ཡ་གི་ཀུན་གྱིས་སྨོན་པའི་བདེ་བ་ཅན། །
མ་ཀི་ཀུན་པོ་འཇིགས་པའི་དམྱལ་བ་གཉིས། །
རང་རང་སེམས་ལས་ལོགས་སུ་མེད་པ་ན། །
སེམས་ཀྱི་ངོ་བོ་སེམས་ཀྱིས་ཤེས་པར་བྱ། །
དེང་སྨྱུག།

སྨིན་དྲུག་ཁྲ་མོ།

བརྩོན་ནས།
མཚན་མོའི་ནམ་མཁའ་ན།
འོད་ལམ་ལམ་དུ་འཚེར་བའི་སྨིན་དྲུག་ཁྲ་མོ།
ཁྱོད་ནི་ནམ་ཡང་འབྲལ་མེད་ཀྱི་བརྩེ་བ་མཚོན་པའི་རྟགས་ཡིན་པས།
ངས་ཁྱོད་ལ་ཡིད་ཆེས་དང་སེམས་པ་གཏད་ཡོད།

ཨ་སྔོན་དབྱིངས་ནས་འཆར་བའི་སྨིན་དྲུག་ལགས།
ཁྱོད་ཚོས་འབྲལ་མེད་ཀྱིས་ནུས་པ་དེ།
ཨ་གསར་གྱི་ཁེབ་པའི་འཇིག་རྟེན་འདིར་སྦྱིན་ནུས་སམ།
དུས་དེར།
ངས་མགོ་བོ་གྱེན་དུ་འདྲེན་ནས་ཁྱོད་སར་ལྟས།

སྤྲིན་ནག་གི་གཡོར་བའི་མཚན་མོ་འདིར།
ངས་ཤིང་ཁང་གྲུ་བཞི་ཡི་སྒེའུ་ཁུང་ནང་ནས།
རྒྱང་རིང་ལ་ལྟས་ནས་ཁྱོད་ཤར་བ་སྒུག་ནས་བསྡད་ཡོད།
ཡིན་ཡང་།
གནམ་གཤིས་དང་གཞན་རྐྱེན་དབང་གིས་མཐོང་ཐབས་བྲལ་བས།
ང་ཡང་རིམ་བཞིན་རྨི་ལམ་གྱི་ལམ་ཁར་ཞུགས།

2023.8.31མཚན་མོར།

འདན་ཀློང་ཐང་གི་རྒྱ་གར་ཁ་སྤུ་བ། །
གནས་སྨན་ལུང་གི་ཆོས་ཀྱི་གདམས་པ་ཅན། །
ཁོང་པདྨ་རུ་རྩེའི་ཐབས་ཤེས་ལས། །
སྲོག་བོར་ནས་བོད་དུ་དྲངས་པར་གུས། །

དབྱིངས་ཀྱིས། https://t.cn/R2Wx1Aq