ཐོགས་མེད་དུ་མཁྱེན་པའི་དངོས་གྲུབ་བརྙེས། བོད་ཀྱི་ཡི་གེ་འབྲི་བ་པོ་ཐམས་ཅད་ཀྱི་ཕྱི་མོ་ཡིན་ཏེ་ཁྲིད་རྒྱུན་མ་ཉམས་པ་དེང་སང་ཡང་ཁམས་བོད་གཉིས་ཀར་དར་རྒྱས་ཆེ། གསུང་རབ་རིན་པོ་ཆེའི་གཏམ་ལ་སོགས་པའི་བསྟན་བཅོས་ཀྱང་མང་དུ་མཛད། འདིའི་དབོན་རྒྱུད་ལས་ཀྱང་བསྟན་པའི་གསལ་བྱེད་ཆེན་པོ་མང་དུ་བྱོན་པ་དང༌། རྣམ་འཕྲུལ་གཏེར་སྟོན་གྲྭ་པ་མངོན་ཤེས་སོགས་བྱོན་པར་སྣང༌།