ལྷ་ལྡན་དུ་ཡོང་ནས་ཉིན་མང་པོ་འགོར། མཇལ་དགོས་ས་དག་མཇལ་ཞིང་འཕྲད་དགོས་པ་དག་འཕྲད་ཟིན། ད་ནི་ཕྱིར་ཕ་ཡུལ་དུ་ལོག་རན། སླར་ཡང་ཉི་མ་ལྷ་ས་རུ་ཡང་ཡང་ཡོང་རྒྱུའི་སྐལ་བ་དང་ལྡན་པར་སྨོན།

མི་ཞིག་ལ་ཕམ་ཁ་སྟེར་བའི་རང་ལུགས་གསུམ།

1、བྱ་བ་ཅི་ཡང་མ་བསྒྲུབས་པར་གྲུབ་འབྲས་ཐོན་ན་འདོད་པའི་སྟོང་བསམ་རང་ལུགས།
2、བྱ་བ་ཞིག་བསྒྲུབས་མ་ཐག་ནས་གྲུབ་འབྲས་མྱུར་དུ་ཐོན་ན་འདོད་པའི་འཆོང་བསྐྱོད་རང་ལུགས།
3、བྱ་བ་ཞིག་བསྒྲུབས་ནས་དཀའ་ངལ་ཞིག་ལ་འཕྲད་སྐབས། མུ་མཐུད་དུ་གདོང་གཏོད་ཀྱི་སྙིང་སྟོབས་མེད་པའི་ཁོ་ཆད་རང་ལུགས།

—— ཁེ་ལས་པ་མི་འགྱུར་རྡོ་རྗེ།

࿐ལམ་རིམ་རྣམ་གྲོལ་ལག་བཅངས་ལས།
སྒོམ་གྱི་འགོ་ཀུན་སློང་འཆོས་པ་དང་། ལམ་རིམ་གྱི་འགོ་དལ་འབྱོར། ཆོས་ལག་ལེན་གྱི་འགོ་ལས་འབྲས་ནས་ཚུགས་པ་ཡིན།ལས་འབྲས་ཀྱི་ཚུལ་འདི་སྟོང་ཉིད་ལས་ཀྱང་ཕྲ་ཞིང་དཔོག་དཀའ་སྟེ། སྟོང་ཉིད་ཀྱི་དོན་ཕྲ་ཞིབ་ཉན་རང་དགྲ་བཅོམ་པས་ཀྱང་རྟོགས་ཤིང་སྟོན་ནུས་ལ། ལས་འབྲས་ཀྱི་ཚུལ་ཕྲ་མོ་སངས་རྒྱས་ཁོ་ནའི་སྤྱོད་ཡུལ་ལུང་ཚད་མ་ཁོ་ནས་གཞལ་དགོས་པས་ན། ལས་འབྲས་འདི་ཤིན་ཏུ་ཕྲ་བས་སྡིག་པ་ཆུང་ངུ་ནས་འཛེམ་དགོས། ཞེས་གསུངས་སོ། །