ཕྱི་ལྟར་རྣལ་འབྱོར་སྦས་པའི་བརྟུལ་ཞུགས་འཛིན། །
ནང་དུ་རིམ་གཉིས་ལམ་ལ་རང་དབང་འབྱོར། །
གསང་བ་སྐུ་གསུམ་རྒྱལ་བའི་རང་ས་ཟིན། །
སྐྱབས་གཅིག་བླ་མས་བྱིན་རླབས་ཕ་ཕོག་སྩོལ། །

སྐྱེ་བ་ཀུན་ཏུ་བླ་མ་ཆོས་ཀྱི་རྗེའི། །
སྐུ་གསུང་ཐུགས་ཀྱི་བྱིན་རླབས་ཡིད་ལ་ཞུགས། །
འཁོར་གྱི་ཐོག་མ་སྲས་ཀྱི་ཐུ་བོ་དང་། །
འཕྲིན་ལས་བྱེད་པོ་ཉིད་དུ་འགྱུར་བར་ཤོག །

མཁན་ཆེན་ཚུལ་ཁྲིམས་བློ་གྲོས་ཀྱིས།

#慈诚罗珠堪布[超话]#

༄༅།། ལ་དྭགས་གླེ་ཆེན་དཔལ་མཁར་ཕོ་བྲང་། མྱུར་སྐྱོབ་བྱེད་འོས་པའི་ཧི་མ་ལའི་གནའ་བོའི་དཔེ་མཚོན་བཟོ་སྐྲུན།
གནད་བསྡུས།
བརྗིད་ཉམས་ལྡན་པའི་ལ་དྭགས་གླེ་ཆེན་དཔལ་མཁར་ཕོ་བྲང་ནི། དུས་རབས་བཅུ་བདུན་པའི་དུས་སྟོད་དུ་རྒྱལ་པོ་སེངྒེ་རྣམ་རྒྱལ་གྱིས་གཙུག་ཏོར་ལྷ་ལྕང་གི་བྲག་ལྡེབས་སུ་བཞེངས་ཤིང་། ཕྱི་ལོ་ 1834 ལོར་ལ་དྭགས་རྒྱལ་པོའི་རྒྱལ་སྲིད་གཞན་དབང་དུ་ཤོར་བས། སྐུ་མཁར་འདི་ལ་བདག་རྐྱེན་མེད་པར་མཁར་ཤུལ་དུ་ལུས། འདིར་ཕོ་བྲང་དེའི་དེ་སྔའི་བཟོ་བཀོད་ཀྱི་ཁྱད་ཆོས་དང་སྤྱོད་སྒོའི་རིན་ཐང་སོགས་ལ་རྟོག་ཞིབ་བགྱིས་ཏེ། གང་དེའི་དམིགས་བསལ་གྱི་ས་ཁམས་ཆགས་ཚུལ་དང་། ལོ་རྒྱུས་དོན་རྐྱེན་སོགས་ལས་ཕོ་བྲང་དེའི་གལ་ཆེན་རང་བཞིན་བརྗོད་ཡོད་པ་དང་། སྤྱི་ཚོགས་དེང་རབས་ཅན་གྱི་འཕེལ་འགྲོས་དང་བསྟུན་ནས་ལ་དྭགས་ཡུལ་དུ་ཡུལ་སྐོར་ལས་རིགས་ཤུགས་ཆེར་དར་ལ། དཔེ་མཚོན་ཅན་གྱི་གནའ་བོའི་བཟོ་སྐྲུན་མང་པོ་རང་ཤུགས་སུ་ཉམས་རྒུད་དུ་ཕྱིན་ཅིང་། ཕོ་བྲང་དེ་ཡང་ཉམས་ཉེས་ཀྱི་གནས་སུ་ལྷུང་བས་དེ་ལ་ཉམས་གསོ་དང་བསྐྱར་བཞེངས་དགོས་པའི་འབོད་སྐུལ་བཏང་ཡོད།