曾與朱晨麗傳緋聞傳足6年的何廣沛，近日大方認有新戀情，女方Sarah係公關公司創辦人，有錢又靚女，不過日前有網民就上社交平台爆料指Sarah結過婚，又狂鬧何廣沛「劈腿」、「食軟飯」，引來何廣沛嬲爆落場反擊！

有網民日前在社交平台大鬧何廣沛：「何廣沛劈腿的渣男，去年就跟這個新歡在一起了，去韓國旅遊被路人碰見，這個新歡是富家女，何廣沛吃軟飯，而且新歡在21年10月結過婚，不知道她跟何廣沛一起的時候離婚沒有？何廣沛劈腿被朱朱甩了，所以他年初自己放料給狗仔，潑髒水給朱晨麗，最近又污蔑朱朱未婚先孕，他跟這個新歡還有很多料沒爆出來。」

對此何廣沛未有啞忍，而是親自落場反擊：「我倒是想了解我是怎樣報料，但是你的故事倒是讓我覺得你的幻想力能去當編劇呀。」並加上幾個「笑cry」emoji。之後何廣沛又相繼留言反擊不同網民：「反而我好好奇你說的證據呢。」、「我倒是想聽一下。」、「你的故事是誰說的。」有網民建議何廣沛講出真相，他就笑指：「我也是在吃花生。」

有傳媒報道指何廣沛女友Sarah確實於2021年結婚，但並非10月而是1月，更於2022年中已離婚，而跟何廣沛是在去年尾開始拍拖，有指男方當時已被朱晨麗飛了半年，因此與網民所指的「劈腿」並不符合。

文章版權為新傳媒集團所擁有，原文請按： https://t.cn/A6OIZFt7

#吕爵安edanlui[超话]#
230829 爵安ig&ig story update
好啦，本身諗住開Live先講，但見有人開始擔心我冇PR，覺得我係嬲豬，覺得我個人唔humble，我惟有早啲同大家分享下我嘅諗法同目的啦☺️(白紙黑字寫低都好嘅)

1. 你係咪唔可以俾人話啊？
其實不嬲我都好接受理性、坦白嘅意見(如果唔係我都唔會cut短talk part啦‍)，因為我都好想做好啲繼續進步
好唔好睇，好唔好聽，好唔好笑，完全係base on個人喜好，咸魚青菜，各有所好，唔鍾意係完全冇問題，我亦都好樂意接受。
但如果係直接msg我一啲人生攻擊，完全扭曲我原意嘅嘢，我就真係想講句「有心啦！」❤️

2. 你唔好理啲haters啦！無視佢Block咗佢就算啦！
其實個個都會咁講，但我可以分享一個比喻俾大家feel下其實係咩感受
「你俾人好大力打咗一巴落塊面到，然後身邊嘅人同你講:「算啦，有佢啦。」」
喂大佬！我塊面仲痛緊㗎喎！點無視啊！
藝人都係人，藝人都會有感受，但個世界好似禁止咗藝人有感受/表達感受。

3. Po dm出嚟好小家，好冇PR。
首先，講真，你公海_我我真係算數你直接msg我，但係又唔俾我公開(名都遮埋啦喎)，哩個係咩logic?
再講真，我梗係知我咁樣做有人會覺得我好小家(所以我係唔會鬧佢㗎☺️)，覺得一個公眾人物唔應該咁做。
喂！啲天皇巨星都唔會咁做啦！
你啱啊！我真係唔係天皇巨星level啊嘛

咁點解我要咁樣做呢？就係因為我想俾大家知道做偶像做藝人每日係會suffer啲乜嘢
好多人就係藉住「偶像、藝人係唔應該反擊」哩條規則而為所欲為。
而好多Artist都因為哩條「潛規則」而選擇「啞忍」，殊不知內心已經千瘡百孔，甚至情緒病。
我比較好彩，我心臟真係算強大，情緒都算係比大部分人穩定。但當我發現連我都會被哩啲嘢牽動情緒嘅時候，我想嘗試去做少少嘢，想嘗試去改變少少嘢。
我唔認同做藝人就要啞忍、就要硬食，我相信只要你唔係發脾氣，你有道理，你有禮貌地表達，總有明白事理嘅人係會明白你係會支持你。

4. 將心比己
其實老實講，街外大把唔鍾意我嘅人，但佢哋係唔會浪費時間特登走去睇我啲嘢仲走嚟dm我㗎
所以我想同haters講，你哋做緊嘅嘢，係同樣地有人會對你偶像咁樣做，而佢哋亦都會受困擾，我相信你哋都唔會想佢哋suffer。所以，己所不欲，勿施於人。
我想改變嘅嘢唔係淨係想唔好再有人嚟_我(我亦都冇咁天真覺得我咁樣講完就會冇)，而係希望大家可以將心比己，其實大家無仇無怨，冇必要製造咁多負面嘅情緒，哩啲完全係vicious cycle。
如果你哋控制唔到，發現_完我先會舒服啲嘅，咁不如你哋dm鬧完之後同我講聲：「辛苦晒，我舒服了。」咁我可能都可以當係做咗善事，唔放喺心到 (當然可能你哋就係想我放喺心)

5. 總結
講咁多，其實都係想大家做人relax啲，同埋想話俾大家知其實所有人都只係一個普通人。
哩一年發覺，做人要經常開心事事順利身體健康其實一啲都唔容易，每日都有好多不幸嘅事情發生，其實好多人都過得好「苦」。
喺咁嘅前提下，點解仲要想去製造更多嘅「苦」，又何必呢？
不如真係試吓放鬆啲，嘗試欣賞多啲or用另一個角度去睇嘢，可能大家都會開心啲。
唔鍾意咪唔好睇囉，但冇必要傷害人姐，right?

最後我想講我唔係話個個人都要好似我用咁嘅方式去表達，每個人都有佢嘅自由同方法同capacity去應對，但我相信每一個人(包括藝人)都係絕對有權去有禮貌地表達自己的。

其實我個talk show就係想表達類似嘅嘢，有機會再同大家分享多啲歡迎大家去youtube參透下☺️

講完，感恩感恩❤️

韓星#李昇基#啞忍「奴隸合約」18年，終於跟事務所擘面，更向韓媒爆料指過往推出過137首歌曲，累計收益達5,700萬港元，自己卻一分錢也沒收到，故要求公司公開結算表，卻反遭老闆恐嚇：「整死你！」
韓劇《#金秘書為何那樣#》的女星#朴敏英#與男星#李昇基#所屬的Hook事務所，早前突遭警方扣押搜查長達5小時，疑與公司內部員工涉虧空公款有關。李昇基隨後向合作18年的Hook事務所發送法律文件，以收益分配問題為由，要求公司公開結算內容。
他與事務所鬧出合約糾紛後，11月21日有韓媒指李昇基出道18年，先後推出過27張唱碟，自2004年至2022年便發行了多達137首歌，音源收益累計約5,700萬港元，但他卻從未收過分毫，因為公司老闆權某經常跟他說其唱碟賺不到錢，又謂宣傳費不菲，令他一直以為自己是「赤字歌手」，直至21年收到稅單，與樂壇前輩商議後開始起疑，向事務所索取結算文件卻遲遲不獲答覆。
韓媒亦公開李昇基經理人與老闆之間的聊天截圖，顯示權某經常打擊李昇基的自信心，以便操控藝人，當中對話內容包括：「昇基啊，粉絲們不會買你的專輯，賺不到錢，為何還要求這麼多？」權某又向經理人說：「李昇基已經過氣，讓他好好按規定的路線走，省下經費吧！」態度傲慢，完全不尊重藝人。而李昇基發給公司理事的短訊中則有：「我聽經理人說老闆發了很大火，還說即使賭上自己的名字和人生也要整死我，我要求的結算表足足一年也沒有回應，我只是在維護自己的正當權利，為何他要這樣恐嚇我？ 」
此外，李昇基與事務所的收益分帳比率，由2004年的4比6增至2009年的6比4，及至2017年再增至7比3，但其實以他一線男星的級數，應該可要求8比2分帳。李昇基亦被翻出早幾年曾在節目中自爆不清楚劇酬多少的短片。至於同門女星朴敏英早前甩拖後，心情未受影響，21日晒腿現身台灣出席品牌活動。