འཇིག་རྟེན་འདི་ནས་མིའི་ཁ་དང་སྤྱོད་པ་གཉིས་ཧེ

首页发布

འཇིག་རྟེན་འདི་ནས་མིའི་ཁ་དང་སྤྱོད་པ་གཉིས་ཧེ་བག་མེད་པར་མཐུན་དགོས་ཞེས་ཀུན་གྱིས་འུར། དོན་དུ་རང་ལུས་ཀྱི་ངལ་བ་ཕྲན་ཚེགས་ཙམ་གྱི་ཆེད་དུ་ཡོད་ཚད་གཞོམ་དུ་འགྲོ།འགའ་ཟུང་ལྟར་དུ་གཏམ་ཆེན་པོ་སྒྲོག་པར་རིན་ཐང་དུ་བརྩི་ཡང་། ཁ་ལག་དང་སྤྱོད་པ་དོ་མཉམ་པ་མི་ལྟ། ཅིའི་ཕྱིར་དུ་རྣ་བ་ལ་བློ་གཏོད་དགོས་པ་ཡིན་ནམ། ། ཡང་ཁག་ཅིག་གིས་གཙུག་གི་ནོར་བུ། སེམས་ཀྱི་ཁྲི་ཤིང་། དད་པའི་ལྷ། སྐྱེ་བ་ཚེ་རབས་ཀུན་ཏུ་རྗེས་སུ་ཟུང་ཞེས་ངག་སྙན་པ་སྨྲ་ནས་དྲྭ་ལམ་ཡོངས་སུ་བཀག་ཀྱང་། གནས་ཚུལ་དུ་གསུང་ཡོད་ཚད་དགོངས་པ་གཞན་ཡོད་ཅེས། གཅིག་རྗེས་གཉིས་མཐུད་དུ་དེ་དང་འགལ་ནས་རང་འདོད་ཀྱི་ལམ་ཁ་གཞན་ཞིག་ཏུ་ཅེར་ནས་བསྡད། ཇི་ལྟར་བསམ་ཀྱང་དད་པ་ནི་ཁ་ནས་རིན་པོ་ཆེ་ཞེས་ལྡབ་ལྡིབ་ཙམ་དུ་སྨྲ་བ་མ་ཡིན་པར། བཀའ་མི་གཅོག་པ་རང་གི་རྒྱུད་ཚོད་ཀྱིས་ཅི་ནུས་ཙམ་གྱིས་འཐུས་པ་དེ་ཡིན་ནོ། །

འཇའ་ཐང་འཇིགས་མེད་ཀྱིས། https://t.cn/A6pPT6Ld

བརྗིད་ཅིང་མཛེས་པའི་རི།

དགུན་གྱི་ཁ་བའི་བརྗིད་ཉམས་གཡོག་པར་དངངས་དང་སྐྲག་མེད་ཅིང་།།
ཁ་བ་ཞུ་ནའང་མཛེས་སྡུག་འཆོར་བའི་དོགས་ཡང་མེད་སྲིད་པ།།
རི་བོ་བརྗིད་པོ་གྱི་ལིང་གཟུགས་ཤེས་མཚན་དང་དབྱིབས་རྔམ་པའི།།
རྟ་འདྲ་བྲག་རི་ཡིན་ལ་གངས་ཀྱི་རི་ཡང་ཡིན་ཞེས་གྲགས།།

ཁ་དོག་འགྱུར་མེད་ཚང་ཚིང་སྟུག་པོའི་རི་བོའི་མདུན་ཁེབས་ཤིང་།།
རྒྱབ་ཀྱི་ངོས་སུ་སྤང་ཐང་ཆེན་པོར་མེ་ཏོག་ཞལ་དགྱེས་པ།།
རི་བོ་བརྗིད་པོ་གྱི་ལིང་གཟུགས་ཤེས་མཚན་དང་སྙན་ལྡན་པའི།།
རྟ་འདྲ་ནགས་རི་ཡིན་ལ་སྤང་གི་རི་ཡང་ཡིན་ཞེས་སྨྲས།།

ཞོགས་དུས་ཉི་མའི་འོད་ཀྱིས་གསེར་གྱི་རྒྱ་ཕིབས་བཞེངས་འདྲ་བ།།
མཚན་མོ་ཟླ་བའི་ཟེར་གྱིས་ཆ་གཏེར་ཕོ་བྲང་སྤོས་མཚུངས་པ།།
རི་བོ་གྱི་ལིང་གཟུགས་ཀྱི་བྱེད་དབྱིབས་བརྗིད་ལ་མདོག་བཀྲ་བའི།།
རྟ་འདྲ་ཉིན་མོ་མཛེས་ལ་མཚན་མོའི་དུས་ཡང་ཡིད་དུ་འོང་།།

གཡའ་དག་ནམ་མཁའི་འོག་དུ་སྣང་བྱེད་མིག་ལ་མཛེས་འཆར་ཞིང་།།
ཆར་སྤྲིན་ནག་པོར་ཐུག་ན་སེམས་པར་དགའ་བའི་བརྗིད་ལྡན་པ།།
རི་བོ་གྱི་ལིང་གཟུགས་ཀྱི་དབྱིབས་ནི་རྫིག་ཅིང་ཉམས་དགའ་བའི།།
རྟ་འདྲ་མཛེས་དུས་མཛེས་ལ་སྐབས་རེའི་དུས་ཀྱང་བརྗིད་ཉམས་ལྡན།།

འཚམས·འོ་ཟི།

ཆུང་གི་རྨི་ལམ་ཡག་གི་དང་མ་ན།།
དྲན་གི་མིག་ཆུ་ཕོར་གང་འཐུང་བ་སྟེ།།
དྲང་མོ་ཡིན་པའི་བརྩེ་བ་རྣམ་དག་སྟེ།།
ཡང་དང་བསྐྱར་དུ་མེ་ཏོག་མཆོད་པ་ལགས།།

ཨ་མའི་འབོད་པར་རྣ་བ་གླན་པ་ན།
བསླབ་པའི་བཟང་སྤྱོད་ལག་ལེན་ཕྲ་བ་སྟེ།།
ཐག་རིང་འདི་ཕྱིའི་གྱེས་གདུང་སྐྱུར་མོ་སྟེ།།
ཕ་ཡུལ་རི་ཆུའི་དངན་པ་གཏོང་བ་ལགས།།