གྲངས་མེད་སྐྱེ་བའི་འགྲུལ་བཞུད་ཚེ་རབས་འདིར་སླེབས་ནས། །
ཚོགས་དྲུག་ཐེང་གཅིག་འཇུ་བའི་ད་ལྟ་ཡི་རྨི་སྣང་། །
ཕ་ས་གངས་ཀྱི་རྒྱལ་མོའི་ལྟེ་བ་ནས་སད་པས། །
སྐད་ཡིག་ཉི་ཟླ་ཟུང་ལ་སྲོག་འདངས་ཞིག་ལོས་འཛིན། །

ཕ་ཡིག་ཕ་སྐད་སྲུང་བའི་སྲུང་མ་ཞིག་ཐུབ་པར་སྨོན།[合十]

࿐ཤིང་ཕོ་འབྲུག་གི་གནམ་ལོ་ལ།།

བདེ་ལེགས་ཡར་ངོའི་ཟླ་བ་བཞིན།།

འཕེལ་ཏེ་ཡིད་ཀྱི་བསམ་དོན་ཀུན།།

ལྷུན་གྱིས་འགྲུབ་པའི་བཀྲ་ཤིས་ཤིག།

མཁས་པ་་ཀུན་མཁྱེན་གོ་རམས་པས།།
བརྟག་ཅིང་དཔྱད་པའི་སྤྲོས་བྲལ་སྟོན།།
དེ་ཡང་མདོ་རྒྱུད་ཀུན་དང་མཐུན།།
དེ་མིན་རྒྱ་ནག་ཧ་ཤང་པས།།
མ་བརྟག་མ་དཔྱད་པ་ཡི་སྤྲོས་བྲལ་སྤེལ།།
དེ་གཉིས་གནམ་སའི་ཁྱད་པ་ཡོད།།
དེ་གཉིས་མཚུངས་པར་འདོད་མཁན་དག།
ཤ་ཚའི་གནས་ན་གཏན་གཏན་ལྷུང་།།
རིགས་པས་སྟོན་པའི་སྤྲོས་བྲལ་དང་།།
དཔྱད་པ་མེད་པའི་སྤྲོས་བྲལ་གཉིས།།
མཚུངས་ན་ཧ་ཅང་ཐལ་འགྱུར་ཏེ།།
དེས་ན་དཔྱད་མེད་ཕྱི་དོན་དང་།།
བརྟག་ཅིང་དཔྱད་པའི་ཕྱི་དོན་གཉིས།།
ཅི་ཡི་ཕྱི་ན་མཚུངས་མི་འགྱུར།།
ཅི་སྟེ་དེ་ཡང་མཚུངས་འདོད་ན།།
ཐལ་འགྱུར་བ་ལས་དབུ་མ་པ་གཞན་སུ།།

བོད་གཙང་མས།