【On.cc】一提朱晨麗婚訊即落閘　何廣沛同現任有晒計劃：在心中！

藝人何廣沛與江嘉敏今日（26日）出席慈善活動記者會，提到嘉敏於元宵節當日在社交網上載花相，她坦言：「係我自己買畀自己，因為束花係熊仔造型好得意，同我隻貓嘅背影好似，隻貓已經畀我養到肥肥白白。」即時被廣沛取笑是物似主人形。嘉敏透露元宵節與妹妹吃湯圓，至於情人節如何度過？她反問：「幾時？唔關我事好耐。」不過，她自爆今年新春在花市買桃花為自己添旺氣：「我以往都買蘭花，今年第一次買桃花。（想有桃花運？）我哋呢行觀眾緣都係桃花運，男人就隨緣，勉強唔來。」何廣沛即笑謂：「等你公開一日。」嘉敏指有的話一定會給對方過目。

江嘉敏自爆元宵收花，其實是自己送畀自己。

另外，已有另一半的何廣沛表示情人節當日吃大眾連鎖餐廳：「情人節只不過係一個日子啫，最重要係同邊個過。（有冇送禮物？）有送禮物有送花，基本嘢都有做足。（有冇諗住今年結婚？）如果有好消息會同大家講。（即係有計劃？）在心中。（求婚未？）在心中。所有嘢都喺我心中。（對方答應咗未？）有進一步消息同大家講。（有冇造人大計？）一步一步來，所有嘢按部就班。」談到昔日緋聞女友朱晨麗傳今年結婚？他即時落閘：「呢啲唔講啦！（好耐冇同佢傾偈？）唔講喇！」

已有另一半的何廣沛則大談與女友過情人節。

不過一提昔日緋聞女友朱晨麗，他就即時落閘。

避談對方爆婚訊。

#何广沛[超话]##朱晨丽[超话]#

#姜大卫[超话]#臨時劫案｜姜大衛從影以來首次爆粗 讚兒子姜卓文表現OK（明報）#姜大卫#

姜大衛、姜卓文及導演麥啟光，昨晚（25日）到旺角為電影《臨時劫案》謝票，姜大衛指今次是從影以來首次講粗口，還要在最凍的一天濕身拍身亡戲，他說：「拍咗幾十年電影，淨係死都有5、60次，見到地下有灘水，我話不如撻落去死，等啲水花彈上來幾靚。」

對於票房達1500萬，姜大衛仍未感滿意，他說：「爭啲啦，希望多啲觀眾入場觀看，香港電影真係唔錯。」問參演這部電影是否兒子帶挈？他直言：「係呀，導演屈我，搵個仔先，跟住叫我客串，為咗個仔冇辦法啦，以前啲戲都冇講粗口，我平時都唔講粗口，講完會面紅。」談到兒子在戲中表現，他說：「可以講OK，當然仲有進步空間，佢第一次演出咁重要角色，唔容易嘅，都會有壓力。（想多些父子檔合作？）有機會當然好啦！」

姜大衛太太李琳琳參演的電影《從今以後》，榮獲柏林影展泰迪熊獎「最佳劇情片」與全景單元觀眾獎第3位，姜大衛說：「佢可以參與當然好開心，好難得，都息影30幾年，忽然接到呢部戲，我尊重佢，復唔復出佢自己決定，不過我哋都希望佢復出，呢一行冇得退休，個癮永遠喺度。」姜卓文表示想與媽媽合作拍戲，他說：「係一個好寶貴回憶，要珍惜同父母一齊時間，有得拍套戲紀念梗係完美。」

對於好友李影離世，姜大衛表示謝票期間收到消息時大感突然，指李影一向好精神，過年前與對方在港仍有食飯見面，他說：「聽到話跌親，老人家真係唔跌得，所以我好小心。」姜卓文亦指李影由細睇到他大，願對方安息。

她更自爆頒獎禮時，經歷人生第1次失聲，認為是身體響起警號，「嗰日我係變咗另外一把聲，講唔到嘢，非常擔心，冇試過咁樣，會唔會之後就係咁樣嘅聲，講唔到台詞，唱唔到歌，做唔到嘢。」她睇完醫生都未見好轉，感到好無助，「試過針炙又試過食藥，都未開到，我喺網上查真係有人係會永久失聲㗎！雖然見我冇乜嘢，如果話畀你聽個報告內容某啲數字，係幾擔心，有啲數字都會嚇一嚇。」嚇餐死的她要決心搞好身體，更認為在幕前發展是必須，「見到（李）施嬅、阿佘（詩曼）同（胡）定欣，我會覺得唔得啦！係時候要keep自己身體健康，如果依家都仲唔去努力做呢樣嘢嘅話，點樣喺佢哋年紀時候，仲keep到咁靚，咁 fit，狀態咁好。」

～ 星島日報

衣服和施嬅同款哈

#李施嬅# #刘佩玥#