བདག་གི་ཡབ་ཆེན་གཙོས་པའི་ནུ་བོ་དང་། ཨ་ཁུ་སོགས་ཀྱིས་མདོ་སྨད་སྣང་ཞིག་དགོན་ཆེན་དུ་ཆོ་འཕྲུལ་སྨོན་ལམ་ཆེན་མོའི་དུས་བཟང་དང་འབྲེལ་ཏེ། ཆོལ་གསུམ་བོའུ་རྟའི་རྒྱལ་པོ་ཁྲིད་ནས། བོའུ་པ་ཞིག་གི་ཚུལ་བཟུང་བའི་རྣམ་པ་དེས།

མྱི་རྟ་གཉིས་ཀྱི་རླུང་རྟ་སྔར་ལས་དར་ཞིང་རྒྱས་པའི་སྨོན་འདུན་དང་། ཁྱིམ་གྱི་དཔག་བསམ་ནོར་བུ་ལ།། གང་བཏབ་སྨོན་འབྲས་རབ་སྨིན་ཞིང་།། བདེ་ཞིང་སྐྱིད་པའི་འཚོ་བ་འདི།། ནམ་ཡང་རྟག་ཅིང་བརྟན་པར་སྨོན།།

༄༅།།མེ་ཏོག་ཇི་ལྟར་མཛེས་ཀྱང་མཐའ་མར་རྙིད།།
འདས་པའི་དུས་ཚོད་ཕྱིར་ལ་འཐེན་ཐབས་མེད།།
གཅེས་སུ་འོས་རྣམས་ད་ནས་གཅེས་པར་རིགས།།
བསྒྲུབ་འོས་དོན་རྣམས་མྱུར་དུ་སྒྲུབ་ན་ལེགས།།

རྭ་ལོའི་རྣམ་ཐར་ལས།
“མི་ཆོས་བྱ་བ་འཁོར་བའི་གཏིང་རྡོ་ཡིན།།
ཚེ་འདིའི་སྣང་བ་རྨི་ལམ་སྒྱུ་མ་འདྲ།།
ཡུལ་ངན་གནས་ན་སྤྱོད་ངན་ཤུགས་ཀྱིས་འགོ།
རྣམ་རྟོག་མང་བ་བགེགས་ཀྱི་འབྱུང་ཁུངས་ཡིན།།
འཁོར་ངན་བསྟེན་ན་གཏམ་གྱི་གཞི་མ་ཡིན།།
བྱ་བྱེད་མང་ན་བྱུར་གྱི་སྣ་འདྲེན་ཡིན།།
སྨྲ་བ་མང་ན་དགྲ་བོའི་གཡབ་མོ་ཡིན།།”