ངས་ཡུན་རིང་ཡུན་རིང་ལ་དུས་ཚོད་ཀྱི་འགྲོ་གྲོན་བཏང་སྟེ། ངའི་ནང་སེམས་ཀྱི་འཇིག་རྟེན་དམར་རྗེན་དུ་བསྟན་ཡང་། ཁྱོད་ད་དུང་ང་ཡིད་ཆེས་མི་ཐུབ་པ་འདི་ནི་ངའི་སྐྱེ་བ་སྔོན་མར་ཁྱོད་ལ་ཆད་པའི་བུ་ལོན་ཡིན་སྲིད། གང་ལྟར། གང་ལྟར་་་་་་་་་་་་
ལེགས་པའི་ལམ་སྟོན་ཐེག་མཆོག་དགེ་བའི་བཤེས།། ཚེ་རབས་ཀུན་ཏུ་འབྲལ་མེད་རྗེས་བཟུང་ནས།། ས་ལམ་སྐུ་གསུམ་གོ་འཕང་མངོན་གྱུར་ཏེ།། འོད་གསལ་མ་བུ་འཕྲོད་པར་བྱིན་གྱིས་རློབས།།
ཡོན་ཏན་མ་ལུས་འབྱུང་བའི་རིན་ཆེན་གཏེར།།རྣམ་དག་བསླབ་གསུམ་ཁུར་གྱིས་རབ་མཛེས་པའི།། ངུར་སྨྲིག་གར་གྱིས་ཅོད་པན་འཆང་བའི་སྡེ།། ཚེ་རབས་གཏན་གྱི་འདུམ་མར་གུས་པས་མཆོད།།
ལེགགས་བཤད་ས་འཛིན་གངས་ཀྱི་རི་བོ་ལ།། ལུང་རིགས་ངར་སྐད་སྒྲོགས་པའི་མཆེ་སྡེར་ཅན།། སྐྱེས་ཆེན་གངས་ཀྱི་སེང་གེ་འགྱིང་བ་ཡིས།། ཝ་སྐྱེས་དགེགས་ཀྱི་ཚོགས་རྣམས་ཐལ་བར་རླག།
ཡོན་ཏན་མ་ལུས་འབྱུང་བའི་རིན་ཆེན་གཏེར།།རྣམ་དག་བསླབ་གསུམ་ཁུར་གྱིས་རབ་མཛེས་པའི།། ངུར་སྨྲིག་གར་གྱིས་ཅོད་པན་འཆང་བའི་སྡེ།། ཚེ་རབས་གཏན་གྱི་འདུམ་མར་གུས་པས་མཆོད།།
ལེགགས་བཤད་ས་འཛིན་གངས་ཀྱི་རི་བོ་ལ།། ལུང་རིགས་ངར་སྐད་སྒྲོགས་པའི་མཆེ་སྡེར་ཅན།། སྐྱེས་ཆེན་གངས་ཀྱི་སེང་གེ་འགྱིང་བ་ཡིས།། ཝ་སྐྱེས་དགེགས་ཀྱི་ཚོགས་རྣམས་ཐལ་བར་རླག།
རྟོག་པ་གཟུགས་སུ་བསྐྱེད་པའི་ངག་གི་སྒྱུ་འཕྲུལ་དེའི་མིང་ལ། ཐ་སྙད་ཀྱི་སྒྲོས་བཏགས་ན་སྙན་ངག་ཅེས་བྱ། ཚིག་རྒྱན་གྱི་གཞུང་ལུགས་རྣམས་སུ། ནང་སེམས་ཀྱི་འགྱུར་བ་ཕྱིའི་ཉམས་སུ་འཕོ་བའི་ངག་རྩལ་ཞེས་འབྱུང་། འོན་ཏེ་ད་ཚོད། ན་མཉམ་རྩོམ་འབྲི་བ་མང་པོ་ཞིག་སྙན་ངག་གི་ཆེད་དུ་སྙན་ངག་འབྲི་བའམ། འགྲན་བསྡུར་གྱི་ཆེད་དུ་སྙན་ངག་འབྲི་མཁན་རྐྱང་རྐྱང་དུ་གྱུར་ཟིན་པས། སྔོན་ཙམ་ལ་ངའང་བསླུ་བྲིད་དེའི་འོག་ཏུ་ཚུད་དེ། སྒྲ་རྒྱན་གྱི་བྱ་དཀའ་སླའི་རྣམ་གཞག་དང་། སྲོལ་རྒྱུན་བསྟོད་རྩོམ་གྱི་ཚིག་བར་རིང་མོའི་འབྲི་ཐབས་སྤྱད་ནས། རྟོགས་བརྗོད་ཀྱི་རིགས་ཁ་ཤས་བྲིས་ཤིང་བྱ་དགའང་རེ་ཟུང་རེག་མོད། ད་ལྟ་ནི། འུད་བསྟོད་བྲག་ཅ་ཁོལ་བའི་རྩོམ་སྟངས་དེའི་རིགས་ལ་ཅུང་ཟད་སུན་ཞིང་། ཇི་ཙམ་གཉུག་གཤིས་ཀྱི་འཕོ་འགྱུར་དང་ཐག་ཉེ་བ་དེ་ཙམ་སྙན་ངག་གི་ཡོན་ཏན་དུ་བཟུང་ནས། སྣང་ཡན་གྱི་མཚོ་ཁ་ན་སྙན་ངག་གི་ངང་མོ་རེ་ཙམ་འགུག་ཐུབ་པ་ལའང་། ནང་སེམས་ཀྱི་འཕར་ལྡིང་སྒྲ་རུ་བསྐྱེད་པའི་གསེར་གྱི་གདུ་བུ་རེ་ནི་ཅིས་ཀྱང་བཏགས་པས། རང་ཉིད་གཅིག་པུ་ལྐུགས་པས་བུ་རམ་ལྡག་པའི་དཔེ་རུ་སོང་ཡང་། ད་ཐེངས། དགེ་རྒན་ཆེན་མོ་ལྡོང་ཡོན་ཏན་རྒྱ་མཚོ་དང་། སྙན་ངག་སྨྲ་བའི་དབང་ཕྱུག་འཇུ་སྐལ་བཟང་སོགས་ཀྱིས་ཀྱང་གཟིགས་བཟོས་དཔེ་མེད་གནང་འདུག་པ་འདིར།
ངག་གི་སྤྱོད་ཡུལ་མ་ཡིན་པའི།།
དགའ་དང་སྤྲོ་བས་བརྟས་གྱུར་ཀྱང་།།
སོར་བཅུའི་འདབ་མ་ཟུམ་པ་ཡི།།
སྙིམ་པའི་ཆུ་སྐྱེས་དྲུང་ན་འདུད།།
ཅེས་འགྲན་བསྡུར་འདིའི་མགོ་མཇུག་བར་གསུམ་གྱི་འབྲེལ་ཡོད་མི་སྣ་ཡོངས་ལ་བཀའ་དྲིན་ལེགས་གསོལ་ཞུས་པ་ལགས།
ངག་གི་སྤྱོད་ཡུལ་མ་ཡིན་པའི།།
དགའ་དང་སྤྲོ་བས་བརྟས་གྱུར་ཀྱང་།།
སོར་བཅུའི་འདབ་མ་ཟུམ་པ་ཡི།།
སྙིམ་པའི་ཆུ་སྐྱེས་དྲུང་ན་འདུད།།
ཅེས་འགྲན་བསྡུར་འདིའི་མགོ་མཇུག་བར་གསུམ་གྱི་འབྲེལ་ཡོད་མི་སྣ་ཡོངས་ལ་བཀའ་དྲིན་ལེགས་གསོལ་ཞུས་པ་ལགས།
✋热门推荐