མི་ཚེ་འདི་རྨི་ལམ་ཐེངས་གཅིག།
人生是如梦境一般，
སྐྱིད་སྡུག་འདི་རེས་མོས་འཁོར་ལོ།།
痛苦轮换似轮胎，
ཚེ་སྲོག་འདི་རླུང་ཁའི་མར་མེ།།
生命似风中的油灯，
ནམ་ཞིག་ལ་ནུབ་འགྲོ་མི་ཤེས།།
不知道何时灭掉的。

གཞན་གྱི་འཚོ་བ་ལ་འོད་སྣང་དང་ལྡན་པ་མཐོང་ཆོག་མོད།
ཡིན་ཡང་རང་གི་འཚོ་བ་ལའང་མེ་ཏོག་གིས་གང་བར་མཐོང་བའི་མིག་ཟུང་ཕྱེ་དགོས།
ཁྱོས་གཞན་ལ་ཡིད་སྨོན་བྱེད་ཆོག་མོད།

འོན་ཀྱང་ཁྱོས་ནམ་ཡང་རང་ཉིད་ལའང་ཡིད་སྨོན་བྱེད་མཁན་ཡོད་སྲིད་པ་མ་བརྗེད། https://t.cn/RI4EwFM

࿑ བསླས་པའི་སྐྲ་ལོ།

མེ་ཏོག་འདབ་ཁ་ཕྱེས་པའི་དབྱར་ཀ་ལ།།
དབྱར་གྱི་སྤང་ཁ་འགྲིག་པའི་ཐང་སྟེང་ན།།
ལས་སྨོན་མཉམ་དུ་བསླས་པའི་འུ་གཉིས་ཀ།
ཆུ་མགོ་གཅིག་ནས་འཕྲད་པའི་རི་དྭགས་ཡིན།།

ཟླ་འོད་འཇམ་གྱིས་ཤར་བའི་རི་ཁ་ན།།
རི་བོ་ལྷོད་ཀྱིས་བཞུགས་པའི་མཚན་གུང་ན།།
མིག་ཟུང་མཁའ་ལ་ཅེར་བའི་འུ་གཉིས་ཀ།
ལྗོན་པ་གཅིག་ལ་འཁེན་པའི་བྱེའུ་ཆུང་ཡིན།།

ཆར་འཇམ་ཆུ་ལ་འདྲེས་པའི་སྡེ་མཐའ་ན།།
སྡེ་བས་སྦྲ་གུར་ཕུབ་པའི་གཡས་གཡོན་ན།།
རྩྭ་ཆུ་མཉམ་འཐུང་བྱེད་པའི་འུ་གཉིས་ཀ།
ལྷས་ར་གཅིག་ན་ཡོད་པའི་ལུ་གུ་ཡིན།།

སྨུག་པ་དལ་གཅིག་འཁྱིལ་བའི་ལ་ཐོད་ན།།
ལ་ལུང་མཐོང་རྒྱུ་མེད་པའི་རི་སུལ་ན།།
གོམ་མཚམས་མཉམ་དུ་བཞག་པའི་འུ་གཉིས་ཀ།
སྤང་ཁུག་གཅིག་ན་ཡོད་པའི་ཤེའུ་ཕྲུག་ཡིན།།