༢༡.«མཆོད་པ་བརྒྱད་ཀྱི་སྲོལ་ཇི་ལྟར་དར་བ་དང་། འཇིགས་བྱེད་ཀྱི་མཆོད་པ་ལ་དྲི་ཆབ་མེ་ཏོག་གི་སྔོན་ལ་ཡོང་བའི་རྒྱུ་མཚན།»

དེ་ཡང་མཆོད་པ་བརྒྱད་དེ། མཆོད་ཡོན། ཞབས་བསིལ། མེ་ཏོག བདུག་སྤོས། མར་མེ། དྲི་ཆབ། ཞལ་ཟས། རོལ་མོ་རྣམས་ཡིན་ལ། དེ་ཐོག་མར་གནའ་བོའི་རྒྱ་གར་འཕགས་པའི་ཡུལ་ན། རྒྱལ་པོ་ཕེབས་པ་ན། འབུལ་བྱའི་མཆོད་པའི་རིམ་པ་ཡིན། དེ་ཡང་ཚ་དྲོད་ཆེ་བའི་གནམ་གཤིས་ནང་དུ། རྒྱལ་པོ་ཕེབས་པ་ན། ཐོག་མར་སྐོམ་ཚད་སེལ་བའི་གསོལ་ཆུ་ཕུལ་ཅིང་། དེ་ནས་ལམ་བར་གྱི་རྡུལ་འདག་པ་ལ་ཞབས་གཉིས་བཀྲུ་སྤྱད་ཀྱི་ཆུ་ཕུལ། དེ་ནས་དགའ་བསུའི་མཚོན་བྱེད་དུ་མགུལ་ལ་མེ་ཏོག་གི་ཕྲེང་བ་བཀོན། དེ་ནས་རྒྱལ་པོ་བཞུགས་ས་ལ་གདན་འདྲེན་པའི་ལམ་བར་དུ། བདུག་སྤོས་ཀྱིས་སྣ་འདྲེན་ནས་གདན་འདྲེན་དགོས་པས། བདུག་སྤོས་ཕུལ། ཕོ་བྲང་དུ་སླེབས་པ་ན། ཕོ་བྲང་ནང་དུ་གསལ་བའི་ཆེད་མར་མེ་སྦར་བས། མར་མེ་ཕུལ། བཞུགས་ཁྲི་སྟེང་དུ་བཞུགས་པ་ན། ལུས་སེམས་ངལ་སོས་པའི་ཆེད་དུ། ཐུགས་ཀར་དྲི་ཞིམ་པོའི་དྲི་ཆབ་བྱུགས་པས། དྲི་ཆབ་ཕུལ། དེ་ནས་ཞལ་དུ་གསོལ་རྒྱུའི་བཞེས་པ་ཕུན་སུམ་ཚོགས་པ་རེ་རེ་བཞིན་ཕུལ་བ་ཡིན་པས། ཞལ་ཟས་ཕུལ། དེ་དང་མཉམ་དུ་དགའ་སྟོན་གླུ་གཞས་ཀྱི་ཟློས་གར་ཤིན་ཏུ་མཛེས་པ་འཁྲབ་པས། རོལ་མོ་ཕུལ་བ་ཡིན་ནོ། ། ཕྱིས་སུ་སངས་རྒྱས་ཕེབས་པ་ན་ཡང་། རྒྱལ་པོ་ལ་ཇི་ལྟར་མཆོད་པ་ལྟར་བྱས་ནས་སྤྱན་དྲངས་པས། རྗེས་སུ་སྲོལ་འདི་དར་བར་མངོན། འོན་ཀྱང་གཞུང་ཚད་ལྡན་དག་ལས་འདི་གསུངས་པ་མ་མཐོང་བས། མཐའ་གཅིག་ཏུ་བཤད་མ་སྤོབས། སྒྲིག་ན་དེ་ལྟར་དུ་འགྲིག་རྒྱུ་ཡོད་པར་སྣང་།

འཇིགས་བྱེད་ཀྱི་མཆོད་པའི་སྐབས་ལ། དྲི་ཆབ་མེ་ཏོག་གི་སྔོན་དུ་ཕུལ་བ་ནི། བཅོམ་ལྡན་རྡོ་རྗེ་འཇིགས་བྱེད་མཆོག་འཇམ་དབྱངས་དྲག་ཏུ་ཁྲོས་པ་ཡིན་ཞིང་། འཇམ་དབྱངས་ནི་ཤེས་རབ་ཀྱི་ལྷ་ཡིན་པས། ཐུགས་ཀ་ལ་འབུལ་རྒྱུའི་མཆོད་པ་མར་མེའི་སྔོན་དུ་ཕུལ་བ་ཡིན། མདོར་ན་ཤེས་རབ་ཀྱི་ལྷ་ཡིན་པ་མཚོན་པའི་ཆེད་དུའོ། །

༄༅།།རྒྱལ་བའི་ལུང་གིས་ཟིན་པའི་ཆོས་སྡེ་ཆེན་མོ་༧བླ་བྲང་དཔལ་ལྡན་བཀྲ་ཤིས་གཡས་སུ་འཁྱིལ་བའི་ཆོ་འཕྲུལ་སྨོན་ལམ་སྐབས་ཀྱི་ཁྲི་ཆེན་གུང་ཐང་སྐུ་ཕྲེང་དྲུག་པ་དང་བདུན་གི་ཚང་གི་སྐུ་པར། [合十][合十][合十] https://t.cn/AiQNeAfd

སྐྱིད་དེ་བ་ཡང་སྡུག་བསྔལ་འགྱུར། །
སྡུག་བསྔལ་ཅན་ཡང་རྣམ་ཕེབས་གནས། །
རྗེ་དཔོན་ཡང་ནི་བྲན་འགྱུར་གྱི། །
བག་མེད་པ་ལ་དགའ་མ་བྱེད། །

མ་ཡང་ཆུང་མར་འགྱུར་བ་དང་། །
ཆུང་མ་ཡང་ནི་དགྲ་འདི་ཉིད། །
འགྱུར་ལྡོག་ཆེན་པོ་འདི་འདྲ་ལ། །
བག་མེད་པ་ལ་དགའ་མ་བྱེད། །

ནགས་དང་ཉེ་ནགས་བྲག་རྣམས་ལ། །
ལྷ་ཡི་ཚོགས་ཀྱིས་བརྒྱན་པ་ཡི། །
འཇིག་རྟེན་འདི་ནི་མེད་འགྱུར་གྱི། །
བག་མེད་པ་ལ་དགའ་མ་བྱེད། །

ལུས་ཅན་རྣམས་ཀྱི་བདེ་བ་ནི། །
གཡོ་ཞིང་འཚེ་དང་བཅས་པ་ཡིན། །
ཡིད་ཆེས་མེད་དང་སྟོང་པ་ལ། །
བག་མེད་པ་ལ་དགའ་མ་བྱེད། །

སྡུག་བསྔལ་གྱིས་གཟེར་སྐྱེ་འདི་ཡང་། །
རྒ་དང་ནད་ཀྱི་སྣོད་ཡིན་ནོ། །
སྐྱེ་བ་ངེས་པར་འཆི་བ་ཡང་། །
གང་གིས་ཐམས་ཅད་དུ་ནུས་མིན། །

སྐྱེ་བ་ཐམས་ཅད་འཆི་བའི་མཐའ། །
དེ་བཞིན་ལང་ཚོ་རྒས་པའི་མཐའ། །
རྨི་ལམ་ལྟ་བུའི་འདོད་པ་ལ། །
བག་མེད་པས་ནི་དགའ་མི་བྱ། །

ཆུ་ཤིང་ལོ་མ་དང་མཚུངས་དང་། །
གློག་རྣམས་དང་ཡང་རབ་ཏུ་མཚུངས། །
སླུ་བར་བྱེད་པ་ཐམས་ཅད་ལ། །
བག་མེད་པས་ནི་དགའ་མ་བྱེད། །

__འཕགས་པའི་ཆོས་དྲན་པ་ཉེར་བར་བཞག་པ་ལས།