ས་དང་ལྷུན་པོ་གཡོ་བའི་རྩལ་ལྡན་ཞིང་། །
ཉི་ཟླའི་བགྲོད་པའང་ཐུང་ངུར་བྱེད་པ་ཡི། །
རྫུ་འཕྲུལ་ཤུགས་འཆང་ཕག་རྒོད་སེར་པོའི་སྟེང་། །
བརྗིད་ཅིང་འགྱིང་བ་ཁྱོད་ལ་ཕྱག་འཚལ་ལོ། ། ——དཔལ་ཀརྨ་པས། [微笑]

དགའ་འབུམ་གྱི་སྙན་ཚིག

དགེ་སློང་བསླབ་པ་ཚུལ་བཞིན་སྲུང་། །
བསམ་ཤེས་ནུས་ལྡན་ཀུན་དང་མཐུན། །
སྒེར་སེམས་ཉུང་བའི་གཞན་སྟོན་མཁས། །
ཤེས་རྒྱུད་བཟང་བའི་དྲང་བདེན་ཆེ། །
རྒན་རབས་གུས་པའི་ཆུང་ལ་གཅེས། །
ལྷག་བསམ་ཆེ་བའི་ངང་རྒྱུད་རིང་། །
གཡོ་ཁྲམ་མེད་པའི་ལས་ལ་བརྩོན། །
སངས་རྒྱས་བསྟན་པའི་རྒྱན་ཆ་ཡིན། །
​
​༢༠-༢༤-བོད་ཟླ་དང་པོའི་ཚེས་བཅུའི་དགོང་མོ། གནས་ནང་ཕུན་ཚོགས་བདེ་ཆེན་ཆོས་གླིང་དུ་བྲིས།[合十][咖啡][庆祝] གཅེན་པོ་རྣམས་པ་གཉིས་ལ་ཕུལ། སློབ་གསོ་པ་དབུ་མའི་ལམ་གྱིས།

བར་བསྐོར་ལས་ཀྱང་རྩེ་བསྐོར་དུ་སོང་ན་སྐྱིད། རྩེ་ཕོ་བྲང་གི་རྡོ་སྐས་རེ་རེ་བཞིན་བརྒལ་དུས། ཕྱི་རབས་ཀྱི་བུ་ཚ་རྣམས་མི་གྲལ་དུ་མགོ་འཕངས་བཏེགས་ནས་འགྲོ་ས་ཞིག་འདུག་ལ། གྱང་དང་རྩིག་པ་རེ་རེ་ནི་ཡབ་མེས་ཚོའི་དཔའ་ངར་གྱི་འགྱུར་རྡོ་ཡིན། ཕོ་བྲང་གི་ཕྱི་ནང་གསང་གསུམ་དུ་མེས་པོ་རྣམས་ཀྱི་སྙིང་གི་དྲོད་ཁོལ་མ་ཡལ་བར་ཚ་སོབ་སོབ་ཏུ་ཁྱབ།