ཕྱི་དྲན་ཁྲོད་ཀྱི་ལྷ་ས།

ལྷ་སར་ཐེངས་གཅིག་སོང་བཞག །
ཇོ་ཞལ་ལན་གསུམ་མཇལ་ཡོད། །
དད་པའི་མུ་ཏིག་ཕྲ་མོ། །
སེམས་ཀྱི་ནམ་མཁར་གཏོར་ཡོད། །

ནོར་བུ་གླིང་གར་སླེབས་དུས། །
དག་པ་ཚེ་རིང་དྲན་བྱུང་། །
དྲན་པ་ཆུ་མོའི་ངོགས་སུ། །
མིག་ཆུའི་མེ་ཏོག་བཞད་སོང་། །

ཕྲོ་བྲང་ཕྱི་རྫིག་ནང་སྟོང་། །
མདུན་ནས་ནན་གྱིས་བལྟས་པས། །
རང་ཚུགས་ཕྲག་ཞེང་ཆེ་བའི། །
མེས་པོའི་བློ་སྤོབས་དྲན་བྱུང་། །

རྒྱལ་བ་ཚངས་དབྱངས་རྒྱ་མཚོས། །
དང་བཟང་མིང་བྱང་བསྣབས་ཏེ། །
རྫོང་རྒྱབ་ཀླུ་ཁང་ནང་ནས། །
ཐེངས་གཅིག་འཕྲད་ན་བསམས་བྱུང་། །

དགའ་ལྡན་རི་བོའི་རྩེ་ཡི། །
ཙོང་ཁའི་གཟིམས་ཤག་ཆུ་ངུར། །
ཤང་བཟའ་ཨ་མའི་ཚབ་ཏུ། །
ཞིབ་ཏུ་ཐེངས་འགར་བལྟས་ཡོད། །

ཅི་འདོད་ཡིད་བཞིན་སྩོལ་བའི། །
གྲྭ་གཞི་ལྷ་མོའི་མདུན་ནས། །
མཚར་སྡུག་མི་མོའི་མི་ཚེ། །
སྐྱིད་འཁོར་སྨོན་ལམ་བཏབ་ཡོད། །

སྟོད་གནས་ས་སྐྱར་བསླེབས་ཤིང་། །
ཆོས་རྩིག་བྲག་རིའི་མདང་ལས། །
མེས་པོའི་རྣམ་དཔྱོད་འཕྲོས་པས། །
ཞྭ་མོ་རང་ཕུད་བརྒྱབས་སོང་། །

ཞྭ་ལུ་བཀྲིས་ལྷུན་མཇལ་བས། །
རུས་རྐང་བོད་ལ་ཟུག་ཅིང་། །
ཤི་མིག་གངས་ལ་བགྲད་པའི། །
ཡང་བསྐྱར་གངས་མི་དྲན་སོང་། །

དབུས་ཀྱི་བར་སྐོར་གླིང་གི །
མ་སྐྱེས་ཨ་མའི་མདུན་ནས། །
འབྱུང་འགྱུར་དྲན་ཤིང་ཐུབ་པའི། །
འཇའ་རིས་རི་མོར་ཕབ་ཡོད། །

སྐར་ཚོགས་ཇ་ཁང་ནང་གི །
ཨ་ཅག་མིག་ལ་འགྲོ་མོས། །
མཉམ་དང་འཛུམ་གྱི་བར་ནས། །
སེམས་པ་ཕྱི་རུ་བླངས་བྱུང་། །

དབུས་ཀྱི་སྲང་ལམ་ནང་དུ། །
པོ་ཏའི་སྐས་ཐེམ་སྟེང་ལ། །
དད་པའི་མེ་ཏོག་བཞད་མཁན། །
མཇལ་བའི་དད་སེམས་བརྐུས་འདུག །

མཇལ་ན་མཇལ་ཁ་ཡག་ཅིང་། །
བཏབ་ན་བྱིན་རླབས་མྱུར་བའི། །
ལོ་དང་ཟླ་བའི་དཀྱིལ་ནས། །
ཡང་བསྐྱར་མཇལ་ཡོང་ལྷ་ས། །

༢༠༢༣-༦-༡༨-ཉིན་གྲུབ།

#佛教[超话]# དོན་གྱི་བདེ་སྐྱིད་ངོ་མ་དེ་ཕྱིའི་དངོས་པོ་ལ་བརྟེན་ནས་ཡོང་ཐུབ་ཡ་ཡོད་མ་རེད། གཙོ་བོ་རང་གི་སེམས་ལ་བརྟེན་ནས་བཟོ་དགོས་པ་རེད།
​真正的幸福不能靠外在的东西来获得，关键还是要靠自己的心来获取。️️️
#藏传[超话]##格鲁派##问道僧#

མི་ལ་རས་པ།

གངས་དཀར་པོས་བསྐོར་བའི་ཁོང་གསེང་ན།
རླུང་ཟེར་མ་ཡན་པོར་རྒྱུ་བའི་འོག །
རང་ཤོང་གྱི་བྲག་ཕུག་སྒོ་མེད་ནང་།
རས་ཆིག་རྐྱང་ལུས་ལ་བསྒྲེན་ཙམ་གྱི།
ཤ་རུས་པའི་བར་ན་བསྟིམ་པ་དང་།
རུས་འབར་འབུར་ཕྱི་ན་གསལ་བ་ཡི།
​སྔོ་ཞོར་སེ་ཀེ་རེ་འགྱིང་བསྡད་པའི།
ཁོང་ཞེ་ཆོད་ཆེ་བ་མི་ལ་མཆོད།​

ཐུབ་པ་དགའ།​