འགྲོ་འདོད་ཡིད་ལ་ཤར་བའི།
དབེན་པའི་འཚོ་བ་བཙལ་ན།
དག་དང་མ་དག་སེམས་ལ།
རྨི་ལམ་ཨ་སྙིང་གླེང་འོངས།

དགུན་ཟླ་དང་པོའི་ནམ་ཟླ།
ལས་ཀྱི་བཀོད་པ་འགྲིག་ན།
ཉམས་གཡང་རྟེན་འབྲེལ་དམར་པོ།
ཁ་བས་མི་སེམས་བསུས་བྱུང་།

དགའ་སྐྱོ་རིང་མ་ཐུང་མ།
ཀི་ཞིག་ཡིད་ནས་བརྒྱབ་འདུག
ལྷིང་འཇགས་ནང་གི་སེམས་པ།
བདེ་བདེ་མདངས་མ་སྐྱོང་རོགས། https://t.cn/A6fUPhi5

གདུང་དབྱངས་ཆུ་མོའི་བཞུར་རྒྱུན

སྤྲུལ་མིང་བ་རུ་སྔུན་བླ་མས།

མཐའ་བྲལ་དོན་དམ་འོད་གསལ་གཉུག་མའི་གཤིས།།
རིམ་གཉིས་མཐར་ཕྱིན་གཟི་འབར་ལོངས་སྤྱོད་རྫོགས།།
གསང་གསུམ་འོད་ཀྱི་རྩེ་དགའ་འཇོ་བ་ཡི།།
ཐུབ་དབང་ཐུགས་རྗེ་རྒྱ་མཚོས་དུས་ཀུན་སྐྱོངས།།

རྒྱལ་ཀུན་མཁྱེན་བརྩེའི་གཡུ་རལ་མཁའ་ལ་འཕྱོ།།
སྤངས་རྟོགས་མཐར་ཕྱིན་མཆེ་སྡེར་ས་ལ་བགྲད།།
ཐུབ་བསྟན་གངས་རི་སྲུང་བའི་གདོང་ལྔ་བ།།
གང་དག་དགེ་ལེགས་འོད་ཀྱིས་འགྲོ་འདི་སྐྱོངས།།

ཞི་དུལ་མཚམས་སྤྲིན་དམར་པོའི་མདངས་ཀྱིས་འཁྱུད།།
ཚངས་སྤྱོད་ཟླ་གཞོན་འཛུམ་པའི་རོལ་གར་ཅན།།
ལེགས་ཚོགས་མཁའ་རུ་རྩེན་པའི་དགའ་བ་འདིས།།
རྒྱལ་ཀུན་དགྱེས་པའི་མེ་ཏོག་ཁྱེད་ལ་འཕེན།།

གང་དུ་བཤད་སྒྲུབ་དགེ་མཚན་འཕེལ་བའི་གཞིར།།
སྔོན་མེད་དྲང་སྲོང་དགྱེས་པའི་དགའ་སྟོན་དག།
མགྲིན་པའི་དཔལ་དུ་རོལ་བའི་ཆོས་ཚུལ་གང་།།
དགེ་ལེགས་ཚངས་དབྱངས་དགྱེས་པའི་གསོས་སུ་སྨིན།།

མཁས་པའི་ཐུགས་བརྩེའི་བྱུ་རུའི་མེ་ཏོག་འཛུམ།།
བཙུན་པའི་བཅུད་རྩིའི་དྲི་བཟང་ཕྱོགས་ཀུན་ཁྱབ།།
བཟང་པོའི་གཡུ་ལོ་བཞད་པའི་རྩེ་དགའ་དགོད།།
གང་འདུད་མཛད་པ་ཀུན་གྱིས་བརྒྱན་དུ་ངོམས།།

འཆད་པ་དྭངས་གཙང་ཞོགས་རླུང་དལ་གྱིས་རྒྱུ།།
རྩོད་པའི་ཉི་གཞོན་སྣང་བ་མངོན་པར་འཇོ།།
རྩོམ་པའི་རིག་བྱེད་དྲན་པ་དབྱངས་སུ་བསྐུལ།།
མཁས་པའི་སྐྱེད་ཚལ་ལང་ཚོ་སྟོང་གིས་བྱུགས།།

ལྟ་བ་ཤེལ་དཀར་བུམ་པའི་ལང་ཚོ་མཛེས།།
སྤྱོད་པ་དྲི་མེད་ཁ་བརྒྱན་རང་མདངས་གྲོལ།།
སྒོམ་པ་བདུད་རྩི་འདྲེན་པའི་འཚོ་ཆེན་གྱིས།།
གསང་གསུམ་མེ་ཏོག་གངྒཱའི་མངལ་དུ་སྦྲུམ།།

ཐབས་ཤེས་བདེ་སྟོང་ཐིག་ལེ་འཛུམ་པའི་དཔྱིད།།
མདོ་སྔགས་ཟབ་རྒྱས་གཞུང་ལ་རོལ་བའི་གར།།
རྒྱལ་བསྟན་གླིང་གཞི་གསལ་བའི་སྒྲོན་མེ་མཆོག།
ངུར་སྨྲིག་རྣམ་སད་འོད་ཀྱིས་དཔལ་དུ་འཛུམ།།

ཨེ་མ་དཀར་མིན་ལས་ཀྱི་མཐུ་བཙན་མོད།།
དད་དང་འདུན་སྟོབས་ལྷག་བསམ་བྱིན་མཐུ་ཡང་།།
སྟོབས་དང་ལྡན་ཕྱིར་དགེ་འབྲས་འདོད་རྒུའི་ཚོགས།།
མྱུར་དུ་སྨིན་པའི་རྟེན་འབྲེལ་མཐུ་འགྲུབ་མཛོད།།

ཅེས་སྙིགས་དུས་ཀྱི་བསྟན་པའི་གསལ་བྱེད་ཆེན་མོ་དོན་གྱི་སླད་དུ་མཚན་ནས་སྨོས་ཏེ་༧དགེ་བཤེས་འཇམ་དཔལ་བློ་ཤེས་ཚང་གི་དགོངས་པ་གཞན་དུ་གཏད་པ་ཐོས་འཕྲལ་ཆོས་ཀྱི་འབྲེལ་བ་སོགས་ཀྱི་བསྐལ་བ་མ་རེག་མོད།དྲ་ལམ་ཁག་ནས་ཁོང་གི་དཔེ་ཁྲིད་དང་བསླབ་བྱ་དག་ལ་མང་པོར་མཇལ་མྱོང་བས། ད་ནི་ཁོང་གིས་མཛད་འཕྲིན་དག་ལ་རིང་ནས་གུས་པ་ལྷུར་དུ་ལེན་པའི་གྱི་ན་བ་ཀླུ་ཚང་སྤྲུལ་མིང་བ་རུ་སྔུན་བླ་མས་འཕྲལ་དུ་སྦྱར་བའོ། 
                            ༢༠༡༩-༩-༢༢ ཉིན།

སྒྱུ་འཕྲུལ་དྲྭ་བའི་རྒྱུད་ལས། གང་གིས་སྒོ་གསུམ་བཏུད་བྱས་ནས། །རྒྱལ་བའི་སྐུ་ལ་ཕྱག་འཚལ་ན། །དེ་ཡི་བསོད་ནམས་འཇིག་རྟེན་དུ། །གཟུགས་ཅན་གྱུར་ན་ཤོང་མི་འགྱུར། ཞེས་གསུངས།
《幻化网续》：
何人敬三门，顶礼如来身，福德若有形，世间不可容。