#. ཞྭ་སེར་ཅོད་པན་འཆང་བའི་རང་ལུགས་འཛིན་ནུས་པར་གྱུར་ཅིག་གུ

སྨྲ་བ་ངན་པའི་རང་བཤིས་ཕར་བཞག་ནས།།
གཞུང་ཆེན་སྨྲ་བའི་སེང་གེ་མགྲིན་བསུས་ཏེ།།
ཚིག་དོན་གཉིས་ཀ་ལེགས་པར་དཔྱད་པ་ན།།
འཇམ་མགོན་བློ་བཟང་གྲགས་པའི་དུས་ཀུན་སྐྱོངས།།

རང་ཉིད་ལ་སྐུལ་བ།

ཚོར་བའི་ཆུ་མོ་རྦ་རླབས་མ་འཇགས་པར།།
ཡང་ཡང་རླབས་ཀྱིས་འཕྱོ་ན་སུ་ཞིག་དྲན།།
དྲན་ཡང་མ་སྐྱོ་མ་ཤུམས་འཛུམ་རེ་ཐོངས།།
དགའ་དང་སྐྱིད་པའི་ཉི་མོ་ཧ་ཅང་མཁོ།།

སྐྱོ་བའི་ལ་མོ་ནམ་འཕྲད་མ་ངེས་པས།།
འཁོར་དུང་མདའ་མོ་ཟུང་སྟེ་མ་བཟི་དང་།།
ཞེ་སེམས་སྐྱོ་བའི་སྨུག་སྤྲིན་འཁྲིག་ཡོང་ལགས།།
མིག་ཆུ་གཙང་པོའི་རླབས་དང་འདྲེས་འགྲོ་ལགས།།

བཅོམ་མའི་ཚིག་འཛུམ་ཡིད་བརྟན་མེད་པས་ན།།
བརྩེ་བའི་དར་སྐུད་འཐེན་པ་མ་སྔ་དང་།།
སྙིང་གི་གཏམ་དག་འཆད་པ་མ་བྲེལ་དང་།།
ནམ་ཞིག་ཝ་མོའི་ངོ་གདོང་མཐོང་ཡོང་ལགས།།

འཚོ་བའི་དཀའ་ཁག་གྲིབ་སོ་བཞིན་དུ་འཁོར།།
ལས་ཀྱི་བཀོད་པ་ཧ་ཅང་མི་ཡག་རུང་།།
སེམས་ཀྱི་དཀྱིལ་ན་བཞད་པའི་ཕུགས་ཀྱི་འདུན།།
ནུབ་མཐའི་ཉི་མ་བཞིན་དུ་མ་ཡལ་ལགས།།

སྤྲིན་དཀར་ཡང་ཡང་ལྡིང་བའི་རི་གྲོང་ནས།།
སེམས་འདུན་དར་ཐག་རི་བོའི་རྩེ་ལ་འཐེན།།
སྤོབས་པའི་གཙང་པོ་བཞུར་མཚམས་མ་ལྷོད་ནས།།
རང་གི་འདུན་པ་ཅིས་ཀྱང་འབད་དགོས་ལགས།།

སོག་མིག་གིས། ༢༠༢༤-༢-༢༤–ཉིན། གདན་ས་མཚུར་ཕུ་དར་ནས་དར་ཞིང་རྒྱས་པར་ཤོག །[合十][玫瑰][玫瑰][玫瑰][咖啡]

ང་ཚོ་བོད་མི་རིགས་ཀྱི་སྲོག་རྩ་ནི་སྐད་ཡིག་རང་ཡིན་པས། ང་ཚོ་ལ་སང་ཉིན་དང་འབྱུང་འགྱུར་དགོས་ན། བོད་པའི་གཅེས་ཕྲུག་ཚོས་བོད་པའི་སྐད་ཡིག་ལ་སྣང་ཆུང་མ་གནང་རོགས། དགའ་ཞེན་དང་བཀོད་སྤྱོད་གནང་རོགས།[玫瑰][咖啡]

བརྗིད་ཆགས་ཀྱི་ཕོ་བྲང་པོ་ཏའི་འདབ་ནས། རང་རིགས་ཀྱི་བླ་སྲོག་འདོར་ཞིང་། གཞན་སྐད་དག་དིག་རེ་སྨྲ་བཞིན། རང་ཉིད་ཀྱི་ཤ་ཁྲག་རྒྱུད་ཁུངས་དེའང་བོར་ནས་འགྲོ་བཞིན་པའི་སྤུན་ཟླ་ཚོ་མཐོང་ཚེ། སེམས་པ་འདི་རྨ་མེད་ཀྱི་ན་ཟུག་ཚད་མེད་ལྡང་། ཡབ་མེས་ཀྱི་གསུང་དང་རིགས་ཞེན་གྱི་འདབ་མ་དག་སེམས་སུ་ལྷུང་། སྐྱོ་སོང་ཚད་མེད་ཅིག་སྐྱོ་སོང་།

ཞེས་ཀྱང་སོག་མིག་གིས།