བཙོན་ཁང་གི་ལྕགས་སྒོ་དྲག་ཤུགས་ཀྱིས་བརྡུངས་པའི་ཆོབ་སྒྲ་ཡང་བསྐྱར་མཆེད་བྱུང་། མུ་མཐའ་མེད་པའི་རྩྭ་ཐང་དུ་རང་དབང་གིས་འདུར་གྱིན་པའི་རི་དྭགས་ཀྱི་རྒྱལ་པོ་སེང་གེ་རྒོད་ཐག་ཆོད་པ་ཞིག  གློ་བུར་དུ་མི་འདོད་པའི་ལྕགས་སྒྲོག་ཏུ་བཅུག་པ་ལྟར། དཔའ་སྐད་མཐོན་པོས”ལྕགས་སྒོ་ཕྱེས་ཤིག ང་སྒོ་རུ་ཐོང་། མི་མང་ལ་ང་རྡུང་དུ་ཆུགས། ཁྱོད་ཚོས་ཁ་མི་གྲག་དོན་ཅི་ཡིན། ང་ལ་ཞིབ་བཤེར་མི་བྱེད་དོན་ཅི་ཡིན། ང་མི་ལ་ཐུག་དགོས། ང་ལ་སྐད་ཆ་བཤད་རྒྱུ་ཡོད”ཅེས་ཚ་གྲང་འབར་པའི་ཨར་འདམ་དང་ལྕགས་དྲྭའི་གས་སྲུབས་བརྟོལ་ཏེ་སྐད་རྒྱག་བཞིན་པའི་སེང་གེ་དེ་ནི། ཆིན་ཁྲིན་བཙོན་ཁང་དུ་བཅུག་པའི་པཎ་ཆེན་བཅུ་པ་མཆོག་རེད་ཨང་། [合十][合十][合十]

དཔལ་འབྱོར་དང་ཐོབ་ཐང་གིས་བསླུ་ཁྲིད་མ་ཐུབ་ཅིང་དབང་ཤེད་དང་བཙན་གནོན་ལ་སྙིང་སྟོབས་མ་ཞུམ་པའི་རིགས་ཀྱི་དཔལ་བོ་ཁྱེད་ཀྱི་སྒལ་ཚིགས་དང་རིགས་ཞེན་ལ་ཡིད་སྨོན་བྱེད་པ་ཙམ་ཅི་ཡང་མ་འཇོན། གང་ཡང་མ་ཐོན། ཁྱེད་ཀྱིས་ང་ཚོར་ཤི་མིག་གསོན་བལྟས་བྱས་ཡོད་ངེས། ཇི་སྐད་དུ། བོད་རྗེས་ལུས་ཀྱི་རྣམ་པ་མ་བསྒྱུར་ན། ང་ཤི་ཡང་མིག་མི་བཙུམ།

གང་སྐུ་ཡུལ་ན་མེད་རུང་སེམས་ན་ཡོད།།
ཞལ་གསུང་ཐོས་པ་མེད་རུང་བརྗེད་པ་མེད།།
ཁྱེད་ཐུགས་མྱངས་བ་མེད་རུང་བོད་ན་ཡོད།།
བཀའ་དྲིན་གཞལ་མཐའ་མེད་རུང་བརྗེད་པ་མེད།།

ཕ་མའི་སྐུ་ཚབ་ཁྱོད་ཡིན་པཎ་ཆེན་རྗེ།།
བླ་མའི་ཞལ་ཚབ་ཁྱོད་ཡིན་བཀའ་དྲིན་ཅན།།
ཕུ་ནུའི་དཔུང་རྡང་ཁྱོད་ཡིན་བརྩེ་ཆེན་བདག།
དྲན་ནོ་དྲན་ནོ་དྲན་པའི་གཙོ་བོ་ལགས།།