མི་དང་མིའི་བར་གྱི་འབྲེལ་བ་ཆེས་བཟང་ཤོས་ནི་འབྲེལ་བ་མེད་པ་སྟེ། མི་ཉེ་མི་རིང་བའི་འབྲེལ་བ་དེ་རེད། འདི་ནི་མཛའ་བརྩེ་ཐམས་ཅད་ལ་མཚམས་པོ་ཡོད། རྒྱུ་མཚན་ནི་མི་དང་མིའི་བར་འབྲེལ་འདྲིས་བྱེད་པ་ཉེ་དྲགས་ན་དེ་ཐམས་ཅད་ནི་གནོད་སྐྱོན་ཞིག་རེད།
རྨོ་ཡེང་།
人与人之间最好的关系是没有关系。不远不近的关系，适合所有情感。因为与任何人走得太近，都会是一场灾难。一一 莫言 ​​​

ཟ་ཁང་དང་ཇ་ཁང་རླངས་འཁོར་དུ་སྡོད་སྐབས་སོགས་སུ་ཞར་དང་ཞོར་ལ་དཔེ་དེབ་རེ་ལག་ཏུ་འཛིན་རྒྱུ་གལ་ཆེ། དེ་ལྟར་གནས་ངེས་མེད་ནས་ དཔེ་ཀློག་བྱེད་པ་ལ་གོམས་དགོས། དཔེ་ཀློག་བྱེད་པ་ངོ་ཚ་རུ་བརྩིས་ན། ད་དུང་ཁྱེད་ནི་དཔེ་ཀློག་པ་ངོ་མ་ཞིག་གི་ཚད་དུ་བསླེབས་མེད་ལ། ཁོར་ཡུག་དེ་ནི་མུན་ནག་གི་འཇིག་རྟེན་ཞིག་ལ་ངོས་འཛིན་ཆོག[可爱]

ས་ཐོབ་སེམས་དཔར་རྫུ་བ་མ་བྱས་ཤིང་།།
ས་འཛིན་སེང་གེ་ཁྲི་ལ་མ་འགྱིངས་པ།།
ས་བདག་རྒྱལ་བོའི་གམ་ལ་མི་འདུར་བ།།
ས་སྟེང་གནས་ཐབས་བྱེད་པ་ང་ཡི་བྱ།།

བྱ་བཏང་རི་ཁྲོད་གྲས་སུ་མ་འཚངས་ཤིང་།།
བྱ་མང་ཟང་ཟིང་འཁོར་བར་མ་ཞུགས་པ།།
བྱ་གཞག་བྱས་རྗེས་ཐོབ་པར་མི་རྔམ་པ།།
བྱ་བཞིན་ངེས་མེད་འཁྱམས་པ་ང་ཡི་བྱ།།

ཁ་མཁས་ངན་སྨྲས་མཚོན་ཆས་དགྲ་མ་རྨས།།
ཁ་ཡག་ཟོལ་བསྟོད་ཚིག་གིས་གྲོགས་མ་བསླུས།།
ཁ་དོན་གྲངས་ཙམ་བསོགས་པའི་ངལ་མ་བསྟེན།།
ཁ་ཁོག་གཉིས་མེད་བྱེད་པ་ང་ཡི་བྱ།།

སྒྲ་ཚད་ཉི་ཟླའི་གོས་བཟང་མ་བགོས་ཤིང་།།
སྡེ་སྦྱོར་འཛའ་ཚོན་སྐ་རགས་མ་བཅིངས་པ།།
སྙན་ངག་ནོར་བུའི་དབུ་ཐོད་མ་སྤྲས་པ།།
མངོན་བརྗོད་གཟི་བྱིན་བོར་བའང་ང་ཡི་བྱ།།