སྲོག་བཅད་པའི་མྱོང་བ་རྒྱུ་མཐུན།སྔོན་སྲོག་གཅོད་བྱས་པའི་འབྲས་བུ་ད་ལྟ་ཚེ་ཐུང་ཞིང་ནད་མང་བ་ཡིན་ཏེ།བྱིས་པ་ཆུང་ངུ་ཁ་ཅིག་སྐྱེས་འཕྲལ་ལ་འཆི་བ་དེ་དག་སྔར་སྲོག་གཅོད་བྱས་པའི་རྒྱུ་མཐུན་ཡིན་པས།དེ་དག་སྐྱེ་བ་ལན་གྲངས་མང་པོའི་བར་དུ་སྐྱེས་ཙམ་ན་འཆི་བ་ཤས་ཆེ་བ་ཡིན།དེ་བཞིན་དུ་མི་ཁ་ཅིག་ཆུང་ངུའི་དུས་ནས་ནད་ཀྱི་རྣམ་གྲངས་མང་པོས་མནར་ཞིང་།རྒས་ནས་འཆི་ལ་ཐུག་གི་བར་དུ་ནད་ཀྱིས་མི་གཏོང་བ་དེ་དག་ཀྱང་སྔར་སྲོག་གཅོད་དང་བརྡུང་བརྡེག་བྱས་པའི་ལས་འབྲས་སྨིན་པ་ཡིན་པས།འཕྲལ་རྐྱེན་མང་པོའི་བཅོས་ཐབས་ལ་བསམ་བློ་མི་གཏོང་བར།སྔོན་བྱས་ཀྱི་ལས་ལ་བཤགས་པ་དང་འགྱོད་སྡོམ།ལས་ངན་གྱི་གཉེན་པོ་དགེ་སྒྲུབ་སྡིག་སྤོང་སོགས་ལ་འབད་དགོས་པ་ཡིན་ནོ།།杀生的感受等流果：也就是说，前世造杀业，今生必然要感受短命、多病的报应。有些婴儿刚一出生就死去，完全是前世造杀业的等流果，而且这些人绝大多数在多生累世中都是刚刚出生就断气身亡。还有些人从小到老一直遭受多种不同疾病的折磨，可以说有生之年几乎没有不病的时候，这些也是往世残杀殴打生灵的业报。所以，当我们生病时，不要一直冥思苦想摆脱眼前这些疾病的医疗方法，而应当将精力放在发露忏悔往昔所造的罪业，下决心痛改前非、弃恶从善等等恶业的对治法上面。     _____ དཔལ་སྤྲུལ་རིན་པོ་ཆེས།   _____华智仁波切

རྒྱལ་སྲས་ཞི་བ་ལྷས།
སྡུག་བསྔལ་དོར་འདོད་སེམས་ཡོད་ཀྱང་། །
སྡུག་བསྔལ་རྒྱུ་ལ་མངོན་པར་འཇུག །
བདེ་བ་འདོད་ཀྱང་གཏི་མུག་པས། །
རང་གི་བདེ་བ་དགྲ་ལྟར་འཇོམས། །

ཁྱད་པར་དང་འདྲ་བ།

གཅིག་ནི་དབྱར་ཀྱི་སྐྱིད་ལ་རོལ་སྟངས་དང་།།
ཤོས་ནི་གནམ་ལོ་གསར་བ་བསུ་སྟངས་ཏེ།།
དབྱར་དགུན་སྟོན་མོ་དུས་ཀྱི་ཁྱད་པར་ཙམ།།
འགལ་ན་འདུལ་བར་འགལ་ལུགས་འདྲ་བ་ཡིན།།

གཅིག་ལ་ཞི་བའི་ཆ་ལུགས་སྤྲས་པ་དང་།།
ཤོས་ལ་ཁྲོ་བོའི་ཉམས་འགྱུར་རྫོགས་པ་གཉིས།།
རྒྱན་ལ་ཞི་ཁྲོའི་ལྷ་ཡི་ཁྱད་པར་ཙམ་།།
གཟན་ན་མིག་ལ་གཟན་ལུགས་འདྲ་བ་ཡིན།།

གཅིག་ནི་རྙིང་མ་བླ་མའི་དག་སྣང་དང་།།
ཤོས་ནི་གསར་མའི་དགོན་པའི་སྲོལ་རྙིང་སྟེ།།
བླ་མ་དགོན་པས་ཕྱེ་བའི་ལུགས་སྲོལ་ཙམ།།
ཕན་ན་ཕན་ཡོན་ཡོད་ལུགས་འདྲ་བ་ཡིན།།

གཅིག་ནི་དབྱར་གྱི་སྤང་གི་སྟངས་སྟབས་དང་།།
ཤོས་ནི་དགོན་ཆེན་འཆམ་རའི་ཤོམ་ར་གཉིས།།
གར་སྟེགས་སྤང་དང་རྡོ་ཡི་ཁྱད་པར་ཙམ།།
འཕེལ་ན་རྒྱགས་པ་འཕེལ་ལུགས་འདྲ་བ་ཡིན།།

གཅིག་ནི་ཆོས་སྐྱོང་གེ་སར་བསྟོད་ལུགས་དང་།།
ཤོས་ནི་མཐོང་བ་བརྒྱུད་པའི་ཕྱག་བཞེས་གཉིས།།
བོད་དམངས་མིག་ལ་ལོབས་མིན་ཁྱད་པར་ཙམ།།
དགག་ན་དགག་རྒྱུ་ཡོད་ལུགས་འདྲ་བ་ཡིན།།

ཧ་ཧ་ཧ་་་་