࿐ཕྱི་དྲན་རེ་བྱེད་ཚེ།

ཁུ་བོ་རྣམས་ལ་མི་གཞི་དཔའ་བརྟན་བརླིང་གསུམ་ལྡན་པ་མི་ཚད། ལྷག་བསམ་དང་ཤེས་ཡོན་ཅན་ཡང་ཡིན་སུ། ཞེ་ཆེན་བསྟན་དགོན་ཕྱིའི་རྟེན་བཞེངས་དང་ནང་གི་བཅའ་སྒྲིགས་གང་ཐད་ནས་ཞབས་ཞུ་མི་དམན་ཙམ་ཞུ་ཐུབ་སུ། འོན་ཀྱང་དེང་སོང་ཕ་ཁུའི་རྗེས་ཟིན་མཁན་གྱི་བུ་ཚ་ནི་སྲིད་མཐའ་ཙམ་མོད།

མི་གཞི་རི་དབང་ལྟར་བརྟན་པ།།

ལྷག་བསམ་ཟླ་བའི་མདངས་བཞིན་གསལ།།

བློ་ལྡན་ཡ་རབས་བཟང་པོའི་དཔལ།།

ལེགས་ལམ་ངད་བཟང་ཕྱོགས་ཀུན་ལྡང་།།

གུ་ཡངས་སོས་དལ། ༢༠༢༤.༢．༢༦

༈ ཕྱོགས་དུས་རྒྱལ་བ་ཀུན་ཀྱི་ཡེ་ཤེས་སྐུ།།
དཔལ་ལྡན་རྫོགས་པའི་སངས་རྒྱས་པདྨ་སྐྱེས།།
འཇམ་དཔལ་ཡིད་བཞིན་ནོར་བུར་གསོལ་བ་འདེབས།།
བཀྲ་ཤིས་དོན་ཀུན་འགྲུབ་པར་བྱིན་གྱིས་རློབས།།

འཇིགས་མེད་རྩོད་འཆད་རྩོམ་པའི་ངག་ལ་དབང་།།
ཕུན་ཚོགས་བསླབ་པ་གསུམ་གྱི་བློ་གྲོས་རྫོགས།།
དཔག་ཡས་ཕན་བདེའི་འབྱུང་གནས་རིན་པོ་ཆེ།།
འདྲེན་མཆོག་དཔལ་ལྡན་བླ་མར་གསོལ་བ་འདེབས།།

ཕྱོགས་དུས་རྒྱལ་བ་ཀུན་གྱི་ཡེ་ཤེས་སྐུ།།
དཔལ་ལྡན་རྫོགས་པའི་སངས་རྒྱས་པདྨ་སྐྱེས།།
འཇམ་དཔལ་ཡིད་བཞིན་ནོར་བུར་གསོལ་བ་འདེབས།།
བཀྲ་ཤིས་དོན་ཀུན་འགྲུབ་པར་བྱིན་གྱིས་རློབས།།

སྟོང་ལོ་ཉེར་བཞི་ལོའི་ཐོས་བསམ་བྱ་བ་མཐའ་དག་གེགས་མེད་ལྷུན་གྱིས་འགྲུབ་པར་ཤོག