࿑ མདོ་སྡེ་པདྨ་དཀར་པོ་ལས། བདེ་གཤེགས་སྐུ་ནི་རྩིག་ངོས་བྲིས་པ་ལ། །དང་བའི་སེམས་ཀྱིས་ཐལ་མོ་སྦྱར་བ་འམ། །མེ་ཏོག་གཅིག་ཙམ་གྱིས་ནི་མཆོད་པ་དང་། །འཁྲུགས་བཞིན་པ་ཡི་སེམས་ཀྱིས་བལྟ་ན་ཡང་། །དེ་དག་རིམ་གྱིས་སངས་རྒྱས་བྱེད་པར་མཐོང་། །བྱིས་པ་རྩེད་མོ་དགའ་དང་དེ་བཞིན་དུ། །བྱེ་མ་ལ་ནི་མཆོད་རྟེན་བྱེད་པ་དང་། །རྩིག་ངོས་ཤིང་བུ་སེན་མོས་གཟུགས་བྲིས་པ། །དེ་དག་རྣམས་ཀྱང་བྱང་ཆུབ་མཆོག་འདི་ཐོབ། །ཅེས་གསུངས།

࿑ ད་ལོ་རྒྱུགས་སྤྲོད་མང་དུ་ཞུགས་པ་ཡིན། འོས་འཚམ་གྱི་སློབ་སྦྱོང་མེད་པའི་མི་ཞིག་ལ་མཚོན་ནས་བཤད་ན་དེ་དག་ཚང་མ་ལན་རེར་དཀའ་ཁག་དང་སེམས་ཁུར་ཞིག་རེད། ཡིན་ན་ཡང་ཚོད་ལྟ་རང་བཞིན་ཅན་གྱི་བསམ་བློ་དེའི་ཆེད་དུ་མུ་རུ་སོང་བ་ཡིན། ད་ལྟ་རེ་བ་གཅིག་ཡོད་པ་ནི།

རྗེས་མ་སློབ་སྦྱོང་ལ་གོམས་གཤིས་དང་ནན་ཏན་དགའ་ཕྱོགས་བྱེད་པའི་ཕྱོགས་ལ་བརྩོན་ཐུབ་སོང་ན་འདོད། དངོས་གནས། ཇ་མངར་མོ་ཞིག་གི་མངར་བཅུད་དང་མཉམ་དུ་བྱ་ཉུང་དོན་ཉུང་གི་འཚོ་བའི་ཁྲོད་ནས་དཔེ་ཆ་ཞིག་དང་མཉམ་དུ་འཚོ་བ་སྤྱད་ཨེ་ཐུབ་ནི་འདོད།

དེ་ལྟ་ལས་རེ་ཞིག་སྙན་གྲགས་འབའ་ཞིག་དང་གདེང་འཇོག་མང་པོ་ཞིག་གི་ཆེད་དུ་མགོ་འཇོག་པའི་སེམས་ཁམས་ཡང་དཀའ་ཚེགས་ཅན་དང་སློབ་གཉེར་བ་ཞིག་ངོ་བོ་ཡང་མ་ཡིན་པས་བྲལ་ཨེ་ཐུབ་བམ་སྙམ། ཞེས་ཐེ་ཚོམ་དང་བསྒྲགས་སང་ཉིན་གྱི་རྒྱུགས་ལ་ཞུགས་པའི་སློབ་གཉེར་བ་ཡོངས་ཀྱི་བསམ་དོན་འགྲུབ་པ་དང་དགོས་ཁུལ་རང་འཛིན་གྲྭར་དམིགས་བསལ་གྱི་དེ་བཞིན་སྨོན་འདུན་དང་བཅས་ཕུལ།

ཕྲན་མིང་སེངྒེ་ཆུང་བ་རུ་འབོད་པ་དེས།

࿑ དམ་ཆོས་སྙིང་པོ་བསམ་པ་བཟང་པོ་འདི་ཡིན་ལ། །
མི་ཆོས་རྩ་བ་གཞན་ཕན་སྤྱོད་པ་ལ་རག་ལས། །
ཁྲེལ་མེད་གཡོ་རྒྱུའི་ངན་སྤྱོད་དུག་བཞིན་དུ་སྤོངས་ལ། །
ཡ་རབས་དམ་པའི་སྲོལ་བཟང་སྐྱོང་བ་དེ་སྙིང་གཏམ། །

_____________/ ཆོས་རྗེ་ཡིད་བཞིན་ནོར་བུས།