ཉིན་རེར་རྩོམ་གྱིས་རྩེན་པའི་དོ་ར།
བགྲང་བྱ་གསར་པ་གཅིག་གིས་ལོ་ལོན་བགྲེས་སོང་དག་ལ་ལོ་གཅིག་གྲངས་ཀྱིས་རྒས་་སུ་བཅུག།
བགྲང་བྱ་གསར་པ་གཅིག་གིས་ན་ཆུང་བྱིས་པར་ལོ་གཅིག་གྲངས་ཀྱིས་་རིག་པའི་འདབ་ལག་རྒྱས།།
བགྲང་བྱ་གསར་པ་གཅིག་གིས་དབྱར་ཐོག་གཅིག་གི་སྔོ་ལྗང་གཡུ་ཡི་སྐྱེས་སྟོབས་དཔལ་ཡོན་་བསུ།།
བགྲང་བྱ་གསར་པ་གཅིག་གིས་སྟོན་དུས་ཁུར་གྱིས་དུད་པའི་ཞིམ་མངར་འབྲས་བུའི་གཏེར་གྱིས་བརྡོལ།།

ཐེ་བུ་མེ་སྟག་ནས། https://t.cn/R08xaRT

གྲངས་མེད་སྐྱེ་བའི་འགྲུལ་བཞུད་ཚེ་རབས་འདིར་སླེབས་ནས། །
ཚོགས་དྲུག་ཐེང་གཅིག་འཇུ་བའི་ད་ལྟ་ཡི་རྨི་སྣང་། །
ཕ་ས་གངས་ཀྱི་རྒྱལ་མོའི་ལྟེ་བ་ནས་སད་པས། །
སྐད་ཡིག་ཉི་ཟླ་ཟུང་ལ་སྲོག་འདངས་ཞིག་ལོས་འཛིན། །

ཕ་ཡིག་ཕ་སྐད་སྲུང་བའི་སྲུང་མ་ཞིག་ཐུབ་པར་སྨོན།[合十]

#plog# ཁ་སང་སྒོར2000ལྷག་འདུག་བོར་འདུག ད་ནངས་སོ་མ་མ་གཏོགས་མེད་པ་མ་ཤེས།སྔོན་ཆད་སློབ་ཆུང་སྐབས་ལ་ཡང་སྒོར་མང་ན་བརྒྱ་ཕྲག་གཉིས་ཙམ་བོར་མྱོང་།ཁྱིམ་གྱིས་བྱིན་པའི་སྒོར་མོ་དག་བཀོལ་ས་ཆེར་མེད་པས་བསོགས་བཞག་པ་ཡིན།རྗེས་ནས་མཚན་མོ་ཞིག་ལ་བརྐུ་ལ་ཤོར་སོང་། （ང་འདིས་སྐྱེ་བ་སྔོན་མར་གཞན་ལ་སྒོར་མོ་མང་པོ་ཆད་ཡོད་པ་འདྲ[允悲]）དེ་དུས་ཕངས་སེམས་ཆེན་པོ་སྐྱེས།ཡིན་ནའང་ད་ཐེངས་ཕངས་སེམས་ཆེར་མི་འདུག དེ་ནི་སྤྲང་ཕྲུག་རྒྱུ་ཐོག་ལ་བརྒྱབས་པ་མ་ཡིན་པར།རྒྱུདངོས་འདི་དག་འགྱུར་ལྡོག་རྒོད་པ་ལ་ཨང་སྙམ་བྱུང་།དེ་རིང་ཡོད་ཀྱང་སང་ཉིན་ཡོད་མེད་བཤད་དཀའ།དེ་བས་རྒྱུ་དངོས་འདི་དག་སྐབས་བསྟུན་གྱིས་བཙལ་ཏེ།མེད་དུས་ཡོད་པར་བྱེད་པའི་ཐབས་དང་།ཡོད་དུས་མེད་པར་འགྱུར་སྲིད་པའི་བློ་ཞིག་ཏན་ཏན་ཡོད་ན་འགྲིག གང་ལྟར་དོ་དགོང་ཡང་སྒོར་རྡོག་ཚོ་དེབ་གཉིས་ལ་་བརྗེས་ཡོད། གཅིག་ནི་བོད་ཀྱི་དེང་རབས་རྩོམ་རིག་གི་མཁའ་དབྱིངས་ན་སྐར་འོད་བཞིན་འཚེར་བའི་སྒྲུང་གཏམ་ཞིག་དང་། ཅིག་ཤོས་ནི་བོད་ཀྱི་དེང་རབས་བསམ་བློའི་དབུ་ཚུགས་པར་བྱེད་པའི་དཔྱད་དེབ་གལ་ཆེན་ཞིག་རེད།#ཉིན་ཐོ། diary#