བདེ་མོ་བྱོས
ངས་ཡོད་ཚད་ལ་བདེ་མོ་འཇོག
ཤོར་ཟིན་པའི་རང་ཉིད་ཀྱི་ལང་ཚོ་དང
འདས་ཟིན་པའི་དོ་ཞག་གི་འཚོ་བ
སླར་འབྱུང་མི་སྲིད་པའི་ཁ་སང་གི་སྡུག་བསྔལ
འདས་དོན་གྱི་གཏམ་རྒྱུད་དུ་གྱུར་པའི་ཡོད་ཚད་ལ
ངས་བདེ་མོ་ཐེངས་ཤིག་འཇོག
དྲན་པ་འདིས
ཡོད་ཚད་སླར་ཡང་དྲན་དགོས་ཟེར་སྲིད་མོད
འོན་ཀྱང་འདས་དོན་ལ་སྐོར་རྒྱག་མི་བྱ
མི་ཚོགས་ཀྱི་བར་ནས་བཞད་པའི་ངའི་ཡིད་འོང་མས་ཀྱང
འདི་ནས་བདེ་མོ་འཇོག་རྩིས་ཡོད་པ་འདྲ
ཡོད་ཚད་དེ་བཞིན་དུ་ངས་ཀྱང་བདེ་མོ་འཇོག
དོ་དགོང་ཆེས་མཐའ་འཇུག་གི་མཚན་མོར་ཡིན་སྲིད
དེ་ནི་འདས་དོན་ལ་བསམ་ཞིག་བྱས་པ་ཡིན
དེས་ཕྱིར་འདས་དོན་ཡོད་ཚད་བདེ་བར་གཟིམས
སང་ཉིན་ཉི་འོད་ཀྱི་ཟེར་ལ་གཅེར་ཏེ
མ་འོང་པའི་ལས་སྣེ་དང་ལེན་བྱའོ།

2024—1-2ཉི་ནས།

དོན་ངོ་མར།
མི་ཞིག་ལ་སེམས་འགུལ་དངོས་ཐེབས་སུ་འཇུག་པ་ནི།
དོན་མེད་ཀྱི་ཁ་ཡག་ཚིག་འཇམ་དང།
རྩ་ཆེན་གྱི་ལེགས་སྐྱེས་མིན་པར།
ཁྲེལ་གཞུང་ཕྱི་ཐག་རིང་བའི་དྲན་ཤིང་དང།
སྐད་གདངས་ཁྲོད་ཀྱི་འཇམ་ཤ།
མིག་མདངས་ནང་གི་སེམས་ཁུར་རེད།

གླང་ཆེན་འགྱིང་རི།
གླང་ཆེན་འགྱིང་རིའི་གསེར་གྱི་རྒྱ་ཕིབས་ཀྱི་ཉེ་གམ་དུ་རྒྱབ་ཉི་མར་ཕྱོགས་ཏེ་འགྲེང་དུས། གལ་ཏེ་སྤྲིན་གྱི་མཐོ་ཚད་འོས་འཚམ་ཡིན་ཚེ་ཉི་འོད་སྤྲིན་པར་འཕྲོས་ནས་ཁ་དོག་རྣམ་པར་བཀྲ་བའི་འོད་གོར་ཆེན་པོ་ཞིག་གྲུབ་སྲིད་ལ། གནས་སྐོར་བའི་གྲིབ་གཟུགས་ཀྱང་དེ་ལས་མཐོང་ཐུབ། མི་འགུལ་སྐྱོད་བྱེད་དུས་འོད་གོར་ཡང་མིའི་གྲིབ་གཟུགས་དང་བསྟུན་ནས་འགུལ་བས་ན། མིའི་གྲིབ་གཟུགས་འོད་གོར་ཁྲོད་གནས་པ་དང་། གནས་སྐོར་པ་ག་ཚོད་ཡོད་ཀྱང་རང་ཉིད་ཀྱི་གྲུབ་གཟུགས་དེ་ལས་མཐོང་ཐུབ། “འོད་གོར་མིའི་རྗེས་སུ་འབྲངས། གྲིབ་གཟུགས་དེའི་ཁྲོད་ན་གནས།”ཞེས་པ་དེ་ནི་གླང་ཆེན་འགྱིང་རིའི་སངས་རྒྱས་ཀྱི་འོད་ཟེར་ཞེས་པ་དེ་རེད། གླང་ཆེན་འགྱིང་རིའི་སངས་རྒྱས་ཀྱི་འོད་ཟེར་ལ“གླང་ཆེན་འགྱིང་རིའི་འོད་གོར”ཡང་ཟེར་ཏེ། དེ་ནི་ཐུན་མོང་མ་ཡིན་པའི་རང་བྱུང་དངོས་ལུགས་ཀྱི་སྣང་ཚུལ་ཞིག་ཡིན། མི་རྣམས་ཀྱིས་སངས་རྒྱས་ཀྱི་འོད་ཟེར་རམ་འོད་གོར་ནི་བཀྲ་ཤིས་པའི་མཚན་མ་ཞིག་ལ་ངོས་འཛིན་གྱིན་ཡོད་པས། དེ་དང་འཕྲད་ནུས་ན་ལྟས་བཟང་བོར་བརྩི། https://t.cn/RJZAGbg