༄༅།། གསོལ་འདེབས་ཡེ་ཤེས་མཆོག་སྩོལ། 
པདྨའི་རྒྱལ་ཚབ་བློ་གྲོས་མཚུངས་མེད་ཀྱིས།།
རྗེས་བཟུང་བྱིན་རླབས་ཐུགས་ཀྱི་དགོངས་པ་འཕོས།།
རི༵ག་འཛི༵ན་འགྲོ་མགོན་འཕྲིན་ལས་ད༵ར་རྒྱ༵ས་དཔལ།།
མཚུངས་མེད་དྲིན་ཆེན་བླ་མར་གསོལ་བ་འདེབས།།

ཆོག་ཤེས་བཀའ་གདམས་གོང་མའི་ཕུགས་ནོར་ལོན།།
མདོ་སྔགས་གསུང་རབ་རྒྱ་མཚོའི་གནད་ལ་མཁས།།
ཟང་ཐལ་ཀུན་མཁྱེན་བརྒྱུད་པའི་གསང་ལམ་རྟོགས།།
མཚུངས་མེད་དྲིན་ཆེན་བླ་མར་གསོལ་བ་འདེབས།།

འཇིག་རྟེན་འདི་ན་དམ་པའི་སྐྱེས་ཆེན་མང་།།
དག་པའི་ཞིང་ན་སངས་རྒྱས་དེ་བས་མང་།།
བདག་ལ་བཀའ་དྲིན་ཆེ་བ་ཁྱེད་ལས་མེད།།
མཚུངས་མེད་དྲིན་ཆེན་བླ་མར་གསོལ་བ་འདེབས།།

ལྷ་དང་ཀླུ་ཡི་གནས་ན་ཡུན་ནས་ཡུན།།
འདོད་རྒུའི་རེ་བ་སྩོལ་བའི་ནོར་བུ་བཞིན།།
རྟག་ཏུ་ཞབས་བརྟན་འཕྲིན་ལས་དར་ཞིང་རྒྱས།།
དོན་བརྒྱུད་དགོངས་པའི་བྱིན་རླབས་ཐོབ་པར་ཤོག།

དགུན་དུས་ཉི་མ་འདྲ་བའི་མི་ཚེ་འདིར།།
དམ་པའི་མགོན་གྱི་གདམས་པས་རྒྱུད་གྲོལ་ཏེ།།
འཁྱམ་པོའི་སེམས་འདི་ལུས་དང་བྲལ་བའི་ཉིན།།
འོད་གསལ་གདོད་མའི་དབྱིངས་སུ་འདྲེས་པར་ཤོག །
ཅེས་པའང་དགེ་བའི་བཤེས་གཉེན་དམ་པ་གཙང་རོང་མཁན་རིན་པོ་ཆེ་རིག་འཛིན་དར་རྒྱས་ལགས་ཀྱི་ཞབས་བརྟན་གསོལ་འདེབས་སུ་རྗེ་གང་གི་སློབ་བུ་འགས་སྐུལ་བ་བཞིན་དམ་པ་གང་ཉིད་སྐུ་ཚེ་ཡུན་དུ་བརྟན་ཞིང་མཛད་འཕྲིན་ཕྱོགས་མཐར་རྒྱས་པའི་སྨོན་འདུན་བཅས་འཆི་མེད་རིག་འཛིན་གྱིས་གུས་པས་ཕུལ་བ་དགེ། ། །

དགེ་ཆོས་ལོ་ཐོ་འདི་དང་། བོད་ཡུལ་གནམ་གཤིས་ཀྱི་མ་ལག་འདི་གཉིས་རྒྱུན་པར་ཁོལ་དང་། ངོས་གཙང་བའི་བོད་ཡིག་གི་ཡིག་འབྲུ་རེ་རེེས། ཁྱེད་ལ་རེ་སྨོན་གསར་བ་ཞིག་གི་དགའ་སྤྲོ་འཕེལ་བར་བྱེད།[强][咖啡]

ཁོ་ཚོའི་སྒོར་མོའི་ཐད་ཀྱི་གོ་བ་ལེན་ཚུལ་ནི་རྦད་དེ་མི་འདྲ་བ་ཞིག་རེད། དེ་ལ་ཕ་གཅིག་གིས(ཕ་དབུལ་བོ)རྒྱུ་རྔམ་ཆེ་བ་ནི་མི་དགེ་བ་ཀུན་གྱི་འབྱུང་ཁུངས་ཡིན་ཟེར་བ་དང་། ཕ་གཞན་དེས(ཕ་ཕྱུག་པོ)དབུལ་ཕོངས་ནི་ད་གཟོད་མི་དགེ་བ་ཀུན་གྱི་འབྱུང་ཁུངས་ཡིན་ཟེར་བ་དང་འདྲ།

—— 《ཕ་ཕྱུག་པོ། ཕ་དབུལ་བོ》འི་བོད་འགྱུར་དེབ་ལས།