མེ་འཁོར་གྱིས་དུང་བརྡ་རིང་པོ་ཞིག་བུས་རྗེས་ཀྱི་དུས་འདི་ནས་བཟུང་སྟེ། ཁྱོད་རང་ངའི་སེམས་ཁོང་ལ་འགྲུལ་བཞུད་ཀྱི་འགོ་ཚུགས་པ་རེད། ད་ནས་ཆུ་ཚོད་དང་སྐར་ཆ་རེ་རེ་བཞིན་ཁྱོད་རང་ངའི་སེམས་ཁོང་གི་རི་ཆུ་དང་ཡུལ་ལྗོངས་མཐའ་དག་ལ་བར་ཐག་ཇེ་ཉེར་འགྲོ་བཞིན་ཡོད། ས་བབ་དམའ་བའི་ལྷོ་ཕྱོགས་ཀྱི་གྲོང་ཁྱེར་དེ་ནས་མུ་མཐའ་བྲལ་བའི་བྱང་ཐང་དང་བརྗིད་ཆགས་ཀྱི་གངས་རི་གྲངས་མེད་བརྒལ་ཏེ་ས་མཐོའི་ཡུལ་གྲུ་འདིར་བསླེབ་རག་ཏུ། ངས་ཁྱོད་ལ་རེ་སྒུག་དང་མཇལ་འཛོམས་ཀྱི་སྨོན་འདུན་གྱིས་དམ་དུ་འཁྱུད་ངེས་ཤིང་། འཕྲད་ཡོང་འཕྲད་ཡོང་ཞེས་འགྱངས་པའི་ལོ་ཟླ་དེ་ཚོའང་གཏམ་རྒྱུད་ཅིག་གི་མཛེས་སྡུག་ལ་བསྒོམ་པར་སྲིད། 2024/2/27

༄།།གཙག་སྣུན་རེག་བྱས་ལྭ་བའི་སྲུབས་ཀ་བརྟོལ།།
ཐལ་རྡུལ་རླུང་བུས་འདྲེན་བྱེད་བདེ་བ་འཕྲོག །
འོན་ཏེ་བརྩེ་གྲོགས་དཔྱིད་དཔལ་རབ་འཛུམ་པས།།
ལུས་སེམས་དགའ་བའི་སེམས་ཚོར་གམ་ན་ཡོད།།

སྣ་ཚོགས་སྣང་བ་ཀུན་ལ་ཕར་ལྟོས་དང་།།
བཟང་ངན་བདེ་སྡུག་སེམས་ཀྱི་འཁྲུལ་སྣང་ལ།།
གཟུགས་མེད་སེམས་ལ་བདག་པོ་མ་ཕོག་བར།།
གནས་ལུགས་རྒྱུ་མཚན་མཁས་ཀྱང་ཕན་པ་དཀའ །།
__ཤེས་རབ་མེ་ལྕེ་ནས་༢༠༢༤-༢-༢༧ཉིན