སྐུ་ཚེ་དཔེ་ཆ་དང་མཉམ་ཞིང་མཛད་པ་འཆད་རྩོམ་ལ་རྒྱུ་བའི་སྨན་རིའི་དཔོན་སློབ་༧ཡོངས་འཛིན་བསྟན་འཛིན་རྣམ་དག་མཆོག་དགུང་གྲངས་༩༩བཞེས་པའི་སྐུ་པར་གསར་ཤོས།[太阳]

«ལམ»ནི་དགེ་རྒན་དཀྱུས་མ་ཞིག་གི་ཉིན་ཐོ་རྣམས་ཕྱོགས་བསྒྲིགས་བྱས་པའི་དེབ་ཡག་ཅིག་སྟེ། དེབ་འདིར་བསྡོམས་པས་ཉིན་ཐོ༡༡༥བསྡུས་ཡོད་ལ། ཉིན་ཐོ་དེ་དག་གིས་ཟུར་དང་ངོས་མི་འདྲ་བ་ནས་སློབ་གསོའི་གནད་དོན་རྣམས་ཚིག་ཉུང་དོན་འདུས་ཀྱིས་བསྟན་ཡོད་པས། སློབ་གསོའི་ལས་ཀ་གཉེར་བའི་དགེ་རྒན་ཞིག་ཡིན་ན་ཅི་ནས་ཀྱང་བཀླག་པར་འོས།

སློབ་ཁྲིད་ཀྱི་བར་གསེང་ལས་རྙེད་པའི་གནད་དོན་དག་ལ། རྩོམ་པ་པོས་དཔྱོད་ཤེས་ཀྱི་ལམ་ནས་དབྱེ་ཞིབ་བྱས་ཏེ་རང་གི་ལྟ་བ་བརྗོད་ཡོད་པ་ནི། དཔེར་ན། <རང་ལ་རང་གི་ཁྱད་ཆོས་ཡོད་དགོས>དང་། <དགེ་རྒན་ནི་དགེ་བའི་མིག་ལྟོས་ཡིན།><སྐར་གྲངས་ཀྱིས་ཡོད་ཚད་བཙིར་གྱིན་ཡོད།><སྐར་མའི་ཆེད་དུ་མཐའ་དག་བརླག་འགྲོ།><ཡིག་རྒྱུགས་མང་པོ་གཏོང་བ་ལ་དགེ་མཚན་མ་མཐོང་།><སློབ་གྲྭ་ལ་སློབ་གྲྭའི་ནུས་པ་ཡོད་དགོས།> <དགེ་རྒན་ལ་སློབ་མའི་བསམ་འཆར་མཁོ།><སྐད་ཡིག་ལ་དགའ་ཞེན་ཡོད་པ་དེ་གྲུབ་འབྲས་ཆེན་པོ་ཡིན།> <སྐད་ཡིག་ཅིག་སྐད་ཡིག་གཞན་ནས་ཁྲིད་དགོས་ན་དགོས་དོན་ཤོར་བ་རེད།><སྡོད་མི་ཚུགས་པ་ནི་བྱིས་པའི་རང་གཤིས་རེད།><ཀུན་སྤྱོད་སློབ་གསོ་ནི་ཡོད་ཚད་ཀྱི་སྙིང་པོ་ཡིན>ཞེས་པ་རྣམས་ནི། དེང་གི་སློབ་གསོའི་ཁྲོད་མངོན་པའི་གནད་དོན་ཚ་ཤོས་རྣམས་སུན་འབྱིན་བྱས་ཡོད་སྟབས། དེར་བསམ་གཞིག་གི་རིན་ཐང་ཆེས་ཆེར་ལྡན།

མདོར་ན། གཞན་སྐྱོན་མཐོང་ན་རང་སྐྱོན་ཤེས། ཞེས་པ་ལྟར། རང་ལའང་དེ་འདྲའི་སྐྱོན་ཆ་ཡོད་ཚེ་དུས་ཐོག་ཏུ་དག་བཅོས་བྱ་དགོས་པའང་དེབ་འདིའི་དགོངས་སྙིང་དུ་འདོད།[玫瑰]

མི་ཁ་ཤས།

དཔོན་པོ་དང་སྙན་གྲགས་ཅན་གྱི་མི་སྣ་དང་དཔའ་བོ་དང་རྒྱུ་ཆེན་སོགས་ཀྱི་མདུན་ནས་ཉྭ་ཞུམ་ཞུམ་ངང་གཅམ་བུའི་ཚིག་སྨྲ་བ་ནི། བྲན་གཡོག་རིག་གནས་ཀྱིས་ཟིན་པའི་རྟགས་མངོན་གསལ་ཞིག་ཡིན་ལ་ཁྱི་དང་ཁྱད་པར་ཆེར་མ་མཐོང་ངོ་།།