ཐོལ་གླུ།

མི་ལ་འཆི་རྒྱུ་མེད་ཅིང་། །
ཚེ་ལ་ཟད་རྒྱུ་མེད་ན། །
ཕྱི་མའི་ཡུལ་ལ་སྐྲག་ནས། །
དམ་ཆོས་འཚོལ་དོན་མི་འདུག །

འཁོར་བ་སྐྱིད་པོ་ཡིན་ཞིང་། །
འཇིག་རྟེན་འགྱུར་བ་མེད་ན། །
ཚེ་འདི་བློས་གཏོང་བྱས་ཏེ། །
ཕྱི་མ་གདམ་དོན་མི་འདུག །

མི་སེམས་མི་ཡིས་ཤེས་ཤིང་། །
མི་ལ་རྒྱུ་འབྲས་ཡོད་ན། །
མི་ཡི་གྲལ་ནས་བུད་དེ། །
ཁྱི་གྲལ་བསྙེགས་དོན་མི་འདུག །

དགོན་ལ་རྩོད་རྙོག་མེད་ཅིང་། །
དགེ་འདུན་མཐུན་པར་གནས་ན། །
དབེན་པའི་རི་ལ་བྲོས་ཏེ། །
ཐར་ལམ་འཚོལ་དོན་མི་འདུག །

ལུས་ལ་རྒས་རྒྱུ་མེད་ཅིང་། །
ན་རྒྱུ་ཚ་རྒྱུ་མེད་ན། །
བདེ་བ་ཅན་གྱི་ཞིང་ལ། །
ཡིད་སྨོན་སྐྱེ་དོན་མི་འདུག །

ཚེ་འདིར་སྐྱིད་སྡུག་འདྲེས་མས། །
མི་སེམས་སྡུག་ལ་སྦྱར་དུས། །
འཇིག་རྟེན་མི་ཡི་ཡུལ་ལ། །
ཞེན་ཆགས་སྐྱེ་བ་མི་འདུག །

འོ་མས་བརྩམས།

ཆོས་རྗེ་འཇིགས་མེད་ཕུན་ཚོགས་ཀྱིས།
ཆོས་དང་སྲིད་ཀྱི་ཡོན་ཏན་མཐའ་དག་གི །སྙིང་པོ་མཐར་ཐུག་བསམ་པ་བཟང་པོ་ཡིན། །འདི་མེད་ཡོན་ཏན་གཞན་ལ་རེ་ཐག་ཆད། །འདི་ཉིད་ཁོ་ན་ཐུགས་ཀྱི་རྒྱན་དུ་ཆོངས། ཞེས་གསུངས་སོ། །

法王晉美彭措：
世間與出世間的一切功德，其根本就是心地善良。若沒有它，其他功德則無法得到。所以，應把“善良”二字銘記於心。

མཁན་པོ་བསོད་དར་རྒྱས་ཀྱིས།

索達吉藏文化：

སྟོན་པ་འཇིག་རྟེན་ཁམས་སུ་བྱོན་པ་དང་།།大师出现于此世间界
བསྟན་པ་ཉི་འོད་བཞིན་དུ་གསལ་བ་དང་།།教法犹如日光极显明
བསྟན་འཛིན་དཔོན་སློབ་དར་ཞིང་རྒྱས་པ་ཡིས་།།持教阇黎广遍且增盛
བསྟན་པ་ཡུན་རིང་གནས་པའི་བཀྲ་ཤིས་ཤོག་།།圣教永永住世吉祥临 ཨོ་རྒྱན་རིན་པོ་ཆེ་ལ་མཁྱེན་ནོ།