࿐བོར་རང་སྐྱོངལྗོངས་སྨན་རྩིས་ཁང་གི་དྲྭ་ཐོག་ནས་ཨང་ཀི་དཀག་སའི་སྟེང་དུ་རྒྱ་ཡིག་མ་ཏོག་བོད་ཡིག་མིན་འདུག་དེ་ལ་ཚང་མས་དྲྭ་ཐོག་སྟེང་དུ་རྒྱུད་་བསྐུར་གང་མང་གནང་ནས་བོད་ཡིག་ཡང་མཐོང་རྒྱུ་ཡོད་པའི་རེ་བཞུ་འབུལ་བར་བཞུ། །
在西藏自治区藏医院官网上，数字栏上只有中文，没有藏文，请大家在网上多加转发，希望能看到藏文。

࿐ང་ཚོར་མཁོ་བ་ནི་སེམས་ཀྱི་གཏིང་རུམ་ལ་ཟུག་པའི་ཞི་བདེ་བག་ཕེབས་ཀྱི་བདེ་སྐྱིད་ཅིག་འཚོལ་སྙེག་བྱ་དགོས་པ་ལས་ཕྱོགས་ལྷུང་དང་ཞེན་ཆགས་ཀྱིས་མནར་བའི་བདེ་བ་ཉི་ཚེ་བ་ཞིག་གིས་བཟི་ནས་མི་ཚེ་སྐྱེལ་དགོས་པ་མ་རེད། ཡིན་ཡང་ང་ཚོ་ནི་དེ་ལས་ལྡོག་སྟེ་རང་དོན་ཡིད་བྱེད་ཀྱི་ཚོར་བ་ཤུགས་དྲག་པས་རྒྱང་རིང་གི་ཕ་མཁར་སྨུག་པོ་དང་མདུན་ལྗོངས་ཡངས་པོར་མུན་པས་བསྒྲིབས་ཏེ། རང་གི་མཐོང་ལམ་བཀག་ཡོད་དོ།།

࿐

ན་ཆུང་མའི་འཛུམ་ཞལ་འོག་ནས་མངོན་པའི་མཛེས་སྡུག་གི་ལང་ཚོ།

མཛེས་སྡུག་པདྨའི་འཁྲི་ཤིང་ལྡེམ་པའི་རྩེར། །
འཛུམ་པའི་ཆུ་སྐྱེས་ཁོག་ལག་རབ་ཏུ་རྒྱས། །
དགའ་བའི་དགོད་སྒྲ་སྙན་པའི་གཤོག་གླུའི་ཁྲོད། །
ཟུར་མིག་མདའ་མོས་སྙིང་གི་གསང་བ་བརྟོལ། །

མི་བརྟན་འགྱུར་བ་སྲིད་པའི་མེ་ལོང་ངོས།  །
བདེ་སྡུག་གཟུགས་བརྙན་འབུམ་གྱི་རི་མོ་བཀྲ །
ཕྱོགས་བཞིའི་སྐྱེ་བོའི་བཞིན་གྱི་དཀྱིལ་འཁོར་ལ། །
དགའ་སྐྱོ་འདྲེས་མའི་རྣམ་འགྱུར་ཅི་ཡང་དགོད། །

སྐྱིད་སྡུག་རེས་སུ་མྱོང་བ་འཁོར་བའི་གཤིས། །
རང་སེམས་རྒྱ་ཡན་ཤོར་བ་སྔོན་གྱི་གོམས། །
འཇུག་ལྡོག་ལམ་སྟོན་སྒྲོན་མེ་མ་བསྟེན་ན། །
གཏན་གྱི་བདེ་སྐྱིད་སྣང་བའི་སྒོ་མོ་འགག །

མི་རྟག་ཕོ་ཉ་འཇབ་ཀྱིན་གམ་དུ་གཅར། །
ལང་ཚོའི་མེ་ཏོག་དུས་ཀྱི་སེར་བས་བཅོམ། །
བརྩེ་དགའི་རྨི་ལམ་འཇའ་མཚོན་རྗེས་སུ་བསྙེགས།  །
ཆགས་སེམས་རྦ་རླབས་ཉིན་རེ་བཞིན་དུ་འཇགས། །

བྱིས་དུས་རྩེད་མོའི་འཇིག་རྟེན་ཡིད་དུ་འོང་།  །
གཞོན་དུས་ཆགས་པས་ཡིད་སེམས་མི་གནས་པ།  །
དར་ཡོལ་རྒན་རབས་རྒྱུ་ནོར་སྙིང་པོར་འཛིན།  །
འདིས་ཀྱང་མི་བརྟན་འཁོར་བའི་གནས་ལུགས་མཚོན།  །

གཞོན་ཤ་ཆགས་པའི་འཛུམ་མདངས་མཉེར་མས་སུབ། །
འདྲེན་བྱེད་བུང་བ་རྩེ་དགའི་འདུན་པ་ཡལ། །
དུང་སེམས་མདུད་པ་ཉིན་རེ་བཞིན་དུ་ལྷོད།  །
འདུས་མཐའ་བྲལ་བའི་ཕོ་ཉ་དང་པོ་འབྱོར།  །

དབུས་ལྷ་ལྡན་ཡུལ་གྱི་ཆུ་འཛིན་བུ་མོའི་གཞིས་ཀ་ནས་མངོན་པའི་རང་ལུས་ཀྱི་ལང་ཚོ་ཕལ་ཆེར་མི་མངོན་པའི་དབྱིངས་རུམ་དུ་བསྡུ་ལ་ཉེ་བའི་ཚོར་སྣང་ཐོལ་བྱུང་གིས་འཚོ་སྨན་ནས། ༢༠༡༨-༤-༢