ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃ༔

མདུན་གྱི་ནམ་མཁའི་པད་མའི་གདན་ལ།། 

རྒྱལ་ཀུན་ངོ་བོ་པད་འབྱུང་བཞུགས་ཡོད།། 

རྩེ་གཅིག་དད་པས་སིདྡྷི་བཟླས་ན།། 

མཆོག་ཐུན་དངོས་གྲུབ་མི་སྩོལ་མི་སྲིད།། 

ནམ་ཞིག་གཤིན་རྗེའི་གྲོང་ལ་ཐོན་ནས།། 

སོད་རྒྱོབ་སྒྲ་ཡིས་འཇིགས་ཏེ་འབྲོས་ཚེ།། 

པད་འབྱུང་བྱོན་ནས་མི་སྐྱོབ་མི་སྲིད།། 

དེ་ཕྱིར་རྟག་པར་གུར་བསྙེན་འདོན་ཡ།། 

དགེ་སྡིག་རྣམ་སྨིན་རྣ་བས་ཐོས་ཀྱང་།། 

དགེ་སྒྲུབ་སྡིག་སྤང་ལག་ལེན་མ་ནུས།། 

འོན་ཀྱང་སྙིང་གི་གཏིང་ནས་འབོད་ས།། 

གུ་རུ་བཞུགས་པས་ཞེ་བློ་བདེ་སོང་།། 

སྙིགས་དུས་རྒུད་པ་རླུང་ནག་ཁྲོད་ན།། 

སྲོག་གི་གཤེད་མ་རྩིས་པས་མི་ཟིན།། 

སྙིང་དང་རུས་པའི་གསེང་ནས་འབོད་ས།། 

གུ་རུ་བཞུགས་པས་ཞེ་བློ་བདེ་སོང་།། 

ཉམས་ལེན་བྱ་འདོད་ཞེ་ན་ཡོད་ཀྱང་།། 

ཕྱི་བཤོལ་ངང་ནས་མི་ཚེ་རྫོགས་སོང་།། 

རང་གི་སྙིང་དབུས་པད་སྡོང་རྩེ་ན།།

གུ་རུ་བཞུགས་པས་ཞེ་བློ་བདེ་སོང་།། 

             ༢༠༢༣. སྟོན་ཁ།  དགེ་ལེགས་ནས། 

          

‍♂️འབྲོམ་སྟོན་པས།
དེང་དུས་སྐྱེ་བོའི་ཚོགས་ནི་གསར་འགྲོགས་ཆེ།།
བསླུ་བྲིད་འཁོར་གྱི་ཚོགས་ལ་གཟབ་པར་མཛོད།།ཅེས་གསུངས།
仲敦巴尊者：
当今的人们喜新厌旧，故当小心身边人的欺惑。 ​​​

དུས་ཚོད་དམ་འཛིན་གྱིས།

དུས་ཚོད་བཅུ་གཉིས་ནི་དང་པོ་ནས་མགོ་རྩོམ་ནས་བཅུ་གཉིས་བར་གཡས་སུ་སྐོར་ནས་འགྲོ་བ་མ་གཏོགས་གཡོན་དུ་བསྐོར་ནས་འགྲོ་རོགས་མི་བྱེད་པ་རེད།
དེ་བཞིན་དུ་ང་ནི་སྐྱེ་བ་ནས་འཆི་བ་ལ་ཚེ་གཏུག་པ་མ་གཏོགས་བློ་ཐབས་མེད་པ་ཡིན་པའི་ཕྱིར་ན་ཁྱོད་ལ་ཕན་པའི་དངོས་པ་བཟང་པོ་ནི་དམ་པའི་ཆོས་ཁོ་ནའོ།།