༄༅། །དཔལ་ལྡན་འབུམ་སྟེང་བཀྲ་ཤིས་ཆོས་འཁོར་ཉིན་བྱེད་གླིང་གི་རྒྱུགས་གཞི་ལས།
              

  ༼སྔགས་ཀྱི་བློ་རྒྱུགས།༽

༈ རྒྱུགས་ཐེངས་དང་པོ། སྨོན་ལམ་རྣམ་བརྒྱད།

སྐྱབས་འགྲོ །དགའ་ལྷ། ཡོན་ཏན་ཀུན་གྱུར། སྒྲོལ་མ་འཁོར་བཅས།(མིང་གཞན་སྒྲོན་དཀར་སྔོན་ཏེ། སྒྲོལ་མ། ལྷ་མོ་ལ་གུས། རྗེ་བཙུན་འཕགས་མ་སྒྲོལ་མ། རྗེ་བཙུན་བཅོམ་ལྡན་འདས་མ། ལེགས་བྲིས། འཁོར་བ་ལས་སྒྲོལ་བཅས་སོ། །)ལྟུང་བཤགས། བཟང་སྤྱོད། བྱམས་སྨོན། སྤྱོད་འཇུག །ཐོག་མཐའ། བདེ་སྨོན། ཇི་སྲིད་ཐུབ་མཆོག །ངན་སོང་སྦྱོང་བའི་གཟུངས་སྡེ་ལྔ།(མི་འཁྲུགས་པའི་གཟུངས། ན་མོ་རཏྣ་ཏྲ་ཡཱ་ཡཱ་་་་་་་་རྣམ་རྒྱལ་མའི་གཟུངས། ཨོཾ་ན་མོ་བྷ་ག་ཝ་ཏེ་སརྦ་ཏྲཻ་ལོ་ཀྱ་་་་་་་སྤྱན་རས་གཟིགས་ཀྱི་གཟུངས། ན་མོ་རཏྣ་ཏྲཱ་ཡཱ་ཡ། ་་་་་་་་ངན་སོང་སྦྱོང་བའི་གཟུངས་སྡེ་ལྔ་ལས་རྩ་རིག་ནི། ཨོཾ་ན་མོ་བྷ་ག་ཝ་ཏེ་སརྦྦ་དུརྒཏི་་་་་་་་ལས་སྒྲིབ་རྣམ་སྦྱོང་གི་གཟུངས་ནི། ན་མོ་རཏྣ་ཏྲཱ་ཡཱ་ཡ།་་་་་་་་་གཙུག་གཏོར་རྣམ་རྒྱལ་གྱི་གཟུངས་བསྡུས་པ་ནི། ཨོཾ་བྷྲཱུཾ་སྭཱ་ཧཱ། ་་་་་་་་གཙུག་གཏོར་དྲི་མེད་ཀྱི་གཟུངས་ནི། ཨོཾ་ན་མསྟྲཻ་ཡ་དྷྭི་ཀཱ་ནཱཾ། ་་་་་་་དོན་ཞགས་པདྨོ་གཙུག་གཏོར་གྱི་གཟུངས་ནི། ཨོཾ་པདྨོཥྞཱི་ཥ་་་་་་་ )བྱམས་པའི་སྐུ་གཟུགས། རྒྱལ་བ་མ་ལུས། སྤྱན་རས་གཟིགས་སྨོན་ལམ་བཅས་སོ། །

༈ རྒྱུགས་ཐེངས་གཉིས་པ། བླ་མཆོད་སོགས།
བླ་མ་མཆོད་པ་ཚོགས་དང་བཅས་པ། སྨན་མཆོག །གནས་བཅུ། ཡིད་བཞིན་ནོར་བུའི་ཞབས་བརྟན། སྤུག་བླ་ཆེ་ཚང་གི་ཞབས་བརྟན། སྤུག་བླ་ཆུང་ཚང་གི་ཞབས་བརྟན། གདུགས་ཤེར་སེང་གསུམ།(རྒྱལ་བ་བྱེ་བ་ནི་གདུགས་དཀར་གྱི་བསྟོད་པ་དང་། བདེ་གཤེགས་གཙུག་གཏོར་ནི་གདུགས་དཀར་གྱི་སྙིང་པོ་དང་།  བཅོམ་ལྡན་གདུགས་དཀར་ནི་གདུགས་དཀར་གྱི་བཟློག་པ་ཡིན། ཤེར་ནི་ཤེས་རབ་སྙིང་པོའི་མདོ། སེང་ནི་སེང་གདོང་ངོ་། །)གཏོར་འབུལ་འཕྲིན་བཅོལ།

༈ རྒྱུགས་ཐེངས་གསུམ་པ། འཇིགས་བྱེད་བདག་བསྐྱེད།

༈ རྒྱུགས་ཐེངས་བཞི་པ། གདུགས་དཀར་མཆོག་གྲུབ། མཚན་བརྗོད།

༈ རྒྱུགས་ཐེངས་ལྔ་པ། བསྐང་གསོ་སྟོད་ཆ།

༈ རྒྱུགས་ཐེངས་དྲུག་པ། བསྐང་གསོ་སྨད་ཆ།

༈ རྒྱུགས་ཐེངས་བདུན་པ། གསང་འདུས་བདག་བསྐྱེད།

༈ རྒྱུགས་ཐེངས་བརྒྱད་པ། བདེན་མཆོག་བདག་བསྐྱེད། 

༈ རྒྱུགས་ཐེངས་དགུ་པ། འཇིགས་བྱེད་བདག་འཇུག །
བུམ་དབང་། རྟེན་འབྲེལ་བསྟོད་པ། མངོན་རྒྱན་མགོ་ནས་སྐབས་དྲུག་པའི་མགོར།

༈ རྒྱུགས་ཐེངས་བཅུ་པ། གསང་འདུས་བུམ་མདུན། ལམ་རིམ་བསྡུས་དོན། འཇུག་པ་མགོ་ནས་སེམས་བསྐྱེད་དྲུག་པའི་མགོར།

༈ རྒྱུགས་ཐེངས་བཅུ་གཅིག་པ། གསང་འདུས་དབང་།

༈ རྒྱུགས་ཐེངས་བཅུ་གཉིས་པ། བདེན་མཆོག་བུམ་མདུན། གསང་བའི་རྣམ་ཐར།

༈ རྒྱུགས་ཐེངས་བཅུ་གསུམ་པ། བདེན་མཆོག་དབང་།

༈ རྒྱུགས་ཐེངས་བཅུ་བཞི་པ། ཁྲུས་དང་བགེགས་བསྐྲད། ཆ་གསུམ་སོགས།

༈ རྒྱུགས་ཐེངས་བཅོ་ལྔ་པ། རབ་གནས། སྦྱིན་སྲེག །

རྫོགས་སོ། །

༢༠༢༤ལོའི་ལོ་འགོར་གུས་བསྟན་འཛིན་དབང་ཕྱུག་གིས་ཟིན་བྲིས་སུ་ཕབ། https://t.cn/R2WxDi7

ལྷགས་རླུང་།

ནོར་བུའི་གཟི་འོད།
སྙིང་གི་ཐིག་ལེ་གསེར་གྱི་བུམ་པའི་སྟེང་། །
སྣ་ཚོགས་ཚོན་གྱིས་ཕྲ་རྒྱན་བཏབ་པའི་མོད། །
སྙན་པའི་ལེགས་བཤད་བྲལ་བའི་ཚིག་གི་གཏམ། །
ཤེས་རབ་བླང་དོར་འབྱེད་པའི་མིག་ཟུང་ལ། །
དམ་པའི་ཤ་ཚུགས་འཕྱོན་མའི་གར་སྟབས་མཐོང་། །

འཇིག་རྟེན་གཡས་བཞག་ནམ་མཁའ་འདིའི་འོག་ཏུ། །
དགོད་འཛུམ་སོ་དཀར་གོས་ཀྱི་ལྭ་གྱོན་ཏེ། །
མུན་པའི་སྨག་ཆེན་སྐྱིད་པའི་ལམ་སྟོན་གྱི། །
གཉེན་དང་བཤེས་ཀྱི་གནས་མལ་དྲོན་པོའི་གཞིར། །
རྒྱུད་དྲུག་པི་ཝང་གདངས་སུ་བཀུག་པ་མཐོང་། །

བདག་བློའི་གཏམ་གྱི་སྒྲོ་གཤོག་བརྐྱངས་པའི་རྗེས། །
མི་ཚེའི་དཀའ་སྡུག་ཕ་གའི་ནགས་ཚལ་དུ། །
གྱེས་གདུང་འཁུར་བའི་ལྗོན་པ་འདི་ཡི་རྩེར། །
འགལ་འདུ་འཇིག་རྟེན་རྒྱ་མཚོ་སྐྱོམ་པའི་རླབས། །
མཚོ་ངོགས་འདི་ནས་ཡང་ཡང་སེམས་ལ་འཕྱོ། །

བརྩེ་ཆེན་ཆུ་འཛིན་འཁྲིགས་པའི་ལྡིང་ཁང་དུ། །
ཁྱོད་སྐུའི་གསང་གསུམ་རི་མོ་བརྒྱ་ཕྲག་ཅན །
ཆེས་ཆེར་གསལ་བའི་བདག་སེམས་མེ་ལོང་ལ། །
ཤར་བའི་མོད་ལ་རྙོག་བྲལ་བདག་བློའི་ངོར། །
མུན་པས་བཀབ་པ་ང་རང་ཡིན་ནི་བྱོས། །

ཞལ་གདམས་ཀ་ཁ་སུམ་ཅུ་མ་བཞུགས་སོ།།

རིག་འཛིན་འཇིགས་མེད་གླིང་པས་མཛད།

སྤྱིར་བོད་འབངས་ཡོངས་ལ་བཀའ་དྲིན་ཆེ། །
སྒོས་སྤྲང་རྒན་བདག་གི་སྐྱབས་གནས་མཆོག །
རྗེ་སངས་རྒྱས་ཀུན་དངོས་ཨོ་རྒྱན་རྗེར། །
སྙིང་རུས་པའི་གཏིང་ནས་གསོལ་བ་འདེབས། །

བུ་ཀ་དག་སྤྲོས་བྲལ་ཕྱོགས་ཡན་ལ། །
ཁ་དོག་བཟོ་དབྱིབས་མཚོན་པ་མེད། །
ག་བུར་དབྱིངས་སུ་ཡལ་བ་ལྟར། །
ང་བདག་རྩ་གདར་ཆོད་ལ་ཞོག །

བུ་ཅ་ཅོའི་ཚིག་ལ་མ་ཞེན་པར། །
ཆ་མེད་པ་ས་མཐའི་ནགས་ཁྲོད་དེར། །
ཇ་ཆང་འདོད་ཡོན་མ་བསམས་པར། །
ཉ་ལྟར་རིག་པ་གཅེར་བུར་ཞོག །

བུ་ཏ་ན་གྷ་ནའི་སྤྱོད་པ་འདི། །
ཐ་མལ་གྱི་ལམ་དུ་མི་ལྷངས་པས། །
དྭ་ཕྲུག་ས་མཐར་འཁྱར་བ་ལྟར། །
ན་དགའ་ཤི་སྐྱིད་ངང་དུ་ཞོག །

བུ་པ་སངས་ལྟ་བུའི་ལྷག་བསམ་གྱིས། །
ཕ་རོལ་ཀུན་ལ་དག་སྣང་སྦྱང་། །
བ་མོ་ཉི་མས་བཞུ་བ་བཞིན། །
མ་རིག་ཡུལ་ནས་ཐོན་ལ་ཞོག །

བུ་ཙ་རི་ཏྲ་སོགས་གནས་སྐོར་ལ། །
ཚ་གྲངས་དཀའ་སྤྱད་མི་དགོས་ཀྱི། །
ཛ་ཧུའི་རྒྱུན་ལྟར་ཏིང་ངེ་འཛིན། །
ཝ་ལྟར་རི་སུལ་འགྲིལ་ལ་སྒོམས། །

བུ་ཞྭ་གོས་འོད་ཟེར་དོན་གཉེར་དང་། །
ཟ་མའི་ཆེད་དུ་མ་རྒྱུག་པར། །
འ་ཅག་སྐྱེ་འཆིའི་དགྲ་བོ་ལ། །
ཡ་ང་མེད་པའི་སྒོམ་སྒྲུབ་རེམ། །

བུ་ར་གན་ལྟ་བུའི་བློ་རེངས་ཀྱི། །
ལ་ཀླུང་ཁྱི་བཞིན་ཉུལ་བ་དེ། །
ཤ་ཟ་འབྱུང་པོའི་གདོན་དང་འདྲ། །
ས་སྡེ་གཅིག་ཏུ་བསྒྲུབ་ཚུགས་བཟུང་། །

བུ་ཧ་ལ་ལྟ་བུའི་རྣམ་རྟོག་འདིས། །
ཨ་དོན་སྐྱེ་མེད་དོན་ལ་སྒྲིབ། །
རྨ་བྱ་ལྟ་བུའི་བརྟུལ་ཞུགས་ཀྱིས། །
དུག་ལྔ་ལམ་ཁྱེར་བཙན་ཐབས་སྦྱངས། །

དེ་སྐད་གེགས་སེལ་ཉམས་ཀྱི་གླུ། །
བློ་འདས་ཀུན་ཏུ་བཟང་པོ་ཡི། །
བུ་གཅིག་མཁྱེན་བརྩེའི་འོད་ཟེར་ལ། །
འོག་མིན་རྡོ་རྗེའི་བྲག་ཕུག་ཏུ། །

མར་ངོའི་ཚེས་བཅུའི་ཐོ་རེངས་ཁ། །
གསལ་རིག་རྗེན་པའི་ངང་ལ་རྩལ། །
ཉི་ཤར་ཡི་གེའི་ལམ་དུ་བཞག །
སེམས་ཅན་ཀུན་ལ་ཕན་ཐོགས་ཤོག །#gebaxiT[超话]#