ངག༵་དབ༵ང་སྒྱུ་འཕྲུལ་ལྷ་རིགས་འཁོན་གྱི་གདུང་།།
འགྲོ་ཀུན༵་དག༵འ་མཛད་ཐེག༵་ཆེན༵་མདོ་སྔགས་ལམ།།
ཕན་བདེའི་དཔ༵ལ་དུ་འབ༵ར་བའི་འཕྲིན་ལས་ཅན།།
བས༵མ་འཕེ༵ལ་དབ༵ང་གི༵་རྒྱལ༵་པོ༵་ཞབས་བརྟན་གསོལ།།

གནས་ཆེན་རི་བོ་རྩེ་ལྔའི་ཞིང་ཁམས་སུ།།འཇམ་དཔལ་ཐུགས་ཀྱི་བྱིན་རླབས་ཡིད་ལ་སྨིན།།འཇིག་མེད་ཕུན་ཚོགས་ཞབས་ལ་གསོལ་བ་འདེབས།།དགོངས་བརྒྱུད་རྟོགས་པ་འཕོ་བར་བྱིན་གྱིས་རློབས།།自大圣镜五台山，文殊加持入心者，祈祷晋美彭措足，证悟意传求加持。

ང་ཡི་ཨ་མྱེ།

་མགར་དུག་རླུང་།
གནམ་ས་གཡོ་ཞིང་རི་ཀླུང་ཁྲི་ཕྲག་བརྒལ་བའི།།
      དཔའ་སྙིང་ཆེ་བའི་བཙན་པོའི་བུ་རྟ་ཧྲིག་གེར།།
      རྒོད་པོའི་གཤོག་ངོས་བྲིས་པའི་ཡིག་འབྲུ་རེ་རེས།།
     གནའ་བོའི་མཚེ་ཤུལ་འདི་ཡི་གཟི་འོད་འབར་སོང་།།

     རུ་དར་འཕྱར་ཞིང་དཔུང་སྡེ་གཡུལ་ལ་གཤོམ་ནས།།།
     རྨིག་པས་བརྡུངས་ཤིང་ས་ཆེན་དུམ་སེ་གཤག་པའི།།
     རལ་བ་ཅན་གྱི་མེས་པོའི་དཔའ་སྟོབས་རེ་རེས།།
     དགྲ་སྙིང་འདར་ཞིང་བཙན་པོའི་སྐད་སྒྲ་ཉིལ་ལེ།།

    རྟ་ཕོ་རྒྱུགས་རྒྱུགས་མགྲོས་དང་གོམ་ཁ་མྱུར་ཞིང་།།
     གློག་ཞགས་འཁྱུག་འཁྱུག་མི་ཕོ་ཧྲག་སྒྲ་ཉིལ་ལེ།།
     འཁོར་གསུམ་བསྐོར་བསྐོར་མཚན་ཆའི་དབལ་ཁ་རྣོ་ལེ།།
     གནའ་མྱི་སྐྱ་བོའི་རུས་པ་གསེར་དང་དངུལ་ཡིན།།

     སྲིད་པའི་གངས་རྒན་འདི་ཡི་ཁོག་པའི་སྙིང་ཡིན།།
     ཧི་མ་ལ་ཡི་རི་བོའི་དཔུང་དང་ཤེད་ཡིན།།
    ཡར་ཀླུང་པོའི་མགྲོས་ཀྱི་རྦ་རླབས་ཁྱོ་ཡིན།།
     ས་འདིར་བྱིན་རླབས་འབར་སོང་ང་ཡི་མེས་པོ།།

       མེས་པོའི་རྣམ་ཤེས་ཐོག་པའི་བྱ་རྒོད་ཁྱུ་གཅིག།
      གནམ་ས་རླབས་ཀྱིས་བཅད་དེ་ཕ་མཐར་བརྒལ་སོང་།།
        ཕྱི་མིག་འཕྲང་ལམ་སྐྱ་བོའི་ལབ་ཁ་རེ་རེ།།
        རི་དང་གཙང་པོ་ཁྲོད་ཀྱི་གཏམ་རྒྱུད་ལུས་ཡོད།།
   
       ཁྲག་དང་དངུལ་ཆུས་བྲིས་པའི་ལོ་རྒྱུས་ཁྲོད་ན།།
       རི་དང་གཙང་པོ་བརྒལ་བའི་གཏམ་རྒྱུས་སྦས་ཡོད།།
       གཏམ་རྒྱུད་རིང་མོ་ཞིག་གི་སྣེ་ལ་འཇུ་དུས།།
      ཤ་དང་རུས་པ་ཟེར་བའི་ཚིག་དེ་དྲན་ཨང་།།