温碧霞与13岁囝囝互动太亲密惹热议，被网民误以为係男友？2010年与丈夫收养儿子视如己出

现年55岁嘅温碧霞近年北上发展，注重保养嘅佢被网民称为“冻龄女神”，最近，佢上载咗一条短片，只见影片中仲有一位男生嘅出现，令网民不禁留言猜测“这是男友吗？”；然而男生其实係佢13岁嘅儿子何国伦（Xavier），母子间嘅亲密互动随即引起网民热议！

温碧霞改变万年不变髮型，剪齐浏海！

温碧霞入行至今已经40几年，但咁多年来身材及样貌都同当年并冇太大差别；而佢充满少女心嘅打扮更加频频成为网民热议嘅话题。最近佢仲罕有地一改多年来嘅中分长髮造型，剪咗齐浏海，心态依然保持年轻！

上载与男生亲密互动影片！

少女心爆棚嘅温碧霞亦用心经营社交媒体，经常向网民分享日常生活。日前，佢上载咗一条短片，只见佢身穿牛仔背心裙，手上有一隻黄色嘅小鸟，充满童心咁同小鸟玩～期间佢后面仲有一位男生出现，二人表现亲暱：头贴头、面贴面，仲有疑似係男方闻头髮嘅举动！

网民误将儿子当成新男友！

有部份网民就不禁对男仔嘅身份感到好奇，留言询问“这是男友吗？”，随后有网民代为解释男仔其实係温碧霞嘅儿子何国伦（Xavier）；不过二人一直以来嘅亲密互动随即引起热议！

部份网民批评母子互动太亲暱？！

翻查过往温碧霞同儿子嘅亲暱互动：面贴面、嘟嘴、互相拥抱等合照都经常见到，睇得出母子关係非常好！但有网民就觉得佢哋嘅举动并唔似母子关係，为此感到震惊；但亦有网民大讚温碧霞係好妈妈。

2010年与丈夫收养儿子

其实13岁嘅Xavier係温碧霞同富商丈夫何祖光喺2010年收养嘅儿子，两夫妇疼爱儿子，一家三口十分温馨！过往曾有传闻指，结婚多年嘅温碧霞係为咗保持身形而拒绝生小朋友，但佢喺受访时解释係因为知道咗姐姐嘅生育过程后感到害怕。

儿子被指同丈夫何祖光超似样！

除此之外，儿子Xavier亦被指同温碧霞丈夫样貌好似，令网民不禁笑言“家人是会变得越来越相似的！”
#星闻杂志##温碧霞#

温碧霞出道40年激罕换新髮型！打扮十年如一日，齐荫look成功减龄？

6月9日，据港媒报道，55岁嘅温碧霞近年北上发展，出演综艺都会讚佢“不老美魔女”，不过佢十年如一日嘅造型曾被指唔适合佢嘅实际年龄。

近日佢喺微博分享近照，一改以往嘅经典髮型，以齐荫新look示人，引起热议！

温碧霞身材外型保养得宜

温碧霞出道多年，参演嘅香港电视剧唔算多，但佢喺《火玫瑰》饰演嘅“海潮”、《封神榜》嘅“妲己”都令人留下深刻印象，成为经典角色，佢更係好多人心目中“最美妲己”。

演艺生涯有代表角色，温碧霞本人亦保养得宜，多年嚟努力维持少女身型，上综艺节目又凭“神仙身材”登上微博热搜，可见大众都认同佢驻颜有术。

中间分界长髮十年如一日，温碧霞突换齐荫新髮型

温碧霞于1982年拍摄电影《靓妹仔》入行至今已有40年，佢身材外型keep得同出道差唔多，连造型、打扮都充满少女心，尤其係髮型，中间分界长髮几乎係佢个人标志，十年如一日。

近日佢喺微博公开近照：“心情靓靓换个新髮型来迎接美好的夏天来临”，相中佢罕有转咗新髮型，唔再係万年不变嘅中分头，而係堪称减龄效果超强嘅齐浏海！

齐荫look成功减龄？

温碧霞影相不忘大摆嘟嘴pose，少女心满满！佢于6月1日儿童节发文：“勿忘初心，永远带着童心快乐每一天：）”睇嚟佢心态的确非常年轻！唔少网友都大讚佢新髮型显得好年轻，但亦有人指似假髮。

但温碧霞随后再晒新相，相中佢依然係“跌膊”造型，但髮型就係齐荫头，相信佢真係剪咗新髮型，有fans留言：“终于换髮型了！好看！”大讚“姐姐好美”。
#星闻杂志##温碧霞#

#微影评#《友情以上》，周末难得有二人世界，撑完台脚就睇吓电影啦，呢排都冇乜戏上画，老婆拣咗呢部泰国电影，老婆仲好有少女心，对于呢类爱情喜剧好有兴趣，而我一个老男人实在好难投入，整体感觉一般般，万年备胎嘅奋斗故事，轻松搞笑但亮点唔多、惊喜欠奉，植入广告层出不穷，泰语真喺好似讲紧粗口，剧情辗转多国感觉喺东南亚旅游特辑，男女主角颜值OK，平采娜自《初恋那件小事》爆红之后，星途坦荡，觉得佢个样同9年前几乎冇变化[吃惊][傻眼]