དུས་ཆེན་ལ་དཔེ་དེབ་ཟུར་གཅོག་གི་འཕྲིན་བཟང་།
ཆོས་རྗེ་ས་སྐྱ་པཎྜི་ཏ་རྣམ་ཐར་ཕྱོགས་བསྒྲིགས།
བྱ་འགུལ་དུས་ཡུན་ཉིན་བཅོ་ལྔ།
ཕྱི་ལོ་ཟླ་ཚེས། 2023.12.13—2023.12.27
བོད་ཟླ། 11.1—11.15
རྣམ་ཐར་ཕྱོགས་བསྒྲིགས་ཀྱི་སྤྱིའི་དཀར་ཆག །
རྣམ་ཐར། རྟོགས་བརྗོད། བསྟོད་ཚོགས། ཆོས་ཚན། བརྒྱ་དང་བཅོ་ལྔ།
ཤོག་ངོས་སྟོང་དང་བཞི་བརྒྱ་ལྷག་ཡོད། དེབ་གྲངས། སྟོད་སྨད་གཉིས།
སྡེབ་ཚོང་སིལ་ཚོང་གཉིས་ཀ་ཡོད།

༡ མ་རྒྱུད་དགྱེས་པ་རྡོ་རྗེ་ནི། མར་སྟོན་ཆོས་ཀྱི་རྒྱལ་པོས་སྤྱིར་གྱི་ནཱ་རོ་དང་མེ་ཏྲི་གཉིས་ཆར་གྱི་མདུན་ནས་ཞུས་ཤིང་། ལྷག་པར་པཎ་ཆེན་ནཱ་རོའི་མདུན་ནས་དགྱེས་རྡོར་གྱི་དབང་ཐེངས་བདུན་དང་། རྩ་རྒྱུད་བརྟག་གཉིས་དང་བཤད་རྒྱུད་རྡོ་རྗེ་གུར་སོགས་ཀྱི་དབང་བསྐུར་རྒྱུད་བཤད་མན་ངག་ལག་ལེན་དང་བཅས་པ་བུམ་པ་གང་བྱོའི་ཚུལ་དུ་གསན་ནས་ཚུལ་བཞིན་ཉམས་སུ་བླངས་པས་དགྱེས་མཛད་ཧེ་རུ་ཀའི་གོ་འཕང་མཆོག་ལ་རེག་པར་གྱུར་ཏོ། །འདི་ལ་དགྱེས་རྡོར་ཡབ་བཀའ་དང་རྩ་རྒྱུད་བརྟག་གཉིས་ལས་གསུངས་པའི་བདག་མེད་ལྷ་མོ་བཅོ་ལྔ་དང་། བཤད་རྒྱུད་རྡོ་རྗེ་གུར་ལས་གསུངས་པའི་དགྱེས་རྡོར་རིགས་བསྡུས་སོགས་དབྱེ་བ་མང་ཡང་དོན་ལ་ཚང་མ་དགྱེས་རྡོར་རང་གི་ཁོངས་སུ་འདུ་བ་ལགས་སོ། །

མི༵་ཤིགས་སྙིང་གི་རྒྱན་དུ་རྟག་བརྟན་བཞུགས་པའི།།
མི༵་མིན་ལྷ་ལས་ལྷག་པའི་འདྲེན་མཆོག་བླ་མར། །
མི༵་འགྱུར་དད་དམ་གཙང་མས་གདུང་འབོད་བྱེད་ན། །
མི༵་བསླུ་བརྩེ་བའི་ཐུགས་རྗེས་རྗེས་བཟུང་མཛོད་ཅིག །

དལ་འབྱོར་སྣང་མེད་ཤོར་བའི་མདོ་མེད་འཁྱམས་པོ། །
བསམ་ངན་རང་འདོད་ཆེ་བའི་ཁྲེལ་མེད་བན་ཧྲུལ། །
དགེ་བཤོལ་སྡིག་ལ་འདུན་པའི་རྒྱལ་འདྲེ་འགོང་པོ། །
བདག་འདྲའི་ལས་ངན་ལོག་པའི་ལམ་ལས་སྐྱོབ་མཛོད། །

མ་ཎི་ཕྲེང་འཁོར་ཙམ་ཡང་བགྲང་བར་མ་མོས། །
གཉིད་དང་བཟའ་བཏུང་ཙམ་ལས་གང་ཡང་མི་ཤེས། །
སྟོན་པའི་རྗེས་འབྲང་རློམ་པའི་བདག་འདྲའི་སེར་གཟུགས།།
ཆོས་བརྒྱད་གདོན་གྱི་ནད་ལས་མྱུར་བར་སྐྱོབ་མཛོད།།

མ་དད་དད་པའི་ཁ་ཡིས་གཡོ་ཁྲམ་མ་འཁྲབ། །
དད་ཀྱང་རང་དོན་ཞིག་གིས་དགོས་མཁོ་མ་བསྐངས།།
ཟོལ་མེད་མོས་གུས་མཆི་མས་ཁྱེད་ཉིད་འབོད་ན།།
བརྩེ་ཆེན་ཐུགས་རྗེའི་ལྕགས་ཀྱུས་རྗེས་སུ་ལོས་བཟུང་། །
ཞེས་ཡིད་ཆེས་ཀྱི་དད་པས་སྙིང་ནས་གསོལ་བ་འདེབས་པའོ།། བླ་མ་མཁྱེན།