ད་ལྟ་ལོ་སྔོན་མ་བཞིན། རྒྱུགས་སྤྲོད་ཆེད་དུ་མགོ་ཡི་སྤུ་ཟིང་།
ལུས་ཀྱི་ཤ་སྐམ་པ་དེ་འདྲ་བྱུང་མ་སོང་ལ་གཞུང་གི་མགོ་རྔ་གང་ནས་དྲིས་ཀྱང་དེབ་ངོ་ཚུན་ཆད་འཆར་ཐུབ་པའི་སྔོན་ཆད་ཀྱི་ངེས་ཆ་དེ་འདྲའང་བྱུང་མེད།

མ་ཟད་སྔོན་ཆད་ནམ་བཞིན་གྱི་བྲེལ་བ་ཡང་མི་འདུག ལྷོད་ལྷོད་འདྲ་བྱེད་ཀི་འདུག ངས་ད་ལོ་རྒྱུགས་འདི་ཅི་འདྲ་ཞིག་སྤྲོད་རྩིས་ཡིན་པ་ང་རང་གིས་ཀྱང་ཧ་གོ་མེད། དྲིས་ལན་ཚང་མ་སྤྲོས་བྲལ་གྱིས་འདེབས་འདོད་པ་མིན་ནམ་སྙམ་པ་ཡང་བྱུང་། [嘻嘻]

དམིགས་མེད་བརྩེ་བའི་གཏེར་ཆེན་སྤྱན་རས་གཟིགས། །
དྲི་མེད་མཁྱེན་པའི་དབང་བོ་འཇམ་པའི་དབྱངས། །
བདུད་དཔུང་མ་ལུས་འཇོམས་མཛད་གསང་བའི་བདག །
གངས་ཅན་མཁས་པའི་གཙུག་རྒྱན་ཙོང་ཁ་པ། །
བློ་བཟང་གྲགས་པའི་ཞབས་ལ་གསོལ་བ་འདེབས།།

བོད་ཀྱི་དགེ་ལུགས་པའི་གྲུབ་མཐའི་སྲོལ་བཏོད་པ་པོ་རྗེ་ཙོང་ཁ་པ་ཆེན་པོ་ནི། རབ་བྱུང་དྲུག་པའི་གསེར་འཕྱང་ཞེས་པ་མེ་བྱ་སྤྱི་ལོ་1357ལོར་ཡབ་ཀླུ་འབུམ་དགེ་དང་ཡུམ་ཤིང་མོ་བཟའ་ཨ་ཆོས་གཉིས་ཀྱི་སྲས་སུ་མདོ་སྨད་ཙོང་ཁའི་ཡུལ་དུ་སྐུ་འཁྲུངས། དགུང་ལོ་གསུམ་ལ་ཤ་བ་རི་རྫོང་དུ་ཀརྨ་པ་རོལ་པའི་རྡོ་རྗེ་ལས་དགེ་བསྙེན་གྱི་སྡོམ་པ་བཞེས་ཏེ་མཚན་ཀུན་དགའ་སྙིང་བོར་གསོལ། དགུང་ལོ་བདུན་པ་ཆུ་ཡོས་སྤྱི་ལོ་1363ལོར་བྱ་ཁྱུང་དུ་ཆོས་རྗེ་དོན་གྲུབ་རིན་ཆེན་གྱི་དྲུང་དུ་རབ་ཏུ་བྱུང་སྟེ་མཚན་བློ་བཟང་གྲགས་པ་ཞེས་གསོལ། དགུང་ལོ་བཅུ་དྲུག་ཐོག་ཆོས་རྗེ་དོན་གྲུབ་རིན་ཆེན་གྱིས་བསྐུལ་ཅིང་བདག་ཉིད་ཀྱང་སྤྲོ་ཤུགས་དྲག་པོ་བཟློག་ཏུ་མེད་པ་བསྐྱེད་ནས་དབུས་སུ་ཕེབས་པར་བརྩམས། དགུང་ལོ་བཅུ་བདུན་པ་ཆུ་གླང་སྤྱི་ལོ་1373ལོར་དབུས་གཙང་དག་པའི་ལྗོངས་སུ་བྱོན། དེ་ནས་རིམ་པས་འབྲི་གུང་དཔལ་གྱི་ནགས་ཁྲོད། གསང་ཕུ་བདེ་བ་ཅན། མྱང་སྟོད། ཞྭ་ལུ། སྣར་ཐང་། ས་སྐྱ། བོ་དོང་ཕྱོགས་སུ་སློབ་གཉེར་གྱི་དོན་དུ་བྱོན། དགུང་ལོ་ཉེར་བཞི་བ་ལྕགས་བྱི་སྤྱི་ལོ་1281ལོར་ཡར་ཀླུང་ཚོགས་ཆེན་མཁན་པོ་ཚུལ་ཁྲིམས་རིན་ཆེན་གྱིས་མཁན་པོ་དང་། ཤེས་རབ་མགོན་པོས་ལས་ཀྱི་སློབ་དཔོན། བསོད་ནམས་རྡོ་རྗེས་གསང་སྟེ་སྟོན་པ་མཛད་དེ། དགེ་འདུན་གྲངས་དང་ལྡན་པའི་དབུས་དགེ་སློང་གི་སྡོམ་པ་མནོས། སྔ་ཕྱིར་ལོ་ཙཱ་བ་མཁན་ཆེན་རིན་ཆེན་རྣམ་རྒྱལ། ས་བཟང་པཎ་ཆེན་མ་ཏི་བ། དབུ་མ་བ་བརྩོན་འགྲུས་སེང་གེ ལྷོ་བྲག་གྲུབ་ཆེན་ནམ་མཁའ་རྒྱལ་མཚན། རྗེ་རིད་མདའ་བ་གཞོན་ནུ་བློ་གྲོས། བུ་སྟོན་ཐུགས་སྲས་ཆོས་ཀྱི་དཔལ། བྲ་གོར་མཁན་ཆེན་ཆོས་སྐྱོང་བཟང་པོ་སོགས་སྐྱེས་ཆེན་དམ་པ་མང་པོ་སྤྱི་བོར་བསྟེན་ནས། ཐུན་མོང་གི་རིག་གནས་སྤྱི་དང་སྒོས་སུ་ཟབ་མོ་མདོ་སྔགས་ཀྱི་ཆོས་མཐའ་ཡས་པ་གསན། ཐོས་བསམ་སྒོམ་པའི་རིམ་པ་བརྒྱུད་དེ། འཆད་རྩོད་རྩོམ་གསུམ་གྱིས་མདོ་སྔགས་ཀྱི་བསྟན་པ་ལ་དག་ཐེར་མཛད་ཅིང་། བོད་ཁ་བ་ཅན་གྱི་ལྗོངས་འདིར་རྒྱལ་བསྟན་ཉི་མ་ལྟར་གསལ་བར་མཛད་པ་བཀའ་དྲིན་མཆོག་ཏུ་ཆེའོ། །
དགུང་ལོ་ང་གསུམ་པ་ས་གླང་སྤྱི་ལོ་1409ལོར་ལྷ་ས་ཆོ་འཕྲུལ་སྨོན་ལམ་ཆེན་མོའི་མཆོད་ཚོགས་བཙུགས་པ་དང་འབྲོག་རི་བོ་དགེ་ལྡན་རྣམ་པར་རྒྱལ་བའི་གླིང་བཏབ་སྟེ། ཆོས་ཀྱི་སྦྱིན་པ་བསམ་གྱི་མི་ཁྱབ་པ་མཛད། དགུང་ལོ་རེ་གཅིག་པ་མེ་བྱ་སྤྱི་ལོ་1417ལོར་དགའ་ལྡན་དུ་དཀྱིལ་འཁོར་སྒྲུབ་མཆོད་མཛད། ཡངས་པ་ཅན་གྱི་རྟེན་རྣམས་བཞེངས། དགུང་ལོ་རེ་གསུམ་པ་རབ་བྱུང་བདུན་པའི་ས་ཕག་སྤྱི་ལོ་1419ལོའི་བོད་ཟླ་10བའི་ཚེས་25ཉིན་དགའ་ལྡན་དུ་ཞི་བར་གཤེགས། །