གསར་པའི་ཚེ་ན་འགྲོགས་བདེ་ཞིང་། །  ཡུན་དུ་བསྟེན་ན་རྒྱུ་མེད་པར། །  སྐྱོ་བ་སྐྱེད་པའི་གྲོགས་པོ་ནི། །  གཞུང་ངན་མི་བརྟན་པ་ཞེས་བྱ།།  དང་པོར་འདྲིས་པར་དཀའ་བ་ལ། །  ལེགས་པར་འགྲོགས་ན་སླར་ཡང་ནི། །  མི་ཕྱེད་མཛའ་བ་བརྟན་པ་དེ། །  གྲོགས་པོ་བློ་བརྟན་པ་ཞེས་བརྗོད། །

࿑འདི་ལྟར་བགྱིས་པའི་རྣམ་དཀར་དགེ་བའི་མཐུས།།
བདག་ལ་དྲིན་གྱིས་བསྐྱངས་པའི་ཕ་མ་དང་།།
སེམས་བསྐྱེད་ཞུས་པའི་བླ་མ་སློབ་དཔོན་དང་།།
དམ་ཚིག་གཅིག་པའི་རྡོ་རྗེ་སྤུན་གྲོགས་དང་།།
རྒྱུ་ཟས་འབྲེལ་བ་ཡོད་པའི་མི་རྣམས་དང་།།
བཞོན་ཁལ་སྲོག་གཅོད་འོ་ཞོ་འཐུང་བ་དང་།།
ཤ་ཁྲག་ཟོས་པའི་དུད་འགྲོ་མ་ལུས་པ།།
མྱུར་ཏུ་སངས་རྒྱས་གོ་འཕང་ཐོབ་པར་ཤོག།

བཀླགས་གྲུབ།#局外人#
མོ་ཨར་སོ་ཡི་ཕལ་བའི་མི་ཡི་འཚོ་བ་ནས་རིམ་པར་བརྒྱུད་དེ་དང་པོ།(༡) མོ་ཨར་སོ་ཡི་མ་ཡུམ་སྐུ་གཤེགས་ཤིང་དུར་མཆོད་ཉིན་ལ་མིག་ཆུ་མ་བཏོན་པར་མ་ཟད། དུ་བ་འཐེན་ཅིང་འོ་ཇ་འཐུང་བས་མི་མང་གི་མིག་ལམ་དུ་དྲིན་གཟོ་དང་བརྩེ་བ་བྲལ་བའི་མི་ཞིག་གྱུར་འགོ་ཚུགས།(༢) དུར་འཇུག་གི་ཕྱི་ཉིན་ལ་མ་ལིས་དང་མཉམ་དུ་གློག་བརྙན་ཁང་དུ་གློག་བརྙན་ལ་ལྟ་རུ་སོང་ཞིང་དགོང་མོ་མ་ལིས་དང་ལས་འབྲེལ་བྱུང་བས་མི་མང་གི་ལམ་དུ་འདས་པོར་སྐྱོ་གདུང་གིས་སེམས་ངལ་མི་འཆང་བའི་བུ་སྡུག་གི་སྣང་བརྙན་བཞེངས།(༣)དང་(༤)མོ་ཨར་སོ་དང་ཁྱིམ་མཚེས་རྒན་པོ་ཧྲ་ལ་མ་ནུང་། གྲོགས་པོ་ལེ་མོང་བཅས་ཀྱི་འབྲེལ་བ་ཡིས་མོ་ཨར་སོ་ཡིས་མཇུག་མཐར་ཨ་ལ་པོ་ཡི་མི་དེ་གསོད་པར་སྣ་ཁྲིད་པའི་ཚན་པ།(༥)ཁྱིམ་མཚེས་རྒན་པོ་ཧྲ་ལ་མ་ནུང་གིས་ཁྱི་རྒན་བོར་ཞིང་སེམས་ཁྲལ་ཡོད་ཚད་མོ་ཨར་སོ་ལ་བཤད་ཅིང་མོ་ཨར་སོ་ཡིས་སེམས་གསོ་དང་ཁྱི་རྒན་འཚོལ་ཐབས་བསླབས (༦)མོ་ཨར་སོ་དང་ལེ་མོང་གི་གྲོགས་པོ་མ་སུང་གཉིས་ངོ་ཤེས་སུ་གྱུར་ཅིང་མོ་ཨར་སོ་ཡིས་མི་བསད་ཏེ་ཁྲིམས་ལ་ལྷུང་། གཉིས་པ། མ་གཞི་མི་མང་གི་རྒྱུན་གོམས་སུ་སོང་བའི་ལུགས་སྲོལ་དེའི་འཇལ་ཁྲི་དང་རྒྱ་མའི་ཐིག་ཚད་ཀྱི་“མཐའ་མི”ལ་གྱུར་བའི་མོ་ཨར་སོ་སྔོན་མར་འདྲ་མིན་གྱི་ལྟ་སྟངས་ཀྱིས་འཚོ་བའི་ཟུར་ཁ་རེ་རེ་ན་སྐད་ཆ་འདྲ་མིན་དང་རྣམ་འགྱུར་འདྲ་མིན་ཡོད་ཀྱང་། སེམས་ཀྱི་རང་དབང་ཐོབ་པའི་ཁོ་རང་རང་དབང་གིས་འཚོས་ཡོད། ཐེངས་འདིར་མོ་ཨར་སོ་ལུས་ཀྱི་འགྲོ་འོང་ལ་བཀག་འགོག་ཐེབས་པའི་བཙོན་རར་ལྷུང་དུས་ཁོས་ཇི་ལྟར་རང་དབང་གི་མི་བཞིན་འཚོ་བར་བསམས་ཀྱང་ད་ལྟ་ཡོད་ཚད་ལ་རང་དབང་བྲལ་བ་ཚོར།
ཁྲིམས་འཛིན་པས་འདྲི་གཅོད་དང་ཁྲིམས་ཁང་གིས་དཔང་མིའི་ཚིག་ལ་ཉན་པ་སོགས་ཀྱི་ལས་རིམ་ཡོད་ཚད་ནི་ཞིབ་དཔྱོད་དཔོན་གྱིས་མོ་ཨར་སོ་ལ་སྲོག་ཁྲིམས་གཅོད་རྒྱུའི་བརྒྱུད་ལམ་ཙམ་དུ་སོང་འདུག་སྟེ། ཞིབ་དཔྱོད་དཔོན་དང་ཁྲིམས་འཛིན་ལས་ཁུངས། ཁྲིམས་ཁང་སོགས་ཀྱིས་ཁོའི་ཉེས་པ་ལ་རྩད་གཅོད་བྱེད་སྐབས་སྔ་གཞུག་ཀུན་ཏུ་ཁོ་རང“མཐའ་མི”ཞིག་ཏུ་བཞག་ནས། ཁོ་ཚོས་ཁོ་ནི་རང་གི་མ་ཡུམ་ཚེ་ལས་འདས་རྗེས་མིག་ཆུ་རྡོག་གཅིག་ཀྱང་གཏོང་རྒྱུ་མེད་པའི་སེམས་མེད་གཏུམ་སྤྱོད་ཅན་ཞིག་རེད་ཅེས་ཏེ། ཁོས་མི་བསད་པས་སྲོག་ཁྲིམས་གཅོད་དགོས་སོ་ཞེས་པའི་ཐག་བཅད། དེ་ཡང་བརྩམས་སྒྲུང་དུ“ངས་ཅི་ཞིག་ལ་ཉེས་པ་ཟེར་བ་ཡིན་མི་མོད། ཁྲིམས་ཁང་གིས་ང་ལ། ཁྱོད་ནི་ཉེས་ཅན་ཏེ། ཁྱོད་ཀྱིས་ཉེས་ཆད་ཁུར་དགོས་ཟེར།”ཞེས་པ་བཞིན་མོ་ཨར་སོ་ནི་མི་མང་གི་“མཐའ་མི”དེའོ།།
བརྩམས་སྒྲུང་གི་མཇུག་གི་མོ་ཨར་སོ་དང་ཆོས་པ་གཉིས་ཀྱི་ཁ་བརྡ་ནི་མི་ཚེ་ཡི་ལེགས་བཤད་ཅིག་ཏུ་འདུག་སྟེ། དེ་ལས་ཚན་པ་ཞིག་དྲངས་ན་མོ་ཨར་སོ་ཡིས“ང་ལ་ཅི་ཡང་མེད་པ་འདྲ་མོད། ངས་ང་དང་ངའི་ཡོད་ཚད་ལ་བདག་བྱེད་ཐུབ།”ཅེས་པ་ལྟ་བུ། https://t.cn/RoZ0SSS