࿑བྱང་ཕྱོགས་འདི་ན་ཚིག་ཙམ་བྱང་བའང་དཀོན།།
དོན་ལ་སྒྲོ་འདོགས་ཆོད་པ་དེ་བས་དཀོན།།
བསྟན་དོན་ཉམས་སུ་ལེན་པ་སྲིད་མཐའ་ཙམ།།
འདི་གསུམ་མཐར་ཕྱིན་ཁྱོད་ལ་སྙིང་ནས་འདུད།།

࿑ དོན་དངོས་ཀྱི་འཚོ་བའི་ཁྲོད།  ཁྱེད་ཀྱིས་མི་གཞན་གྱི་བཀའ་དྲིན་དག་ཆད་ལྷག་མེད་པར་སེམས་སུ་བཟུང་སྟེ་དྲིན་དྲན་གྱི་སེམས་པ་ཐོག་མཐའ་བར་གསུམ་དུ་རྒྱུན་འཁྱོངས་བྱེད་དགོས།  དྲིན་དྲན་གྱི་སེམས་པས་ཕྱུགས་པོར་ཆགས་ལ། སྤྲོ་སྣང་ཤེས་པ་དང་དྲོད་འཇམ་ལོངས་སུ་སྤྱོད་ཆོག དྲིན་དྲན་གྱི་སེམས་པས་ཁྱོད་རང་ལ་བརྩེ་བ་ཤེས་བཅུག་ཅིང་། བརྩེ་བ་ཤེས་པ་ནས་ཟབ་པ་དང་། ཟབ་པ་ནས་བརྩེ་བ་ཐོབ་པ་བཅས་ཡོང་བའོ།།    在现实生活中，你要铭记他人的点滴恩惠，始终保持一颗感恩的心。感恩会让你变得富有、懂得快乐、享受温暖，感恩让你了解爱，进而开始去爱，最后得到爱。

࿑ བོད་པ་སློབ་གསོ་ཚན་རིག་ཞིབ་འཇུག་པ་རྒན་དཔལ་ལྡན་ཉི་མའི་དཔལ་ཡོན་སྐོར་གྱི་དཔེ་ཆ་འདི་དངོས་གནས་ཡག་པོ་འདུག དཔལ་ཡོན་དང་། དཔལ་ཡོན་གྱི་རིགས་མི་གཅིག་པ་ག་ཚོད་ཡོད་མེད་དང་མི་གཅིག་པ་སྣ་ག་བྱུང་བའི་རྒྱུ་རྐྱེན། དཔལ་ཡོན་གྲུབ་ཚུལ། དཔལ་ཡོན་གྱི་རིགས་ཅི་ཞིག་ལ་བརྟེན་ནས་རྒྱུན་འཁྱོངས་ཐུབ་མིན་སོགས་ཀྱི་ཕྱོགས་ནས་མ་ལག་ཚང་ཞིང་། མ་རྩ་མཆིས་པའི་སྒོ་ནས་ཡག་པོ་བཤད་འདུག སྤྱིར་བཏང་ཁོང་གི་སློབ་གསོའི་དེབ་ཀུན་ཁོ་བོར་ཤིན་ཏུ་འཕྲོད་ཅིང་། བློ་སྐྱེད་སྟེར་མྱངས། ལྷག་ཏུ་སྔ་མོར་བཀླགས་པའི་རྒན་མཐའ་སྒྲོལ་གྱིས་བསྒྱུར་བའི་ཁོང་གི་སྤྱི་ཚོགས་རྣམ་བཤད་དང་། ཐེངས་འདིར་བཀླགས་པའི་དཔལ་ཡོན་རྣམ་བཤད་གཉི་ཀ་ཤིན་ཏུ་ཡག་བྱུང་། སྤྱིར་བཏང་རྒན་མཐའ་སྒྲོལ་གྱིས་ཁོང་གི་དེབ་ཀུན་ནམ་ཞར་སྒྱུར་བཞིན་འདུག ཁོང་གི་བསྒྱུར་དེབ་ཀུན་པོ་ཡག ནམ་ཞར་གོ་བདེ་བ་གཙོར་བྱས་ནས་བསྒྱུར་བ་དེས་དམིགས་ཀྱིས་བཀླག་འདོད་མཆིས། ལྷག་ཏུ་སློབ་གསོ་བ་ཧུང་ལན་གྱིས་བརྩམས་ཤིང་། རྒན་མཐའ་སྒྲོལ་གྱིས་བསྒྱུར་བའི་བཤད་ཆེ་ན་ཕ་གཏམ་བུ་ལ་གནོད་ཅེས་པ་དེས་སློབ་སྦྱོང་གི་སྲོལ་ཀའི་ཁུད་དུ་ཐབས་ཤེས་འཚོལ་རྒྱུ་ནི་ཤིན་ཏུ་གལ་ཆེན་རང་བཞིན་ཡིན་པ་དང་། ལྷག་ཏུ་འོ་སྐོལ་གྱི་དགའ་ཕྱོགས་སམ་དད་མོས་དེ་ཆེད་ལས་ཀྱི་ངོ་བོར་བསྒྱུར་ནས་རང་འདོད་ལྟར་སློབ་སྦྱོང་བགྱི་ན་མཇུག་འབྲས་ཡག་པོ་འབྱུང་ངེས། དེ་ལ་སྤྲོ་སྣང་ལྡན་ཞིང་ངང་ངམ་ཤུགས་ཀྱིས་སློབ་ཅིང་སྦྱང་ངེས། དེ་ལ་གཞན་གྱིས་སྐུལ་མ་གཏོང་མི་དགོས། མ་གཞི་སློབ་སྦྱོང་ནི་བློར་འཛིན་ཙམ་དང་། བཙན་སྐུལ་རང་བཞིན་ཁོ་ནས་མཐའ་འཁྱོལ་མི་ནུས་ལ། དེ་ཡིས་ཨ་ཐང་ཆད་དུ་གཞུག་ངེས། དེ་བས། དད་མོས་དང་ཐབས་ཚུལ་ཟུང་དུ་འབྲེལ་བའི་ནུས་ལྡན་གྱི་སློབ་སྦྱོང་བྱེད་ཐབས་ལག་ཏུ་བསྟར་རྒྱུ་གནད་ཤིན་ཏུ་ཆེ་སྙམ་པའི་གནས་ལུགས་ཤིག་བསྟན་པས་དེབ་དེ་ལའང་ཞོར་ནས་ཤིན་ཏུ་ཞེ་རྩིས་ཤིག་ཆགས་ཡོད། དེ་རིང་བཀླགས་པར་གྲུབ་པའི་དཔལ་ཡོན་ཕྱོགས་ཀྱི་དེབ་འདིས་འཛམ་གླིང་གི་དཔལ་ཡོན་བང་མཛོད་ནང་རི་མཐོ་ས་གཙང་བའི་ས་ཆའི་མི་རྣམས་ཀྱི་མེས་པོ་གོང་མ་ཚོས་དཔལ་ཡོན་ཅི་ཞིག་བསྐྲུན་ཡོད་མེད་དང་། དཔལ་ཡོན་དེ་ལ་ཐུན་མིན་གྱི་ཁྱད་ཞུགས་ཅི་ཡོད་ཀྱི་ཕྱོགས་ནས་གསལ་པོ་ཤེས་རྟོགས་བྱུང་ཞིང་། བློ་སྐྱེད་ཡང་སྟེར་བྱུང་། [太阳]