ཉམས་ལེན་མེད་ན་འགག་ལ་ཐུག་པའི་ཚེ།།
ཅི་བྱ་གཏོལ་མེད་དངངས་སྐྲག་ལུས་ངན་ཡོད།།
རེ་དོགས་མེད་པར་ཆོས་ལ་དོ་སྣང་དགོས།།
ཕྱིས་སུ་འགྱོད་པ་སྐྱེས་ན་དོན་མེད་ཡིན།།

ཟུར་མང་གར་དབང་ནས།
若不修行遭逢苦難時
無能為力但驚恐身惡
捨除猶豫於法當關注
爾後若生憂悔成無義

蘇曼噶旺

ནམ་ཞིག་རང་ལུས་རི་ཁའི་ཤིང་སྡོང་འདིའི། །
རྣམ་ཤེས་ལོ་མ་རླུང་གིས་ཁུར་བའི་ཉིན། །
སྲིད་པ་འདི་ལ་ཕྱི་མིག་མི་ལྟ་བར། །
མཚུངས་མེད་བླ་མའི་དྲུང་དུ་སླེབ་པར་ཤོག །

ནམ་རྒྱུན་ཁོ་བོའི་ཡིད་མཁའ་ལ་ཤར་བཞིན་པ་ནི། ཤེས་རིག་གི་ཉི་ཟླ་སྐར་གསུམ་སོགས་མཐའ་ཡས་པའི་འཇིག་རྟེན་ཁམས་ཀྱི་ངོ་མཚར་བའི་གོ་ལའི་རྣམ་བཞག་དག་དང་། གྲལ་འགྲིག་པའི་ཆོས་དང་རིག་གཞུང་གི་མཛེས་སྡུག་ལྡན་པའི་ཤེས་བྱའི་རྣམ་བཞག་དག་དང་། ཧ་ལས་པའི་ཉམས་འགྱུར་ཕུན་སུམ་ཚོགས་པའི་སྙན་སྦྱོར་སོགས་ལ་རང་དབང་ཐོབ་བསྡད་པ་དེ་དག་ལས། གཞན་དུ་གནས་ཚུལ་ཉ་གེ་ཉོག་གེ་ཅིར་ཡང་མེད།

[微笑]

ཡིན་ནའང་མ་བསམ་ས་ནས་ཧོབ་སྟེ་ཁ་ལ་འཆར་འོང་བ་གཞན་ཞིག་ནི། ད་ཐེངས་ཀྱི་འཇོ་སྒེག་ལྡན་པའི་གཞོན་ནུ་མ་འདི་རེད་ལ།  མ་ཟད་པར་སེམས་ཀྱི་ཟབ་ས་དང་འཚོ་བའི་གྲུ་ཟུར་ནས་ཀྱང་མོ་རང་ལྷག་ཏུ་འཚེར་བཞིན་པ་འདི། རེ་ཞིག་ལ་འདང་དྲ་མ་ཞིག་ཀྱང་བརྒྱབ་དགོས་ཐུག་གི་གདའ།  གང་ལྟར་ཅི་ཡིན་ཆ་མ་འཚལ་བའི་ཡ་མཚན་གྱི་སྣང་བ་མང་དག་ཅིག་འདྲེན་ཡོང་བ་ནི། མཛེས་མ་མོ་རང་གི་ཁྱད་ཆོས་རེད་འདུག  །

• གནའ་དེང་ཤེས་རིག་གི་རྒྱལ་ཁམས་པས།