གྲྭ་ལོག་ནས་ལྟ་ལོག་བྱུང་དང་འབྱུང་མུས་ཀྱི་དུས་སུ་ང་ཚོས་བསྐྱར་ཞིབ་བཅའ་དགོས་པ་ནི་དགོན་པའི་སྔོན་འགྲོའི་སློབ་གསོ་ལ་གནད་དོན་བྱུང་ཟིན་པ་དེ་ཧ་གོ་དགོས། སྤྱིར་ན་དགོན་པའི་སློབ་གསོ་ནི་ལམ་སྐྱ་ཤར་སེ་ཡོད་པས་དོགས་པ་བཅའ་དགོས་དོན་མེད། འོན་ཀྱང་བྱེ་བྲག་སྔོན་འགྲོའི་སློབ་གསོ་ཀློག་འདོན་དང་བློ་འཛིན་རྐྱང་བར་བཀོལ་རྐྱང་བྱེད་པ་དེར་ཐལ་ཆེ་བའི་སྐྱོན་ཞིག་བྱུང་དང་འབྱུང་མུས་འདི་ལ་ཕྱིར་རྟོག་ཟབ་ནན་བཅའ་དགོས་པའང་གནད་ཆེ་སྙམ།

མདོར་སྡེ་བརྒྱ་བ་སོགས་རྒྱུས་འབྲས་སྟོན་པའི་གཞུང་མང་པོ་བྱིས་པའི་བློ་དང་འཚམ་པར་བཅོས་མ་ཐུབ་པ་དེ་སྲིད་དུ་་མུ་རུ་གྲྭ་ལོག་ནས་ལྟ་ལོག་འབྱུང་སྲིད་པ་ཐག་གིས་གཅད་ཆོག

དུས་རབས་ཉེར་གཅིག་པ་ནི་དབང་རྣོན་ཆོས་ཀྱི་རྗེས་འབྲང་ལ་རྒྱལ་ཁ་ཡོད་པ་ལས་དབང་རྟུལ་ཆོས་ཀྱི་རྗེས་འབྲང་ཕམ་ཁ་ནས་ཕམ་ཁའི་ལམ་དུ་འདེད་རྒྱུ་ལས་ཆེ་མཐོང་དང་རྩིས་ཐང་སྤྲོད་མཁན་མེད་ལ། རིག་གནས་ཀྱི་རྒྱ་མར་འཇལ་ཡང་འཛམ་གླིང་ཤར་ནུབ་སུས་ཀྱང་རིག་གནས་པ་དང་ཤེས་ཡོན་པའི་སྡེ་རུ་བགྲང་མཁན་ཧ་ལམ་མེད་པའི་ཚོད་དུ་གདའ། དེ་བས་རིག་པ་སྒྲིམ་དགོས་མཁན་ང་ཚོ་ཐུན་མོང་ཡིན་པ་ལས་ཀན་དང་འདི་ཞེས་མཛུབ་མོ་འཛུགས་ས་ཡེ་ནས་མེད་དོ། ། [咖啡]

བསོད་ནམས་ཉི་ཟླ་བཞིན་དུ་ལམ་སེ་ལམ།།
བརྩེ་བ་གངས་རི་བཞིན་དུ་བརྟན་སེ་བརྟན།།
ལོངས་སྤྱོད་རྒྱ་མཚོ་བཞིན་དུ་མེ་རེ་རེ།།
སྙན་གྲགས་གཡུ་འབྲུག་བཞིན་དུ་ལྡི་རི་རི།།
གཞིས་ཁྱིམ་ནམ་མཁའ་ལྟ་བུ་ཡངས་པ་དང་།།
འདོད་འདུན་སྐར་ཚོགས་བཞིན་དུ་རབ་བཀྲ་བའི།།
འཇིག་རྟེན་འདས་དང་མ་འདས་དགེ་ཚོགས་ཀུན།།
བློ་ལ་བླངས་པ་ཙམ་གྱིས་འགྲུབ་པ་ཡི།།
སྨོན་ལམ་ཆེན་མོ་རྗེ་བཙུན་ཏཱ་རེ་མས།།
དུས་ཀུན་སྐྱོངས་ཤིག་ཐུགས་རྗེས་མི་འདོར་རོགས།།

༢༠༢༤/༢/༢༧ མུ་ར་བས།

རི་སུལ་མེ་ཏོག་གི་ཚོམ་བུ།།
ཉི་མ་བླ་བྲང་གི་མཛེས་པ།།
སེམས་ཚོར་སྙན་ངག་ལ་འབྲི་དུས།།
དག་ཞིང་ནམ་མཁའ་ལ་བཞེངས་འདོད།།

འདུག་སའི་སྒེའུ་ཁུང་ལས་མཐོང་བའི།།
གསེར་ནག་རྒྱ་ཕིབས་རེ་མཐོང་ཚེ།།
སྐྱེས་ཆེན་འཁྲུངས་རབས་ཀྱི་རྣམ་ཐར།།
གླེགས་བམ་པོད་ཆེན་དག་དྲན་ཡོང་།།