འདི་ལྟར་སེམས་ལ་སོང་བའི་བུ་མོ་ཞིག་དང་བྲལ་དགོས་པ་ན་ིཇི་འདྲའི་ཡི་མུག་པ་ཨང་། ཞིབ་ཏུ་བསམ་ན་རང་ཉིད་ཀྱི་བྱས་འབྲས་ཀྱིས་ལན་པ་འབའ་ཞིག་སྟེ། གཏམ་གྱི་མགོ་དཀའ། བྱ་བའི་གཞུང་དཀའ་ཞེས་པ་ནང་བཞིན་ནོ། །གང་ལྟར་ཉི་མ་ལྷོ་བགྲོད་ཀྱི་དུས་དགེ་ཁྱད་པར་ཅན་ལ་སྐད་འཕྲིན་མཐུད་དེ་འུ་གཉི་གའི་འཇིག་རྟེན་ཆ་ཡོད་དུ་གྱུར་ཅིང་། དུས་བཅད་ཀྱི་རྟིང་མའང་ཙོང་ཁའི་འགྲམ་རྒྱུད་ནས་བགྱིས་ཏེ་རེ་བའི་མེ་ཏོག་གི་འཛུམ་རྒྱ་གྲོལ་བའི་རྨང་བཏིང་། ཟླ་ངོ་གསུམ་ལྷག་གི་དུས་ཡུན་ནང་མང་མང་གི་གསུང་གླེང་བགྱིས་པས། སེམས་ཀྱི་འཁྱེར་སོ། དམིགས་པའི་བརྟན་ཆ། ཕྱིར་ཞིང་བརྩེ་བ། མི་སྤུས་དག་པ་སོགས་སྣ་སྒོ་མོ་ནས་ཡིད་དུ་འཐད་པ་ཤ་སྟག་བྱུང་། དེ་བས་སེམས་ཀྱི་ནམ་མཁར་འགྲོགས་འདྲིས་ཨེ་ཡོང་སྙམ་པའི་དྲན་པ་ནར་མར་འོང་། རྒྱང་མ་ནས་ཁོ་བོའི་བསམ་པར་སེམས་ལ་སོང་བའི་བུ་མོར་ཕྱིར་ཞིང་བརྩེ་བ། ཕྱི་ཐག་རིང་བ། ཁ་བཤད་ལ་གནས་པ་ཞིག་དགོས་སྙམ་ནའང་། མིས་བསམ་སར་མི་འགྲོ་གསེག་སར་འགྲོ་ཞེས་པ་ནང་བཞིན། འདི་ལྟ་བུ་བྱུང་བ་རང་ཉིད་ལས་ངན་ནམ་བསོད་ནམས་དམན་པ་ཡིན་ལས་ཆེ། གང་ལྟར་འགྲེལ་བཤད་རྒྱག་དགོས་པའི་ངལ་བ་བསྟེན་མི་དགོས་ཀྱང་། ཁྱོད་ལ་བཤད་པའི་སྐད་ཆ་མང་པོ་ཞིག་དྲང་པོ་དྲང་བཞག་ཡིན་པ་ཐེ་ཚོམ་མེད། གཅིག་ཏུ་ན་དུས་ཚོད་མང་པོ་སྤྱད་པའི་དོན་སྒོའང་ཡིན་ལ། གཉིས་སུ་ན་སེམས་པ་རྣལ་མ་སྟོན་པའི་ཡང་སྙིང་ཡང་ཡིན། དོ་དགོང་དོན་དམ་རང་ཉིད་ཀྱིས་ལྕེ་བཅད་པ་དང་ཁྱད་མེད་དེ། ལབ་གླེང་ཡག་པོ་ཞིག་དང་འགྲེལ་བཤད་དོན་ཅན་ཞིག་ལར་ནས་བཤད་ཐབས་བྲལ། ལྷག་པར་ཁོ་བོ་བརྡ་སྤྲོད་པ་ལ་ཤིན་ཏུ་བླུན་པས་བཤད་བྱ་མང་ཡང་འཆད་པའི་ཐབས་ལ་ཤིན་ཏུ་རྨོངས། གང་ལྟར་དགོངས་འགལ་མེད་པར་ཞུ་ཞུ།[月亮][月亮][月亮][允悲][允悲][允悲]

ཕོ་མི་མཁོ་དགུ་མཁོའི་འདོད་པ་ཅན། །
དུས་དབྱར་དགུན་མེད་པར་ཁོམ་དུས་མེད། །
རྒྱ་ཁེ་བའི་བོང་རྒན་རྒྱབ་མེད་པོ། །
ཁོ་ཀུམ་མེ་ཀུམ་མེ་འདུག་དབང་མེད། །

ཕོ་འདོད་ཆགས་ཅན་གྱི་བློས་ཡེངས་པོ། །
སེམས་རླུང་རྒོད་ལགས་པས་ཁོམ་དུས་མེད། །
དབྱར་སོས་ཀའི་དུས་ཀྱི་བོང་གསེབ་དེ། །
ཁོ་རེང་ངེ་རེང་ངེ་འདུག་དུས་མེད། །

ཕོ་ཞེ་སྡང་ཅན་དང་ཕྲག་དོག་ཅན། །
ཁོ་ཉལ་རུང་ལངས་རུང་བདེ་དུས་མེད། །
ནོར་ཐོབ་རྒྱུ་མེད་རུང་ཁྱི་རྒན་དེ། །
ཁ་ཅབ་བེ་ཅབ་བེ་དལ་དུས་མེད། །

ཕོ་བློ་ཁོག་ཅན་གྱི་བུ་རྒོད་པོ། །
ནོར་སྡུག་གསོག་མུག་གསོག་གང་དུས་མེད། །
ས་འོག་གི་བྱི་ལོང་མཆུ་དམར་དེ། །
ས་འབུར་རེ་འབུར་རེ་འདུག་དུས་མེད། །

ཕོ་རྒོད་པོ་ཚོང་ཁེ་བུན་ལོག་ཅན། །
འདང་སྟོང་བ་བརྒྱབ་ནས་གཉིད་དུས་མེད། །
འཇའ་འཛིན་འདོད་བྱིས་པ་བསམ་མེད་པོ། །
དབུགས་ཐེར་རེ་ཐེར་རེ་འདུག་དུས་མེད། །

མིང་བླ་མ་ཆེན་པོའི་གྲགས་པ་ཅན། །
ཐུགས་ཤི་སྔས་གཏད་ནས་བཞུགས་དུས་མེད། །
མཐོ་དགུང་སྔོན་བསྟོད་པའི་བྱ་རྒོད་དེ། །
ཁོ་ལྷབ་བེ་ལྷབ་བེ་རོ་ལ་འཁོར། །

ཟས་དཀོར་ཟས་འཚོལ་བའི་གྲོང་ཆོག་པ། །
ཁ་ལག་པ་གཉིས་ཀ་དལ་དུས་མེད། །
ས་རི་བྲག་དཀྱིལ་གྱི་བྲ་ཙིག་དེ། །
མཆུ་མོ་རེ་མོ་རེ་དལ་དུས་མེད། །

གནས་རི་ཁྲོད་འགྲིམ་པའི་སྒོམ་ཆེན་པ། །
གྲོང་ཁྱིམ་སྒོ་ཉུལ་ནས་ནས་སྤར་འཐུ། །
ཉིན་ལུང་སྟོང་འགྲིམ་པའི་སྤྱང་ལྟོགས་དེ། །
མཚན་ཀུག་གེ་ཀུག་གེ་རུ་མཐའ་ཉུལ། །

མིང་གོ་ས་མཐོ་འདོད་མི་ཆེན་ཚོ། །
སྡུག་ཡོང་གི་ཡོང་གི་སུན་དུས་མེད། །
མཐོ་རྫ་རི་ཉུལ་བའི་ཤ་བོ་དེ། །
ཁོ་གྲབ་བེ་གྲབ་བེ་འདུག་དུས་མེད། །

དོན་བསམ་བློ་མི་གཏོང་མདོ་མེད་པོ། །
ས་གང་དུ་སོང་ཡང་སྡུག་བསྔལ་མེད། །
མི་སྤྲང་བོས་ཁྲིད་པའི་སྤྲེའུ་དེ། །
ཁྲོམ་གར་སོང་བཞད་གད་ཆ་ལ་ལ། །

ཆོས་ཚུལ་བཞིན་བྱེད་པའི་སྐྱེས་བུ་དེ། །
ཕྱིའི་ཆ་ལུགས་ངན་ཡང་ཀུན་གྱིས་བཀུར། །
གདུགས་སེར་བོ་རྒྱུ་དག་ངན་ན་ཡང་། །
མི་ཀུན་གྱི་གཙུག་ན་གྱི་ལི་ལི། །
ཞེས་པ་འདི་ཡང་ཞང་བཙུན་པས་རྟ་རྫིང་ཇ་སག་ཨུ་རྐེ་ནས་བྲིས་པ་དགེ། །།

དེ་རིང་ཡར་ཀླུང་གི་ན་གཞོན་རྩོམ་པ་པོ་གྲགས་ཆེན་ཨེ་ཉི་མ་ཚེ་རིང་གིས་དཀའ་ལས་བརྒྱབ་ནས་བྲིས་པའི་དཔྱད་འབྲས་འདི་དག་སྐྱེས་སུ་གནང་བྱུང་། སྤྱིར་ན། ཡར་ཀླུང་ནི་བོད་ཀྱི་ལོ་རྒྱུས་ཀྱི་འབྱུང་གནས་ཙམ་དུ་མ་ཟད། རི་ཆུ་ནགས་གསུམ་སོགས་ཀྱང་ལོ་རྒྱུས་དེབ་ཐེར་ནང་འཁོད་པའི་གནས་མཆོག་ཅིག་ཡིན། རྩོམ་པ་པོ་འདིས་ཡིག་ཚང་དང་ཡུལ་དངོས་ཀྱི་མི་རྒན་རྣམས་ལ་གྲོས་དཔྱད་བསྡུར་གསུམ་གྱིས་ཡར་ཀླུང་གི་རི་ཆུའི་རིག་གནས་དང་བྱེ་བྲག་སྣེ་གདོང་ས་མིང་གབ་པ་མངོན་པར་ཕྱུང་ནས་བྲིས་ཡོད། འདི་ནི་བོད་རིག་པར་ཞིབ་འཇུག་བྱེད་པར་ཕན་ཐོགས་ཧ་ཅང་ཆེ་བའི་དཔྱད་འབྲས་ཤིག་ཏུ་བགྲང་ཆོག་པ་ཡིན། — བན་ཤུལ་དཔལ་མཁར་རྒྱལ་གྱིས།