གསེར་ཆེན་རྫོང་གིས་ང་ལ་བཞག་པའི་ཤུགས་རྐྱེན་ཟབ་ཤས་དེ་མཚོ་ལྷོ་བོད་རིགས་རང་སྐྱོངཁུལ་དཔེ་མཛོད་ཁང་ཟེར་བའི་དཔེ་ཁང་བརྗིད་ལ་ཡིད་དུ་འོང་བ་ཞིག་འདུག་པ་དེའོ། [咖啡] https://t.cn/R2WxDcn
@@@མདོ་ལང་གར་གཤེགས་པ་ལས། སེམས་ཙམ་ལ་ནི་བརྟེན་ནས་སུ། ཕྱི་རོལ་དོན་དུ་མི་བརྟག་གོ། སྣང་བ་མེད་པ་ལ་བརྟེན་ནས། སེམས་ཙམ་ལས་ནི་འདའ་བར་བྱ། །ཡང་དག་དམིགས་པ་ལ་བརྟེན་ནས། །སྣང་བ་མེད་ལས་འདའ་བར་བྱ། ། རྣལ་འབྱོར་སྣང་བ་མེད་གནས་ན། ། ཐེག་པ་ཆེན་པོ་མི་མཐོང་ངོ་། ། ཞེས་གསུངས་པ་ལྟར་ལས་དང་པོ་པས་ས་ནས་གོ་རིམ་འདི་ལྟར་རིམ་བཞིན་དུ་བགྲོད་ནས་གནས་ལུགས་མངོན་དུ་བྱེད་པ་ནི་བླ་མ་དམ་པ་གོང་མ་དག་གིས་གཤེགས་ཤུལ་ལ་སྐལ་ལྡན་དག་མ་ནོར་བར་འཇུག་ཚུལ་འདི་ཁོ་ནར་ངས་ལགས་སོ།།
ངག་དབང་དབྱངས་ཅན་ལ་བསྟོད་པ།
རྩོམ་པ་པོ། ཛམ་རྟོགས་ཤུལ།
རྒྱལ་ཀུན་ལོང་སྤྱོད་འཁོར་ལོའི་རྒྱུ་འཕྲུལ་ཀུན་རྫོབ་སྣ་ཚོགས་སྣང་བའི་མ།།
མཛེས་པའི་གཟུགས་ཀྱི་ཆ་ཙམ་ལའང་དཔེ་མཚོན་མེ་ཏོག་སྟོང་གི་གཞི།།
རྒྱུད་སྟོང་དཀྲོལ་བའི་སྒྱུ་མའི་སོར་མོ་ཤེལ་གྱི་ལྕུག་ཕྲན་རེ་རེ་ནས།།
ངག་གི་དངོས་གྲུབ་གང་འདོད་སྦྱིན་མཁས་མཚོ་བྱུང་ལྷ་མོ་དང་བས་འདུད།།
བརྟེན་འབྲེལ་འོ་མའི་ཆུ་གཏེར་ངོས་ལ་ལེགས་བྲིས་པུར་གྱི་འགྱུ་མ་མིག།
སྐད་ཅིག་མི་ལྷོད་འགྲོ་བའི་སྙིང་ལ་ཟུར་མདའ་རྣོན་པོའི་རྩེ་དགའ་ཅན།།
དར་ཚོན་སྣ་ལྔའི་འཇའ་གུར་འོག་ཏུ་བཅུ་དྲུག་ལང་ཚོའི་མཛེས་སྡུག་འབྱམས།།
སྙན་ངག་བདུད་རྩིའི་དཔྱིད་དཔལ་འཇོ་བ་ངག་དབང་དབྱངས་ཅན་ལྷ་མོར་འདུད།།
ཕྱིན་དྲུག་རིང་བ་འཛིན་མེད་ཏིང་འཛིན་རུས་པ་དཀར་པོའི་རྣ་ཤལ་ལྷམ།།
ཀུན་རྫོབ་མུན་པའི་གཏིང་མཐའ་གྲོལ་བ་མིག་སྨན་རལ་བའི་ཐོར་ཚུགས་འཆིང་།།
ཞི་གཉིས་གར་སྟེགས་གདན་དུ་འཆའ་བ་པདྨ་ཉི་ཟླ་དུས་མེ་སོགས།།
བརྩེགས་པའི་སྟེང་ལ་ཙོག་པུར་འགྱིང་བྱས་མཚན་དང་དཔེ་བྱད་རྒྱན་གྱིས་བརྒྱན།།
རབ་དཀར་བཞིན་གྱི་དཀྱིལ་འཁོར་འཛུམ་པས་ཟླ་བ་འབུམ་གྱི་སྐྱེངས་དང་ལྷན།།
བཞི་བཅུའི་ཚེམས་ཕྲེང་ཤེལ་དཀར་གངས་ཀྱི་མི་ཁྱུད་འདིའང་དགོད་དམ་སྙམ།།
དེ་ཚེ་མཚན་ཞག་སྟོང་སྒུག་པའི་རྨི་ལམ་དཀར་པོའི་འཇིག་རྟེན་ནས།།
ལྷ་མོའི་ཞལ་རས་མཐོང་ཙམ་བྱས་པ་དགའ་བདེ་སྤྱོད་པའི་སྣང་བ་ལྷགས།།
བུང་བ་ལྟར་ནག་སིལ་བུར་བྱེད་པ་སྐེད་པའི་མཚམས་སུ་འཕྱངས་བྱས་ཤིང་།།
དེ་དག་དཀྲོལ་བའི་རིན་ཆེན་མུ་ཏིག་ཕྲ་རྒྱན་བཏབ་པས་དབུ་ལ་བརྒྱན།།
མགྲིན་པའི་རིག་བྱེད་རི་མོ་གསུམ་པའི་འགྱུར་ཁུག་བྲིས་པ་ངོམ་པའི་ཁར།།
ཡང་དག་དཔྱད་དེ་ནོར་ལྷས་ཕུལ་ལམ་སྙམ་པའི་དགུལ་རྒྱན་བྲང་ལ་དཔྱངས།།
བགྲང་བྱའི་འཁོར་ལོ་གངས་དང་གཡའ་ནས་ཚེ་གཅིག་བསྐོར་བའི་ཏིང་འཛིན་ཀྱང་།།
དཀྲོག་པར་བྱེད་ན་འདོད་ལྡན་སྐྱེས་བུ་ལྟ་ཅི་མྱོས་བུམ་དུད་པ་ཅན།།
ཁུར་བས་ངལ་ཏེ་རྒྱག་སྨིན་གསར་བའི་བིམ་པ་མཚར་སྡུག་ལྗེན་ཆར་དུ།།
སྟོན་པ་རིགས་མིན་སེང་རས་དཀར་པོའི་འོག་ཏུ་སྒྲིབ་པའི་ངང་ཚུལ་འཛིན།།
ཕྲེང་དོགས་བཤུལ་ནི་གངས་ཀྱི་རི་བོ་འཇམ་དབྱངས་རལ་གྲིས་གཤེགས་པ་བཞིན།།
ཕྲ་ཞིང་ཕྲ་ལ་ཕྱེད་སྒྲིབ་ཕྱེད་ནི་གསལ་བར་མངོན་པའི་འཕྲོ་མ་ནི།།
ལྟེ་བའི་འཁོར་ལོ་སྨད་ནས་འཁོར་ཞིང་སྐེད་པ་ཆུ་ཤེལ་མདའ་མོ་བཞིན།།
གདུལ་བྱ་འགའ་ལ་གོས་ཀྱི་སྦུབས་སུ་ཡོད་དམ་སྙམ་པའི་ཐེ་ཚོམ་འདྲེན།།
དཔྱི་མགོ་སྦོམ་ཞིང་བླ་གཉིས་མཚམས་རེ་ཕན་ཚུན་འཁྱུད་པའི་འཁྲུལ་བ་སྟེར།།
ཆུ་སྐྱེས་གསར་བ་གསེར་ཀྱི་སྐུད་པས་གཙེག་ཀྲུབ་བྱས་པའི་སྨད་གཡོག་ནི།།
སྲབ་འཇམ་ཡང་བའི་དགེ་མཚན་ཀུན་ཚང་ལི་ཁྲིའི་མདངས་ལ་ཐད་ཀར་འགྲན།།
དད་པའི་སྤུ་ལོང་གཡོ་བའི་རླུང་གིས་མཐིལ་ནས་ཅུང་ཙམ་བསྐྱོད་པ་ཡང་།།
རྐང་མཐིལ་ཟུང་ནི་མེ་ཏོག་རྫས་ཀྱི་ངུར་སྨྲིག་ཚོན་བྱུགས་ཕྲ་ཞིང་མཉམ།།
སེན་མོ་རྣམས་ནི་ཕྲ་བའི་ཤེལ་དང་དུང་གི་གླེག་བུ་དྲིས་པ་བཞིན།།
སྲབ་ཅིང་གསལ་ལ་འོད་ཟེར་འཕྲོས་པ་ཆུ་སྐྱེས་པདྨའི་གདན་བཀོད་དེ།།
ལྟ་བའི་མི་ངོམས་མཚར་སྡུག་གསལ་རྫོགས་ན་ཆུང་བུ་མོའི་རྩེ་ན་རྒོད།།
དྲི་ཟའི་དབྱངས་ཀྱང་ནེ་ཙོའི་གཏམ་གྱི་གོ་འཕང་གསར་བ་ལ་འགོད་པའི།།
ཟབ་དོན་དབྱངས་ཀྱི་རྒྱ་མཚོ་སྐྱོམས་པས་ཡན་ལག་དྲུག་ཅུའི་རྦ་རླབས་འཕྱུར།།
ཁེངས་ལྡན་དགའ་མའི་བཞིན་གྱི་ཟླ་བ་སྐྱེངས་བའི་ས་རུ་ལྷུང་བ་ཡང་།།
ཡང་དག་ཉིད་དེ་དེ་ཉིད་འབུམ་ཕྲག་གཅིག་ཏུ་བསྡུས་བྱས་འཛུམ་ཞལ་ངོམས།།
རང་བཞིན་ཡེ་ཤེས་པྲ་ཕབ་བརྒྱད་ལྡན་དོན་དམ་ལྷ་མོའི་ངོ་བོ་ཉིད།།
ཀུན་རྫོབ་སྒྱུ་མའི་སྤྲུལ་པ་སྣ་ཚོགས་དབང་པོའི་གཞུ་ལས་ལྷག་པར་སྡུག།
མདའ་ལྔའི་དབང་གྱུར་གདུལ་བྱའི་ཡང་ནི་ཡིད་ཀྱི་དབང་པོ་ཅིག་ཆར་དུ།།
ཕྲོགས་པའི་ཐབས་མཁས་ཐུགས་རྗེའི་ཆུ་གཏེར་ལས་གྲོལ་ངག་དབང་དབྱངས་ཅན་མ།།
གཉིས་དོན་མོས་པའི་ཆེ་བའི་ཡོན་ཏན་རྒྱན་དུ་འདོགས་པའི་གར་མཁན་མས།།
སྤྲོས་བྲལ་ཏིང་འཛིན་ཕྱིན་དྲུག་མལ་ནས་རྒྱལ་བའི་སྲས་དག་ལམ་སྟོན་པའི།།
གདམས་པའི་མེ་ཏོག་ལྷ་སྐལ་ཕོག་པའི་ཚོགས་གཉིས་རྫོགས་པའི་ཞིང་ས་རུ།།
རིག་བྱེད་ཚིག་གིས་མེ་ཏོག་སྣ་ཚོགས་ཡང་ཡང་མཆོད་པའི་ས་བོན་བཅུག།
གནའ་དེང་ངག་རིག་པདྨའི་ཚལ་དུ་འོ་མའི་རྒྱ་མཚོ་བསྐྱིལ་པ་བཞིན།།
སྙན་པར་སྨྲ་བའི་ཤེས་ལྡན་རྣམས་ནི་སེམས་ཀྱི་མེ་ལོང་ངོར་བསུས་ཏེ།།
མགྲིན་པའི་དུང་མཚོར་དབྱངས་ཀྱི་ཕོ་ཉར་ཁྱེད་ཉིད་གཅིག་ཏུ་མངའ་གསོལ་བས།།
སྲིད་དང་ཞི་བའི་ཕ་རོལ་ཁྲིད་ཅིག་རྒྱལ་བའི་སྲས་མོ་དབྱངས་ཅན་མ།།
སྙན་ཚིག་ཕྱག་རྟེན་ཕྲེང་བའི་ལྗོན་ཤིང་མེ་ཏོ་སྣ་ཚོག་བརྒྱན་པའི་ངག།
དང་བའི་ཡིད་ཀྱི་དུས་གསུམ་མཆོད་པ་རྒྱལ་སྲས་རྣམས་ཀྱི་རྗེས་སོང་བ།།
མ་རྟོགས་ལོ་རྟོག་ཐེ་ཚོམ་སོགས་ཀྱི་མེ་ལྕེ་སྐད་ཅིག་སྙིལ་བྱེད་པའི།།
དངོས་གྲུབ་བདུད་རྩིའི་སྦྲང་ཆར་སྩོལ་ཅིག་ཤེས་རབ་དཔའ་བོའི་མཛེས་མ་ཀྱེ།།
ཉོན་མོངས་ནད་ཀྱི་སྲིན་བུ་ཁྲག་འཐུང་མདའ་ལྔའི་མཆུ་ཏོ་བཅག་བྱེད་པའི།།
སྒྲིབ་གཉིས་མ་རིག་མུན་པའི་རྒྱ་མཚོ་འཐུང་བའི་ཐོར་ཚུགས་མཛེས་པ་ཅན།།
རིང་ནས་མཆོད་ཅིང་དེང་ཡང་མཆོད་པའི་སྤྲོ་དགའ་འབུམ་གྱི་སྟོན་མོ་ཡིས།།
མ་གྱུར་སེམས་ཅན་རྗེས་སུ་ཟུངས་ཤིག་དེ་ཡི་རྒྱུ་ལ་ཡང་དག་བསྔོ།།
རྩོམ་པ་པོ། ཛམ་རྟོགས་ཤུལ།
རྒྱལ་ཀུན་ལོང་སྤྱོད་འཁོར་ལོའི་རྒྱུ་འཕྲུལ་ཀུན་རྫོབ་སྣ་ཚོགས་སྣང་བའི་མ།།
མཛེས་པའི་གཟུགས་ཀྱི་ཆ་ཙམ་ལའང་དཔེ་མཚོན་མེ་ཏོག་སྟོང་གི་གཞི།།
རྒྱུད་སྟོང་དཀྲོལ་བའི་སྒྱུ་མའི་སོར་མོ་ཤེལ་གྱི་ལྕུག་ཕྲན་རེ་རེ་ནས།།
ངག་གི་དངོས་གྲུབ་གང་འདོད་སྦྱིན་མཁས་མཚོ་བྱུང་ལྷ་མོ་དང་བས་འདུད།།
བརྟེན་འབྲེལ་འོ་མའི་ཆུ་གཏེར་ངོས་ལ་ལེགས་བྲིས་པུར་གྱི་འགྱུ་མ་མིག།
སྐད་ཅིག་མི་ལྷོད་འགྲོ་བའི་སྙིང་ལ་ཟུར་མདའ་རྣོན་པོའི་རྩེ་དགའ་ཅན།།
དར་ཚོན་སྣ་ལྔའི་འཇའ་གུར་འོག་ཏུ་བཅུ་དྲུག་ལང་ཚོའི་མཛེས་སྡུག་འབྱམས།།
སྙན་ངག་བདུད་རྩིའི་དཔྱིད་དཔལ་འཇོ་བ་ངག་དབང་དབྱངས་ཅན་ལྷ་མོར་འདུད།།
ཕྱིན་དྲུག་རིང་བ་འཛིན་མེད་ཏིང་འཛིན་རུས་པ་དཀར་པོའི་རྣ་ཤལ་ལྷམ།།
ཀུན་རྫོབ་མུན་པའི་གཏིང་མཐའ་གྲོལ་བ་མིག་སྨན་རལ་བའི་ཐོར་ཚུགས་འཆིང་།།
ཞི་གཉིས་གར་སྟེགས་གདན་དུ་འཆའ་བ་པདྨ་ཉི་ཟླ་དུས་མེ་སོགས།།
བརྩེགས་པའི་སྟེང་ལ་ཙོག་པུར་འགྱིང་བྱས་མཚན་དང་དཔེ་བྱད་རྒྱན་གྱིས་བརྒྱན།།
རབ་དཀར་བཞིན་གྱི་དཀྱིལ་འཁོར་འཛུམ་པས་ཟླ་བ་འབུམ་གྱི་སྐྱེངས་དང་ལྷན།།
བཞི་བཅུའི་ཚེམས་ཕྲེང་ཤེལ་དཀར་གངས་ཀྱི་མི་ཁྱུད་འདིའང་དགོད་དམ་སྙམ།།
དེ་ཚེ་མཚན་ཞག་སྟོང་སྒུག་པའི་རྨི་ལམ་དཀར་པོའི་འཇིག་རྟེན་ནས།།
ལྷ་མོའི་ཞལ་རས་མཐོང་ཙམ་བྱས་པ་དགའ་བདེ་སྤྱོད་པའི་སྣང་བ་ལྷགས།།
བུང་བ་ལྟར་ནག་སིལ་བུར་བྱེད་པ་སྐེད་པའི་མཚམས་སུ་འཕྱངས་བྱས་ཤིང་།།
དེ་དག་དཀྲོལ་བའི་རིན་ཆེན་མུ་ཏིག་ཕྲ་རྒྱན་བཏབ་པས་དབུ་ལ་བརྒྱན།།
མགྲིན་པའི་རིག་བྱེད་རི་མོ་གསུམ་པའི་འགྱུར་ཁུག་བྲིས་པ་ངོམ་པའི་ཁར།།
ཡང་དག་དཔྱད་དེ་ནོར་ལྷས་ཕུལ་ལམ་སྙམ་པའི་དགུལ་རྒྱན་བྲང་ལ་དཔྱངས།།
བགྲང་བྱའི་འཁོར་ལོ་གངས་དང་གཡའ་ནས་ཚེ་གཅིག་བསྐོར་བའི་ཏིང་འཛིན་ཀྱང་།།
དཀྲོག་པར་བྱེད་ན་འདོད་ལྡན་སྐྱེས་བུ་ལྟ་ཅི་མྱོས་བུམ་དུད་པ་ཅན།།
ཁུར་བས་ངལ་ཏེ་རྒྱག་སྨིན་གསར་བའི་བིམ་པ་མཚར་སྡུག་ལྗེན་ཆར་དུ།།
སྟོན་པ་རིགས་མིན་སེང་རས་དཀར་པོའི་འོག་ཏུ་སྒྲིབ་པའི་ངང་ཚུལ་འཛིན།།
ཕྲེང་དོགས་བཤུལ་ནི་གངས་ཀྱི་རི་བོ་འཇམ་དབྱངས་རལ་གྲིས་གཤེགས་པ་བཞིན།།
ཕྲ་ཞིང་ཕྲ་ལ་ཕྱེད་སྒྲིབ་ཕྱེད་ནི་གསལ་བར་མངོན་པའི་འཕྲོ་མ་ནི།།
ལྟེ་བའི་འཁོར་ལོ་སྨད་ནས་འཁོར་ཞིང་སྐེད་པ་ཆུ་ཤེལ་མདའ་མོ་བཞིན།།
གདུལ་བྱ་འགའ་ལ་གོས་ཀྱི་སྦུབས་སུ་ཡོད་དམ་སྙམ་པའི་ཐེ་ཚོམ་འདྲེན།།
དཔྱི་མགོ་སྦོམ་ཞིང་བླ་གཉིས་མཚམས་རེ་ཕན་ཚུན་འཁྱུད་པའི་འཁྲུལ་བ་སྟེར།།
ཆུ་སྐྱེས་གསར་བ་གསེར་ཀྱི་སྐུད་པས་གཙེག་ཀྲུབ་བྱས་པའི་སྨད་གཡོག་ནི།།
སྲབ་འཇམ་ཡང་བའི་དགེ་མཚན་ཀུན་ཚང་ལི་ཁྲིའི་མདངས་ལ་ཐད་ཀར་འགྲན།།
དད་པའི་སྤུ་ལོང་གཡོ་བའི་རླུང་གིས་མཐིལ་ནས་ཅུང་ཙམ་བསྐྱོད་པ་ཡང་།།
རྐང་མཐིལ་ཟུང་ནི་མེ་ཏོག་རྫས་ཀྱི་ངུར་སྨྲིག་ཚོན་བྱུགས་ཕྲ་ཞིང་མཉམ།།
སེན་མོ་རྣམས་ནི་ཕྲ་བའི་ཤེལ་དང་དུང་གི་གླེག་བུ་དྲིས་པ་བཞིན།།
སྲབ་ཅིང་གསལ་ལ་འོད་ཟེར་འཕྲོས་པ་ཆུ་སྐྱེས་པདྨའི་གདན་བཀོད་དེ།།
ལྟ་བའི་མི་ངོམས་མཚར་སྡུག་གསལ་རྫོགས་ན་ཆུང་བུ་མོའི་རྩེ་ན་རྒོད།།
དྲི་ཟའི་དབྱངས་ཀྱང་ནེ་ཙོའི་གཏམ་གྱི་གོ་འཕང་གསར་བ་ལ་འགོད་པའི།།
ཟབ་དོན་དབྱངས་ཀྱི་རྒྱ་མཚོ་སྐྱོམས་པས་ཡན་ལག་དྲུག་ཅུའི་རྦ་རླབས་འཕྱུར།།
ཁེངས་ལྡན་དགའ་མའི་བཞིན་གྱི་ཟླ་བ་སྐྱེངས་བའི་ས་རུ་ལྷུང་བ་ཡང་།།
ཡང་དག་ཉིད་དེ་དེ་ཉིད་འབུམ་ཕྲག་གཅིག་ཏུ་བསྡུས་བྱས་འཛུམ་ཞལ་ངོམས།།
རང་བཞིན་ཡེ་ཤེས་པྲ་ཕབ་བརྒྱད་ལྡན་དོན་དམ་ལྷ་མོའི་ངོ་བོ་ཉིད།།
ཀུན་རྫོབ་སྒྱུ་མའི་སྤྲུལ་པ་སྣ་ཚོགས་དབང་པོའི་གཞུ་ལས་ལྷག་པར་སྡུག།
མདའ་ལྔའི་དབང་གྱུར་གདུལ་བྱའི་ཡང་ནི་ཡིད་ཀྱི་དབང་པོ་ཅིག་ཆར་དུ།།
ཕྲོགས་པའི་ཐབས་མཁས་ཐུགས་རྗེའི་ཆུ་གཏེར་ལས་གྲོལ་ངག་དབང་དབྱངས་ཅན་མ།།
གཉིས་དོན་མོས་པའི་ཆེ་བའི་ཡོན་ཏན་རྒྱན་དུ་འདོགས་པའི་གར་མཁན་མས།།
སྤྲོས་བྲལ་ཏིང་འཛིན་ཕྱིན་དྲུག་མལ་ནས་རྒྱལ་བའི་སྲས་དག་ལམ་སྟོན་པའི།།
གདམས་པའི་མེ་ཏོག་ལྷ་སྐལ་ཕོག་པའི་ཚོགས་གཉིས་རྫོགས་པའི་ཞིང་ས་རུ།།
རིག་བྱེད་ཚིག་གིས་མེ་ཏོག་སྣ་ཚོགས་ཡང་ཡང་མཆོད་པའི་ས་བོན་བཅུག།
གནའ་དེང་ངག་རིག་པདྨའི་ཚལ་དུ་འོ་མའི་རྒྱ་མཚོ་བསྐྱིལ་པ་བཞིན།།
སྙན་པར་སྨྲ་བའི་ཤེས་ལྡན་རྣམས་ནི་སེམས་ཀྱི་མེ་ལོང་ངོར་བསུས་ཏེ།།
མགྲིན་པའི་དུང་མཚོར་དབྱངས་ཀྱི་ཕོ་ཉར་ཁྱེད་ཉིད་གཅིག་ཏུ་མངའ་གསོལ་བས།།
སྲིད་དང་ཞི་བའི་ཕ་རོལ་ཁྲིད་ཅིག་རྒྱལ་བའི་སྲས་མོ་དབྱངས་ཅན་མ།།
སྙན་ཚིག་ཕྱག་རྟེན་ཕྲེང་བའི་ལྗོན་ཤིང་མེ་ཏོ་སྣ་ཚོག་བརྒྱན་པའི་ངག།
དང་བའི་ཡིད་ཀྱི་དུས་གསུམ་མཆོད་པ་རྒྱལ་སྲས་རྣམས་ཀྱི་རྗེས་སོང་བ།།
མ་རྟོགས་ལོ་རྟོག་ཐེ་ཚོམ་སོགས་ཀྱི་མེ་ལྕེ་སྐད་ཅིག་སྙིལ་བྱེད་པའི།།
དངོས་གྲུབ་བདུད་རྩིའི་སྦྲང་ཆར་སྩོལ་ཅིག་ཤེས་རབ་དཔའ་བོའི་མཛེས་མ་ཀྱེ།།
ཉོན་མོངས་ནད་ཀྱི་སྲིན་བུ་ཁྲག་འཐུང་མདའ་ལྔའི་མཆུ་ཏོ་བཅག་བྱེད་པའི།།
སྒྲིབ་གཉིས་མ་རིག་མུན་པའི་རྒྱ་མཚོ་འཐུང་བའི་ཐོར་ཚུགས་མཛེས་པ་ཅན།།
རིང་ནས་མཆོད་ཅིང་དེང་ཡང་མཆོད་པའི་སྤྲོ་དགའ་འབུམ་གྱི་སྟོན་མོ་ཡིས།།
མ་གྱུར་སེམས་ཅན་རྗེས་སུ་ཟུངས་ཤིག་དེ་ཡི་རྒྱུ་ལ་ཡང་དག་བསྔོ།།
✋热门推荐