བདག་ནི་སྐྱེ་བ་ཐམས་ཅད་དུ། །
愿于一切生世中
བསྟན་པའི་ཁུར་ཆེན་ཁུར་བར་ཤོག །
荷担如来之家业
ཁུར་ཆེན་ཁུར་བར་མ་ནུས་ཀྱང་། །
若无担责之善能
བསྟན་པ་ཉམས་ཀྱི་དོགས་པ་ཡིས། །
愿我仅忆教法衰
སེམས་ཁྲེལ་ཙམ་ཡང་འབྱུང་བར་ཤོག །
辗转难寐常心忧#学生江永索朗#

གནམ་ལོ་གསར་བའི་ཤིས་ཚིག 
                    འོད། 
ཞོགས་ཀའི་ཞལ་འཛུམ་ཁྲི་གདུགས་འོད་ཀྱིས་མཛེས། ། 
རི་ཆུའི་སེམས་འདུན་ལྷུན་ཆགས་གངས་རིས་མཛེས། །
ཕ་གཞིས་མིག་མདངས་སྒོ་ཕྱུགས་དཔལ་གྱིས་མཛེས། ། 
མཛེས་གསུམ་འཛོམས་པའི་གནམ་ལོ་གསར་ཚེས་བསུ། །
སྡེ་སྣོད་ཟླ་བ་དཀར་བོའི་དཀྱིལ་འཁོར་ལས། ། 
ལུང་རྟོགས་དམ་ཆོས་ག་བུར་ཟགས་པའི་དྲི། ། 
བསླབ་གསུམ་ཨུ་དམ་ཝའི་ཁྱོན་མཛེས་པའི། ། 
བསྟན་འཛིན་སྐྱེས་བུའི་ཞབས་པད་བརྟན་པར་ཤོག །
སྐད་ཡིག་གསེར་ཟམ་མཛའ་ཆུའི་འོ་མས་བྲན། །
ཤེས་བྱའི་རྒྱལ་ཁམས་རིག་པའི་སྤྱན་གྱིས་འཚོ། །
སྲོལ་བཟང་དར་ཟབ་འཛིན་སྐྱོང་རི་མོར་བཀྲ། ། 
དཔྱོད་ལྡན་དམ་པས་བསིལ་ལྡན་གང་བར་ཤོག ། 
ཐུགས་བརྩེ་འོ་མའི་མཚོ་རླབས་མཁའ་རུ་རྩེན། ། 
དལ་རྟེན་པདྨའི་འདབ་བརྒྱ་དྲོད་ཀྱིས་བསྐྱངས། ། 
བྱམས་ལྡན་ཡབ་ཡུམ་ཉི་ཟླའི་གཟི་མདངས་ལ། །
ཚེ་བསོད་དགུང་དང་མཉམ་པའི་སྨོན་འདུན་ཞུ། །
འཆམ་མཐུན་སློབ་གསོའི་སྦྲང་ཆར་མཁའ་ནས་སིམ། ། 
མཐུན་སྒྲིལ་དཔལ་ཡོན་མེ་ཏོག་འཛུམ་དཀར་མཆེད། ། 
ཕུན་ཚོགས་སྡེ་བཞིའི་སྣོད་བཅུད་གཡང་དུ་འཁྱིལ། །
གནམ་ལོ་གསར་ཚེས་དགའ་སྟོན་འཕེལ་གྱུར་ཅིག །

གཞིས་རྩེ་ཚགས་པར་སྟེང་བཀོད། [太阳][礼物][浪] https://t.cn/R2WxDGB

བོད་རབ་རྒྱན་ཤིང་ཕོ་འབྲུག་གི་ལོའི་གནམ་ལོ་གསར་པའི་ནང་དུ་སུམ་ལྡན་བླ་མ་དམ་པས་གཙོས་བསྟན་འཛིན་གྱི་སྐྱེས་བུ་རྣམས་སྐུ་ཚེ་ཞབས་པད་བརྟན་ཅིང་མཛད་འཕྲིན་མཚོ་ལྟར་རྒྱས་པ་དང་། འགྲོ་བ་སེམས་ཅན་ཡོངས་ལ་ནད་མེད་ཚེ་རིང་ཡོང་བའི་བཀྲ་ཤིས་སྨོན་འདུན་ཞུ།