ཕ་ཡུལ་གྱི་སྣང་ཚུལ།
སྤྱི་ཚོགས་འཕོ་འགྱུར་དབྱར་གྱི་གནམ་གཤིས་ལ།།
མི་སེམས་གཡོ་འགུལ་སྤྲིན་གྱི་རང་གཤིས་ཅན།།
སྣ་ཚོགས་ངག་གི་འཆག་གཏམ་ཀུན་ཏུ་གླེང་།།
སྐོམ་གདུང་སེལ་བའི་སྦྲང་ཆར་གང་ནས་འབྱུང་།།
མི་གཞིའི་ཀུན་སྤྱོད་ཐལ་རྡུལ་ཁྲོད་ཏུ་གཡུག།
གཞུང་དྲང་གཤིས་བཟང་རླུང་ཁའི་མར་མེ་བཞིན།།
འཐེན་འཁྱེར་ཕྱོགས་རིས་དབྱར་མཚོ་བཞིན་དུ་བརྟས།།
ཡར་རྒྱས་རྡོག་རྫིས་གཏོང་བར་དགའ་སྣང་སྐྱེད།།
ཁ་ཡག་ཁོག་བཙོག་ཚུལ་འཆོས་ཅན་པོ་དག།
སྤྱང་ཀིས་ལུ་གུར་གཅེས་པ་ཁྲམ་པའི་ལས།།
ཁོག་བརྒྱངས་ཟིང་སློང་ལས་ལ་ཤིན་ཏུ་བྲེལ།།
ཡུལ་སྡེའི་ལྷིང་འཇགས་དཀྲུགས་པའི་གཏེ་བོ་རེད།།
འགྲོ་དྲུག་ཁ་ལ་འཁྱེར་བའི་ཚུལ་འཆོས་དེ།།
དོན་ལ་ཞེ་སྡང་སྦྲུལ་གྱི་རང་གཟུགས་ཅན།།
ཁ་ནས་དམངས་ལ་ཞབས་འདེབས་སྙན་བརྗོད་པའི།།
དཔོན་ངན་རུལ་སུངས་ཅན་དེ་འབངས་ཀྱི་དགྲ།།
གཟུར་གནས་བློ་ཡི་རྟོག་དཔྱོད་རིང་དུ་བོར།།
དྲང་བདེན་ངག་བརྗོད་ཙམ་ལས་ལག་ལེན་མེད།།
རང་ལྟ་མཆོག་འཛིན་ཅན་གྱི་མི་ཚོགས་ལ།།
བདག་གཞན་གཉིས་ཀ་ཕུང་པའི་བྱ་སྤྱོད་མང་།།
གདམས་ངག་ཟབ་མོའི་ཚུལ་གྱིས་བསླུ་བྲིད་བྱེད།།
དད་ལྡན་འབངས་མིའི་མགོ་བོ་གདུགས་ལྟར་བསྐོར།།
བསྙེན་བཀུར་རང་དོན་འབའ་ཞིག་རྙེད་པ་ཡི།།
རྫུན་མའི་རིགས་འདི་བསྟན་དགྲ་བསྟན་བཤིག་ཡིན།།
ལེགས་ཉེས་བླང་དོར་འབྱེད་པའི་མིག་མེད་ཅིང་།།
བདེན་དོན་ཐོས་པའི་རྣ་བ་འོན་པས་ན།།
གཞུང་དྲང་བློ་ཡི་ཡུལ་དུ་འཆར་བ་དཀོན།།
ཕྱོགས་ལྷུང་ཨུ་ཚུགས་ཅན་གྱིས་ཡུལ་དགོན་བརླག།
ཕྱི་ཡི་རྣམ་པ་རྒྱལ་སྲས་སྤྱོད་པའི་ཚུལ།།
ནང་གི་སྦྱོར་བ་རང་དོན་འབའ་ཞིག་རྙེད།།
གསང་བའི་སྒོ་ནས་ཁྱི་སྤྱང་ངན་འབྲེལ་ཅན།།
ཡུལ་ལུང་འདི་ཡི་རྒུད་པའི་གཞི་མ་ཡིན།།
ཡ་རབས་མི་ལ་སྡང་བའི་མིག་མདའ་འཕེན།།
མཁས་དབང་རྣམས་ལ་ཕྲག་དོག་མེ་ལྕེ་འབར།།
རྣལ་འབྱོར་སྤྱོད་པའི་ཚུལ་ལ་ལོག་ལྟ་བྱེད།།
གཟིག་ལྤགས་བཀབ་པའི་བོང་ཚོགས་མགོ་འཕང་མཐོ།།
དྲང་བདེན་ལྷག་བསམ་ཁ་ནས་འཆད་ན་ཡང་།།
གཡོ་སྒྱུ་ཁྲམ་པའི་ལས་ལ་དགའ་བས་འཇུག།
རང་བསྟོད་གཞན་སྨོད་ཅན་གྱི་མི་བུ་འགས།།
སྤྱང་ཀའི་དག་རྒྱབ་འཕར་ར་ལངས་འདི་མཚར།།
སྐྱབས་འགྲོའི་བསླབ་བྱ་ཙམ་ཡང་མི་མཁྱེན་ཅིང་།།
ཀ་ཁའི་སྨྱུག་རིམ་ལ་ཡང་དེ་བས་རྨོངས།།
མདོ་དང་སྔགས་ལ་ཐོས་བསམ་ཟབ་མོའི་ཚུལ།།
སྟོན་པའི་རང་རློམ་ཅན་ཚོ་སྙིང་རེ་རྗེ།།
མི་ཚེ་ཕྱེད་ཀ་སློབ་རའི་ཚལ་ནས་རྫོགས།།
ཕ་མའི་རྔུལ་ཁྲག་ཁྱོད་ཀྱི་ཁ་ཡིས་བཞིབས།།
མེས་པོའི་རིག་གནས་སྣང་མེད་གཡང་ལ་སྐྱུར།།
ཕ་ཤུལ་བུ་ཡིས་མི་ཟིན་ཁོ་ཐག་རེད།།
མི་རབས་བདུན་ལ་གཉེན་ཚན་བརྩི་བའི་ལུགས།།
ཆོས་རྒྱལ་མེས་དབོན་གསུམ་གྱི་སྲོལ་བཟང་ཡིན།།
ཁེ་ཕན་ཉི་ཚེ་ཙམ་ལ་དམིགས་ནས་ནི།།
མིང་སྲིང་གཉེན་ཏུ་སྒྲིག་པ་ཀླ་ཀློ་ཡིན།།
འཆམ་མཐུན་མཉམ་གནས་ཆོས་སྲིད་གཉིས་སུ་གསུང་།།
འཛམ་གླིང་ཞི་བདེ་ཀུན་གྱིས་རེ་ན་ཡང་།།
རྩྭ་ས་རྟ་སྟན་ཙམ་ལ་རིན་ཆེན་སྲོག།།
གཏོང་བར་ནུས་པའི་ལུག་ཁྲོམ་ཇེ་མང་རེད།།
མཐོང་ཐོས་མྱོང་བའི་ཡིད་ཀྱི་སྣང་ཚུལ་འདི།།
ཤེས་མེད་སྨྱོན་པ་སྐྱུགས་པའི་རང་བཞིན་ཡིན།།
གཅེས་སུ་འོས་པའི་ཕ་ཡུལ་ལུང་པ་འདི།།
ང་དང་ཁྱོད་ཀྱི་ལང་ཚོའི་གར་སྟེགས་ཡིན།།
༢༠༢༣ལོའི་སྤྱི་ཟླ༡༠པའི་ཚེས༡༧ཉིན།
གྱོང་གངས་སྲས་ཀྱིས་བྲིས།
སྤྱི་ཚོགས་འཕོ་འགྱུར་དབྱར་གྱི་གནམ་གཤིས་ལ།།
མི་སེམས་གཡོ་འགུལ་སྤྲིན་གྱི་རང་གཤིས་ཅན།།
སྣ་ཚོགས་ངག་གི་འཆག་གཏམ་ཀུན་ཏུ་གླེང་།།
སྐོམ་གདུང་སེལ་བའི་སྦྲང་ཆར་གང་ནས་འབྱུང་།།
མི་གཞིའི་ཀུན་སྤྱོད་ཐལ་རྡུལ་ཁྲོད་ཏུ་གཡུག།
གཞུང་དྲང་གཤིས་བཟང་རླུང་ཁའི་མར་མེ་བཞིན།།
འཐེན་འཁྱེར་ཕྱོགས་རིས་དབྱར་མཚོ་བཞིན་དུ་བརྟས།།
ཡར་རྒྱས་རྡོག་རྫིས་གཏོང་བར་དགའ་སྣང་སྐྱེད།།
ཁ་ཡག་ཁོག་བཙོག་ཚུལ་འཆོས་ཅན་པོ་དག།
སྤྱང་ཀིས་ལུ་གུར་གཅེས་པ་ཁྲམ་པའི་ལས།།
ཁོག་བརྒྱངས་ཟིང་སློང་ལས་ལ་ཤིན་ཏུ་བྲེལ།།
ཡུལ་སྡེའི་ལྷིང་འཇགས་དཀྲུགས་པའི་གཏེ་བོ་རེད།།
འགྲོ་དྲུག་ཁ་ལ་འཁྱེར་བའི་ཚུལ་འཆོས་དེ།།
དོན་ལ་ཞེ་སྡང་སྦྲུལ་གྱི་རང་གཟུགས་ཅན།།
ཁ་ནས་དམངས་ལ་ཞབས་འདེབས་སྙན་བརྗོད་པའི།།
དཔོན་ངན་རུལ་སུངས་ཅན་དེ་འབངས་ཀྱི་དགྲ།།
གཟུར་གནས་བློ་ཡི་རྟོག་དཔྱོད་རིང་དུ་བོར།།
དྲང་བདེན་ངག་བརྗོད་ཙམ་ལས་ལག་ལེན་མེད།།
རང་ལྟ་མཆོག་འཛིན་ཅན་གྱི་མི་ཚོགས་ལ།།
བདག་གཞན་གཉིས་ཀ་ཕུང་པའི་བྱ་སྤྱོད་མང་།།
གདམས་ངག་ཟབ་མོའི་ཚུལ་གྱིས་བསླུ་བྲིད་བྱེད།།
དད་ལྡན་འབངས་མིའི་མགོ་བོ་གདུགས་ལྟར་བསྐོར།།
བསྙེན་བཀུར་རང་དོན་འབའ་ཞིག་རྙེད་པ་ཡི།།
རྫུན་མའི་རིགས་འདི་བསྟན་དགྲ་བསྟན་བཤིག་ཡིན།།
ལེགས་ཉེས་བླང་དོར་འབྱེད་པའི་མིག་མེད་ཅིང་།།
བདེན་དོན་ཐོས་པའི་རྣ་བ་འོན་པས་ན།།
གཞུང་དྲང་བློ་ཡི་ཡུལ་དུ་འཆར་བ་དཀོན།།
ཕྱོགས་ལྷུང་ཨུ་ཚུགས་ཅན་གྱིས་ཡུལ་དགོན་བརླག།
ཕྱི་ཡི་རྣམ་པ་རྒྱལ་སྲས་སྤྱོད་པའི་ཚུལ།།
ནང་གི་སྦྱོར་བ་རང་དོན་འབའ་ཞིག་རྙེད།།
གསང་བའི་སྒོ་ནས་ཁྱི་སྤྱང་ངན་འབྲེལ་ཅན།།
ཡུལ་ལུང་འདི་ཡི་རྒུད་པའི་གཞི་མ་ཡིན།།
ཡ་རབས་མི་ལ་སྡང་བའི་མིག་མདའ་འཕེན།།
མཁས་དབང་རྣམས་ལ་ཕྲག་དོག་མེ་ལྕེ་འབར།།
རྣལ་འབྱོར་སྤྱོད་པའི་ཚུལ་ལ་ལོག་ལྟ་བྱེད།།
གཟིག་ལྤགས་བཀབ་པའི་བོང་ཚོགས་མགོ་འཕང་མཐོ།།
དྲང་བདེན་ལྷག་བསམ་ཁ་ནས་འཆད་ན་ཡང་།།
གཡོ་སྒྱུ་ཁྲམ་པའི་ལས་ལ་དགའ་བས་འཇུག།
རང་བསྟོད་གཞན་སྨོད་ཅན་གྱི་མི་བུ་འགས།།
སྤྱང་ཀའི་དག་རྒྱབ་འཕར་ར་ལངས་འདི་མཚར།།
སྐྱབས་འགྲོའི་བསླབ་བྱ་ཙམ་ཡང་མི་མཁྱེན་ཅིང་།།
ཀ་ཁའི་སྨྱུག་རིམ་ལ་ཡང་དེ་བས་རྨོངས།།
མདོ་དང་སྔགས་ལ་ཐོས་བསམ་ཟབ་མོའི་ཚུལ།།
སྟོན་པའི་རང་རློམ་ཅན་ཚོ་སྙིང་རེ་རྗེ།།
མི་ཚེ་ཕྱེད་ཀ་སློབ་རའི་ཚལ་ནས་རྫོགས།།
ཕ་མའི་རྔུལ་ཁྲག་ཁྱོད་ཀྱི་ཁ་ཡིས་བཞིབས།།
མེས་པོའི་རིག་གནས་སྣང་མེད་གཡང་ལ་སྐྱུར།།
ཕ་ཤུལ་བུ་ཡིས་མི་ཟིན་ཁོ་ཐག་རེད།།
མི་རབས་བདུན་ལ་གཉེན་ཚན་བརྩི་བའི་ལུགས།།
ཆོས་རྒྱལ་མེས་དབོན་གསུམ་གྱི་སྲོལ་བཟང་ཡིན།།
ཁེ་ཕན་ཉི་ཚེ་ཙམ་ལ་དམིགས་ནས་ནི།།
མིང་སྲིང་གཉེན་ཏུ་སྒྲིག་པ་ཀླ་ཀློ་ཡིན།།
འཆམ་མཐུན་མཉམ་གནས་ཆོས་སྲིད་གཉིས་སུ་གསུང་།།
འཛམ་གླིང་ཞི་བདེ་ཀུན་གྱིས་རེ་ན་ཡང་།།
རྩྭ་ས་རྟ་སྟན་ཙམ་ལ་རིན་ཆེན་སྲོག།།
གཏོང་བར་ནུས་པའི་ལུག་ཁྲོམ་ཇེ་མང་རེད།།
མཐོང་ཐོས་མྱོང་བའི་ཡིད་ཀྱི་སྣང་ཚུལ་འདི།།
ཤེས་མེད་སྨྱོན་པ་སྐྱུགས་པའི་རང་བཞིན་ཡིན།།
གཅེས་སུ་འོས་པའི་ཕ་ཡུལ་ལུང་པ་འདི།།
ང་དང་ཁྱོད་ཀྱི་ལང་ཚོའི་གར་སྟེགས་ཡིན།།
༢༠༢༣ལོའི་སྤྱི་ཟླ༡༠པའི་ཚེས༡༧ཉིན།
གྱོང་གངས་སྲས་ཀྱིས་བྲིས།
ཇི་སྲིད་ཞེ་འདོད་ཚ་དྲག་ན།།
དེ་སྲིད་སེམས་ཁོག་གཅོང་གིས་བཅིངས།།
བཟོད་པའི་བློ་ལ་བགྱིད་ཤེས་ན།།
ནང་སེམས་ཞི་བདེ་དྲོད་ཀྱི་བྱུག །
—— TB-QM
《秋》
དེ་སྲིད་སེམས་ཁོག་གཅོང་གིས་བཅིངས།།
བཟོད་པའི་བློ་ལ་བགྱིད་ཤེས་ན།།
ནང་སེམས་ཞི་བདེ་དྲོད་ཀྱི་བྱུག །
—— TB-QM
《秋》
ལག་པས་བཟུང་ནས་བདེ་བ་ཅན་ལ་འཕེན་མཁན་མེད།
རྐང་པ་བཟུང་ནས་དམྱལ་བར་འདྲུད་མཁན་མེད།
རང་གི་སྐྱིད་སྡུག་རང་གི་ལག་ན་ཡོད།
རང་གིས་རང་ཉིད་མི་བསླུ་ཤིན་ཏུ་གཅེས།
没有人会被握住手扔向极乐,
也没有人会被抓住脚拖进地狱。
个人苦乐在自己手中,
别自欺欺人 才是爱自己。
རྐང་པ་བཟུང་ནས་དམྱལ་བར་འདྲུད་མཁན་མེད།
རང་གི་སྐྱིད་སྡུག་རང་གི་ལག་ན་ཡོད།
རང་གིས་རང་ཉིད་མི་བསླུ་ཤིན་ཏུ་གཅེས།
没有人会被握住手扔向极乐,
也没有人会被抓住脚拖进地狱。
个人苦乐在自己手中,
别自欺欺人 才是爱自己。
✋热门推荐