རྡོ་བརྐོས་རིགས་གནས་ནི་རིགས་གནས་གཞན་དང་འདྲ་བར་གནའ་ནས་ད་བར་ཇེ་ཡག་ནས་ཇེ་ཚོགས་སུ་སོང་བ་མ་ཟད་ལོ་ཤས་ནང་རྡོ་བརྐོས་དེང་རབས་ཅན་དུ་གྱུར་བར་བརྟེན། འཛི་ཆུའི་ཆུ་རྡོ་འདིའང་མ་ཎི་སོགས་འབུར་བརྐོས་བྱེད་སའི་མ་གཞི་ཆེས་ཡག་ཤོས་ཤིག་ཏུ་གྱུར་ཡོད།།
ཆུ་རྡོ་རྡོ་བརྐོས་སྔ་ནས་མེད་པ་ཞིག་མིན་ཏེ། སྟག་ལུང་རྗེ་བཙུན་ངག་དབང་བཀྲ་ཤིས་དཔལ་གྲུབ་ངེས་དོན་ཆོས་ཀྱི་ཉི་མ་མཁྱེན་ནོ།། ཞེས་པ་དང་། རྗེ་བཙུན་ངག་གི་དབང་ཕྱུག་མཁྱེན་ནོ།། ཞེས་པ་གཉིས་དང་ཆོས་སྐུ་ཨོ་རྒྱན་མགོན་པོའི་རྡོ་སྐུ་དེ་རྣམས་ད་ལྟ་ཐུབ་པ་ཁང་ལ་བཞུགས་ཡོད། རྡོ་རྩི་གྱོན་པའི་རྡོ་བརྐོས་དེ་རྣམས་རིན་ཆེན་མ་སྐོགས་སུ་ཡོད། དེ་རྣམས་རི་བོ་ཆེའི་ཕྱོགས་ནས་ཆུ་རྡོ་ཡིག་སྐུ་རྡོ་བརྐོས་སྔ་ཤོས་ཤིག་ཡིན་པ་འདྲ། ཆུ་རྡོ་འདི་ལ་སྐྱོན་ཆ་ཆེ་ཤོས་ཤིག་ནི་རྡོ་རྩི་འཐུག་པོ་གྱོན་འགྲོ་བ་འདི་རེད་འདུག །
རིན་ཆེན་བྲག་ཁར་ཡོད་པའི་གཡའ་མར་རྡོ་བརྐོས་འདི་རྣམས་ཀྱང་སྔ་ཙམ་ནས་ཡིན་ནམ་སྙམ། གཡའ་རྡོ་འདིའི་རིགས་ནི་རྡོ་བརྐོས་བྱེད་ས་ཆེས་ཡག་ཤོས་ཤིག་ཏུ་མཐོང་། རྒྱུ་མཚན་མ་ཎི་སོགས་ཤོང་ཚད་ཆེ་ལ། ཁུར་འདྲེན་བདེ་བ། རང་བཞིན་སྲ་ལ་རྡོ་རྩི་གྱོན་རྒྱུ་མེད་པ་རྣམས་སོ།།

དོལ་པོ་སྐྱིད་སྡུག་ཚོགས་པའི་ཚོགས་ཁང་ན་བཞེངས་ཡོད་པའི་སྐུ་རྟེན་འདི་དག་འབྱོན་ལེགས་པ་དང་། སྐུ་ཚོན་འཚམས་པ་སོགས་ཁྱད་ཆོས་ཆེན་པོ་འདུག་ཅེས་ལྷ་དཔོན་མང་པོས་གསུང་གི་འདུག

དུས་ཚོད་ནི་ལག་ཟུང་གི་གསེས་ནས་རིང་ནས་རིང་དུ་བསྲིངས། མི་ཚེའི་དམ་བཅའ་དང་ཁས་ལེན། ཕུགས་བསམ་ཡང་ཐག་ཇེ་རིང་ནས་ཇེ་རིང་དུ་གྱུར། སེམས་ཀྱི་སྔོན་ཆད་ཤུགས་སྟོབས་ཀྱང་ཇེ་ཉམས་ནས་ཇེ་ཉམས་སུ་འགྱུར། སྟོང་པའི་མི་ཚེ་ནི་ནམ་ཡང་སྟོང་མོད། ཡིན་ཡང་འབྱུང་འགྱུར་གྱི་དུས་ལ་འགྲུབ་པ་དང་སྲིད་པ། མངོན་འགྱུར་ནི་མེད་པ་ག་ལ་ཡིན། གང་ཡང་ཡིད་ཆེས་ཀྱིས་ཁེངས་པས་ལམ་ལ་ཆས།